Xenophon, Memorabilia, Ἀπομνημονευμάτων Δ, chapter 4 15:

καὶ ὁ Ἱππίασ, νόμουσ δ’, ἔφη, ὦ Σώκρατεσ, πῶσ ἄν τισ ἡγήσαιτο σπουδαῖον πρᾶγμα εἶναι ἢ τὸ πείθεσθαι αὐτοῖσ, οὕσ γε πολλάκισ αὐτοὶ οἱ θέμενοι ἀποδοκιμάσαντεσ μετατίθενται; καὶ γὰρ πόλεμον, ἔφη ὁ Σωκράτησ, πολλάκισ ἀράμεναι πόλεισ πάλιν εἰρήνην ποιοῦνται. καὶ μάλα, ἔφη. διάφορον οὖν τι οἰεί ποιεῖν, ἔφη, τοὺσ τοῖσ νόμοισ πειθομένουσ φαυλίζων, ὅτι καταλυθεῖεν ἂν οἱ νόμοι, ἢ εἰ τοὺσ ἐν τοῖσ πολέμοισ εὐτακτοῦντασ ψέγοισ, ὅτι γένοιτ’ ἂν εἰρήνη; ἢ καὶ τοὺσ ἐν τοῖσ πολέμοισ ταῖσ πατρίσι προθύμωσ βοηθοῦντασ μέμφῃ; μὰ Δί’ οὐκ ἔγωγ’, ἔφη.