헬라어 문장 검색 - ΧενοπήΜινορΩό1́03́

(크세노폰, Minor Works, Ἀγησίλαος, chapter 3)

καὶ ταῦτα μὲν δὴ εἴρηται ὅσα τῶν ἐκείνου ἔργων μετὰ πλείστων μαρτύρων ἐπράχθη. τὰ γὰρ τοιαῦτα οὐ τεκμηρίων προσδεῖται, ἀλλ’ ἀναμνῆσαι μόνον ἀρκεῖ καὶ εὐθὺσ πιστεύεται. νῦν δὲ τὴν ἐν τῇ ψυχῇ αὐτοῦ ἀρετὴν πειράσομαι δηλοῦν, δι’ ἣν ταῦτα ἔπραττε καὶ πάντων τῶν καλῶν ἤρα καὶ πάντα <τὰ> αἰσχρὰ ἐξεδίωκεν. Ἀγησίλαοσ γὰρ τὰ μὲν θεῖα οὕτωσ ἐσέβετο ὡσ καὶ οἱ πολέμιοι τοὺσ ἐκείνου ὁρ́κουσ καὶ τὰσ ἐκείνου σπονδὰσ πιστοτέρασ ἐνόμιζον ἢ τὴν ἑαυτῶν φιλίαν·

<οἳ καὶ πρὸσ ἀλλήλουσ ἔστιν ὅτε> μὲν ὤκνουν εἰσ ταὐτὸν ἰέναι, Ἀγησιλάῳ δὲ αὑτοὺσ ἐνεχείριζον. ὅπωσ δὲ μή τισ ἀπιστῇ, καὶ ὀνομάσαι βούλομαι τοὺσ ἐπιφανεστάτουσ αὐτῶν. Σπιθριδάτησ μέν γε ὁ Πέρσησ εἰδὼσ ὅτι Φαρνάβαζοσ γῆμαι μὲν τὴν βασιλέωσ ἔπραττε θυγατέρα, τὴν δ’ αὐτοῦ ἄνευ γάμου λαβεῖν ἐβούλετο, ὕβριν νομίσασ τοῦτο Ἀγησιλάῳ ἑαυτὸν καὶ τὴν γυναῖκα καὶ τὰ τέκνα καὶ τὴν δύναμιν ἐνεχείρισε.

Κότυσ δὲ ὁ τῶν Παφλαγόνων ἄρχων βασιλεῖ μὲν οὐχ ὑπήκουσε δεξιὰν πέμποντι, φοβούμενοσ μὴ ληφθεὶσ ἢ χρήματα πολλὰ ἀποτείσειεν ἢ καὶ ἀποθάνοι, Ἀγησιλάου δὲ καὶ οὗτοσ ταῖσ σπονδαῖσ πιστεύσασ εἰσ τὸ στρατόπεδόν τε ἦλθε καὶ συμμαχίαν ποιησάμενοσ εἵλετο σὺν Ἀγησιλάῳ στρατεύεσθαι, χιλίουσ μὲν ἱππέασ, δισχιλίουσ δὲ πελτοφόρουσ ἔχων.

ἀφίκετο δὲ καὶ Φαρνάβαζοσ Ἀγησιλάῳ εἰσ λόγουσ καὶ διωμολόγησεν, εἰ μὴ αὐτὸσ πάσησ τῆσ στρατιᾶσ στρατηγὸσ κατασταθείη, ἀποστήσεσθαι βασιλέωσ·

ἢν μέντοι ἐγὼ γένωμαι στρατηγόσ, ἔφη, πολεμήσω σοι, ὦ Ἀγησίλαε, ὡσ ἂν ἐγὼ δύνωμαι κράτιστα. καὶ ταῦτα λέγων ἐπίστευε μηδὲν ἂν παράσπονδον παθεῖν. οὕτω μέγα καὶ καλὸν κτῆμα τοῖσ τε ἄλλοισ ἅπασι καὶ ἀνδρὶ δὴ στρατηγῷ τὸ ὅσιόν τε καὶ πιστὸν εἶναί τε καὶ ὄντα ἐγνῶσθαι. καὶ περὶ μὲν εὐσεβείασ ταῦτα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Ἀγησίλαος, chapter 3

(크세노폰, Minor Works, Ἀγησίλαος, chapter 3)

상위

목록

SEARCH

MENU NAVIGATION