호흡부호 보기
강세부호 보기
장단부호 보기
작은 Iota 보기
모든 부호 보기
ἐκ ποτέ τισ φρικτοῖο θεᾶσ σεσοβημένοσ οἴστρῳ ῥομβητοὺσ δονέων λυσσομανεῖσ πλοκάμουσ, θηλυχίτων, ἀσκητὸσ ἐϋσπείροισι κορύμβοισ, ἁβρῷ τε στρεπτῶν ἅμματι κεκρυφάλων, ἴθρισ ἀνήρ, κοιλῶπιν ὀρειάδα δύσατο πέτραν, Ζανὸσ ἐλαστρησθεὶσ γυιοπαγεῖ νιφάδι. τὸν δὲ μέτ’ ἀρρίγητοσ ἐπείσθορε ταυροφόνοσ θήρ, εἰσ τὸν ἑὸν προμολὼν φωλεὸν ἑσπέριοσ·
ἀθρήσασ δ’ εἰσ φῶτα, καὶ εὐτρήτοισιν ἀυτμὰν μυκτῆρσιν βροτέασ σαρκὸσ ἐρυσσάμενοσ, ἔστα μὲν βριαροῖσιν ἐπ’ ἴχνεσιν ὄμμα δ’ ἑλίξασ βρυχᾶτο σφεδανῶν ὄβριμον ἐκ γενύων. ἀμφὶ δ’ οἱ σμαράγει μὲν ἐναυλιστήριον ἄντρον, ἄχει δ’ ὑλάεισ ἀγχινεφὴσ σκόπελοσ.
αὐτὰρ ὃ θαμβήσασ φθόγγον βαρύν, ἐκ μὲν ἅπαντα ἐν στέρνοισ ἐάγη θυμὸν ὀρινόμενον ἀλλ’ ἔμπασ ἐρίμυκον ἀπὸ στομάτων ὀλολυγὰν ἧκεν, ἐδίνησεν δ’ εὐστροφάλιγγα κόμαν χειρὶ δ’ ἀνασχόμενοσ μέγα τύμπανον, ἐπλατάγησεν, δινωτὸν Ῥείασ ὅπλον Ὀλυμπιάδοσ τὸ ζωᾶσ ἐπαρωγὸν ἀήθεα γὰρ τότε βύρσησ ταυρείου κενεὸν δοῦπον ἔδεισε λέων, ἐκ δὲ φυγὼν ὤρουσεν.
ἴδ’ ὡσ ἐδίδαξεν ἀνάγκα πάνσοφοσ ἐξευρεῖν ἔκλυσιν Αἴδεω.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기