Theocritus, Idylls, Οαριστύς

(테오크리토스, Idylls, Οαριστύς)

Τὰν πινυτὰν Ἑλέναν Πάρισ ἡρ́πασε βουκόλοσ ἄλλοσ. μᾶλλον ἑκοῖσ’ Ἑλένα τὸν βουκόλον ἔσχε φιλεῦσα. μὴ καυχῶ σατυρίσκε· κενὸν τὸ φίλαμα λέγουσιν. ἔστι καὶ ἐν κενεοῖσι φιλάμασιν ἁδέα τέρψισ. τὸ στόμα μευ πλύνω καὶ ἀποπτύω τὸ φίλαμα. πλύνεισ χείλεα σεῖο; δίδου πάλιν ὄφρα φιλάσω. καλόν σοι δαμάλασ φιλέειν, οὐκ ἄζυγα κώραν. μὴ καυχῶ· τάχα γάρ σε παρέρχεται ὡσ ὄναρ ἥβη. ἢν δέ τι γηράσκω, τόδε που μέλι καὶ γάλα πίνω. < ἁ σταφυλὶσ σταφίσ ἐστι καὶ οὐ ῥόδον αὐο͂ν ὀλεῖται. δεῦρ’ ὑπὸ τὰσ κοτίνουσ, ἵνα σοί τινα μῦθον ἐνίψω. οὐκ ἐθέλω· καὶ πρίν με παρήπαφεσ ἁδέι μύθῳ. δεῦρ’ ὑπὸ τὰσ πτελέασ, ἵν’ ἐμᾶσ σύριγγοσ ἀκούσῃσ. τὴν σαυτοῦ φρένα τέρψον· ὀιζύον οὐδὲν ἀρέσκει. φεῦ φεῦ τᾶσ Παφίασ χόλον ἅζεο καὶ σύγε κώρα. χαιρέτω ἁ Παφία· μόνον ἵλαοσ Ἄρτεμισ εἰή. μὴ λέγε, μὴ βάλλῃ σε καὶ ἐσ λίνον ἄκριτον ἔνθῃσ. βαλλέτω ὡσ ἐθέλει· πάλιν Ἄρτεμισ ἄμμιν ἀρήγει. [μἠπιβάλῃσ τὰν χεῖρα, καὶ εἰσέτι χεῖλοσ ἀμύξω. ] οὐ φεύγεισ τὸν Ἔρωτα, τὸν οὐ φύγε παρθένοσ ἄλλη. < φεύγω ναὶ τὸν Πᾶνα· σὺ δὲ ζυγὸν αἰὲν ἀείρεισ. δειμαίνω, μὴ δή σε κακωτέρῳ ἀνέρι δώσει. πολλοί μ’ ἐμνώοντο, νόμον δ’ ἐμὸν οὔτισ ἀείδει. εἶσ καὶ ἐγὼ πολλῶν μνηστὴρ τεὸσ ἐνθάδ’ ἱκάνω. καὶ τί φίλοσ ῥέξαιμι; γάμοι πλήθουσιν ἀνίασ. οὐκ ὀδύνην, οὐκ ἄλγοσ ἔχει γάμοσ, ἀλλὰ χορείην. ναὶ μάν φασι γυναῖκασ ἑοὺσ τρομέειν παρακοίτασ. μᾶλλον ἀεὶ κρατέουσι· τίνα τρομέουσι γυναῖκεσ; ὠδίνειν τρομέω· χαλεπὸν βέλοσ Εἰλειθυίησ. ἀλλὰ τεὴ βασίλεια μογοστόκοσ Ἄρτεμίσ ἐστιν. ἀλλὰ τεκεῖν τρομέω, μὴ καὶ χρόα καλὸν ὀλέσσω. ἢν δὲ τέκῃσ φίλα τέκνα, νέον φάοσ ὄψεαι υἱᾶσ. καὶ τί μοι ἕδνον ἄγεισ γάμου ἄξιον, ἢν ἐπινεύσω; πᾶσαν τὰν ἀγέλαν, πάντ’ ἄλσεα καὶ νομὸν ἕξεισ. ὄμνυε μὴ μετὰ λέκτρα λιπὼν ἀέκουσαν ἀπενθεῖν. οὐκ αὐτὸν τὸν Πᾶνα, καὶ ἢν ἐθέλῃσ με διῶξαι. τεύχεισ μοι θαλάμουσ, τεύχεισ καὶ δῶμα καὶ αὐλάσ; τεύχω σοι θαλάμουσ· τὰ δὲ πώεα καλὰ νομεύω. πατρὶ δὲ γηραλέῳ τίνα μάν, τίνα μῦθον ἐνίψω; αἰνήσει σέο λέκτρον, ἐπὴν ἐμὸν οὔνομ’ ἀκούσῃ. οὔνομα σὸν λέγε τῆνο· καὶ οὔνομα πολλάκι τέρπει. Δάφνισ ἐγώ, Λυκίδασ τε πατήρ, μήτηρ δὲ Νομαία. ἐξ εὐηγενέων· ἀλλ’ οὐ σέθεν εἰμὶ χερείων. οἶδ’, ἄκρα τιμίη ἐσσί· πατὴρ δέ τοί ἐστι Μενάλκασ.

일치하는 문장이 없습니다.

SEARCH

MENU NAVIGATION