헬라어 문장 검색 - Τηεοξρ́Ιδψλλσ́04́0́0́

(테오크리토스, Idylls, Κῶμος)

Κωμάσδω ποτὶ τὰν Ἀμαρυλλίδα, ταὶ δέ μοι αἶγεσ βόσκονται κατ’ ὄροσ, καὶ ὁ Τίτυροσ αὐτὰσ ἐλαύνει. Τίτυρ’ ἐμὶν τὸ καλὸν πεφιλαμένε, βόσκε τὰσ αἶγασ, καὶ ποτὶ τὰν κράναν ἄγε Τίτυρε, καὶ τὸν ἐνόρχαν τὸν Λιβυκὸν κνάκωνα φυλάσσεο, μή τι κορύψῃ. ͂̓Ω χαρίεσσ’ Ἀμαρυλλί, τί μ’ οὐκέτι τοῦτο κατ’ ἄντρον παρκύπτοισα καλεῖσ τὸν ἐρωτύλον; ἦ ῥά με μισεῖσ; ἦ ῥά γέ τοι σιμὸσ καταφαίνομαι ἐγγύθεν ἦμεν, νύμφα, καὶ προγένειοσ; ἀπάγξασθαί με ποησεῖσ. ἠνίδε τοι δέκα μᾶλα φέρω· τηνῶθε καθεῖλον, ὧ μ’ ἐκέλευ καθελεῖν τύ· καὶ αὔριον ἄλλά τοι οἰσῶ. Θᾶσαι μὰν θυμαλγὲσ ἐμὸν ἄχοσ· αἴθε γενοίμαν ἁ βομβεῦσα μέλισσα καὶ ἐσ τεὸν ἄντρον ἱκοίμαν τὸν κισσὸν διαδὺσ καὶ τὰν πτέριν, ᾇ τὺ πυκάσδῃ. νῦν ἔγνων τὸν Ἔρωτα· βαρὺσ θεόσ· ἦ ῥα λεαίνασ μαζὸν ἐθήλαζε, δρυμῷ τέ νιν ἔτρεφε μάτηρ, ὅσ με κατασμύχων καὶ ἐσ ὀστίον ἄχρισ ἰάπτει. ὦ τὸ καλὸν ποθορεῦσα, τὸ πᾶν λίθοσ· ὦ κυάνοφρυ νύμφα, πρόσπτυξαί με τὸν αἰπόλον, ὥσ τυ φιλάσω. ἔστι καὶ ἐν κενεοῖσι φιλάμασιν ἁδέα τέρψισ. τὸν στέφανον τῖλαί με κατ’ αὐτίκα λεπτὰ ποησεῖσ, τόν τοι ἐγὼν Ἀμαρυλλὶ φίλα κισσοῖο φυλάσσω ἀμπλέξασ καλύκεσσι καὶ εὐόδμοισι σελίνοισ. ‐‐ Ὤμοι ἐγώ, τί πάθω; τί ὁ δύσσοοσ; οὐχ ὑπακούεισ; ‐‐ Τὰν βαίταν ἀποδὺσ ἐσ κύματα τηνῶ ἁλεῦμαι, ὧπερ τὼσ θύννωσ σκοπιάζεται Ὄλπισ ὁ γριπεύσ· καἴκα δἠποθάνω, τό γε μὰν τεὸν ἁδὺ τέτυκται. ἔγνων πρᾶν, ὅκα μευ μεμναμένω, εἰ φιλέεισ με, οὐδὲ τὸ τηλέφιλον ποτεμάξατο, τὸ πλατάγημα, ἀλλ’ αὔτωσ ἁπαλῷ ποτὶ πάχεοσ ἐξεμαράνθη. εἶπε καὶ ἀγροιῶτισ ἀλαθέα κοσκινόμαντισ, ἁ πρᾶν ποιολογεῦσα Παραιβάτισ, οὕνεκ’ ἐγὼ μὲν τὶν ὅλοσ ἔγκειμαι, τὺ δέ μευ λόγον οὐδένα ποιῇ. ἦ μάν τοι λευκὰν διδυματόκον αἶγα φυλάσσω, τάν με καὶ ἁ Μέρμνωνοσ ἐριθακὶσ ἁ μελανόχρωσ αἰτεῖ, καὶ δωσῶ οἱ, ἐπεὶ τύ μοι ἐνδιαθρύπτῃ. Ἅλλεται ὀφθαλμόσ μευ ὁ δεξιόσ· ἦ ῥά γ’ ἰδησῶ αὐτάν; ᾀσεῦμαι ποτὶ τὰν πίτυν ὧδ’ ἀποκλινθείσ, καί κέ μ’ ἴσωσ ποτίδοι, ἐπεὶ οὐκ ἀδαμαντίνα ἐστίν. Ἱππομένησ ὅκα δὴ τὰν παρθένον ἤθελε γᾶμαι, μᾶλ’ ἐν χερσὶν ἑλὼν δρόμον ἄνυεν· ἁ δ’ Ἀταλάντα ὡσ ἴδεν, ὡσ ἐμάνη, ὡσ ἐσ βαθὺν ἅλατ’ ἔρωτα. τὰν ἀγέλαν χὡ μάντισ ἀπ’ Ὄθρυοσ ἆγε Μελάμπουσ ἐσ Πύλον· ἁ δὲ Βίαντοσ ἐν ἀγκοίναισιν ἐκλίνθη, μάτηρ ἁ χαρίεσσα περίφρονοσ Ἀλφεσιβοίησ. τὰν δὲ καλὰν Κυθέρειαν ἐν ὤρεσι μᾶλα νομεύων οὐχ οὑτῶσ ὥδωνισ ἐπὶ πλέον ἄγαγε λύσσασ, ὥστ’ οὐδὲ φθίμενόν νιν ἄτερ μαζοῖο τίθητι; ζαλωτὸσ μὲν ἐμὶν ὁ τὸν ἄτροπον ὕπνον ἰαύων Ἐνδυμίων, ζαλῶ δὲ φίλα γύναι Ἰασίωνα, ὃσ τοσσῆν’ ἐκύρησεν, ὅσ’ οὐ πευσεῖσθε βέβαλοι. Ἀλγέω τὰν κεφαλάν, τὶν δ’ οὐ μέλει. οὐκέτ’ ἀείδω, κεισεῦμαι δὲ πεσών, καὶ τοὶ λύκοι ὧδέ μ’ ἔδονται. ὡσ μέλι τοι γλυκὺ τοῦτο κατὰ βρόχθοιο γένοιτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theocritus, Idylls, Κῶμος

(테오크리토스, Idylls, Κῶμος)

상위

목록

SEARCH

MENU NAVIGATION