호흡부호 보기
강세부호 보기
장단부호 보기
작은 Iota 보기
모든 부호 보기
Σιμμίου Θηβαίου εἰσ Σοφοκλέα· Τὸν σὲ χοροῖσ μέλψαντα Σοφοκλέα παῖδα Σοφίλλου, τὸν τραγικῆσ Μούσησ ἀστέρα Κεκρόπιον, πολλάκισ ὃν θυμέλῃσι καὶ ἐν σκηνῇσι τεθηλὼσ βλαισὸσ Ἀχαρνίτησ κισσὸσ ἔρεψε κόμην, τύμβοσ ἔχει καὶ γῆσ ὀλίγον μέροσ· ἀλλ’ ὁ περισσὸσ αἰὼν ἀθανάτοισ δέρκεται ἐν σελίσιν. τοῦ αὐτοῦ εἰσ τὸν Σοφοκλέα· Ἠρέμ’ ὑπὲρ τύμβοιο Σοφοκλέοσ, ἠρέμα, κισσέ, ἑρπύζοισ χλοεροὺσ ἐκπροχέων πλοκάμουσ, καὶ πέταλον πάντη θάλλοι ῥόδου, ἥ τε φιλορρὼξ ἄμπελοσ ὑγρὰ πέριξ κλήματα χευαμένη, εἵνεκεν εὐμαθίησ πινυτόφρονοσ, ἣν ὁ μελιχρὸσ ἤσκησ’ ἐν Μουσῶν ἄμμιγα καὶ Χαρίτων. Σιμμίου· εἰσ Πλάτωνα τὸν φιλόσοφον· Σωφροσύνῃ προφέρων θνητῶν ἤθει τε δικαίῳ ἐνθάδε κεῖται ἀνὴρ θεῖοσ Ἀριστοκλέησ· εἰ δέ τισ ἐκ πάντων σοφίησ μέγαν ἔσχεν ἔπαινον, οὗτοσ ἔχει πλεῖστον, καὶ φθόνον οὐ φέρεται.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기