Strabo, Geography, book 17, chapter 3 22:

(스트라본, 지리학, book 17, chapter 3 22:)

ἔστι δέ που αὐτόθι καὶ ἀσφάλτου πηγὴ καὶ χαλκωρυχεῖα· καὶ σκορπίων δὲ καὶ πτηνῶν καὶ ἀπτέρων λέγεται πλῆθοσ, μεγέθει δὲ . . . ἑπτασπονδύλων, ὁμοίωσ δὲ καὶ φαλάγγια καὶ μεγέθει καὶ πλήθει διαφέροντα· σαύρασ δὲ διπήχεισ φασίν. ἐν μὲν οὖν τῇ παρορείῳ λίθουσ εὑρίσκεσθαί φασι τοὺσ λυχνίτασ καὶ καρχηδονίουσ λεγομένουσ· ἐν δὲ τοῖσ πεδίοισ ὀστρακίων καὶ χηραμύδων πλῆθοσ, οἱο͂ν ἐν τοῖσ περὶ τοῦ Ἄμμωνοσ λόγοισ εἰρήκαμεν· καὶ δένδρον δέ ἐστι μελίλωτον καλούμενον, ἐξ οὗ σκευάζουσιν οἶνον· τινὲσ δ’ αὐτῶν καὶ δίκαρπον ἔχουσι τὴν γῆν, καὶ δύο θεριστικὰ καρποῦνται, τὰ μὲν θερινὰ τὰ δ’ ἐαρινά· ἔστι δὲ ἡ καλάμη πεντάπηχυσ τὸ ὕψοσ, πάχοσ δὲ τοῦ μικροῦ δακτύλου, τὸν δὲ καρπὸν διακοσιοκαιτετταρακοντάχουν ἀποδίδωσι· τοῦ δὲ ἐάροσ οὐδὲ σπείρουσιν, ἀλλὰ παλιούροισ συνδεδεμέναισ ἐπικαταψήσαντεσ τὴν χώραν τῷ ἐκπεσόντι στάχυι κατὰ τὸν θερισμὸν ἀρκοῦνται· τελεσικαρπεῖ γὰρ τὸν θερινὸν καρπόν. διὰ δὲ τὸ πλῆθοσ τῶν θηρίων κνημῖδασ ἔχοντεσ ἐργάζονται καὶ τἆλλα δὲ μέρη διφθεροῦνται· καθεύδοντεσ δὲ περιχρίουσι τοὺσ κλινόποδασ σκορόδοισ τῶν σκορπίων χάριν καὶ παλιούροισ περιδοῦσιν.

상위

Geography (지리학)

목록

SEARCH

MENU NAVIGATION