Strabo, Geography, book 15, chapter 1 36:

(스트라본, 지리학, book 15, chapter 1 36:)

τοῦτο μὲν οὖν αὐτὸ καὶ ὁ Νέαρχοσ λέγει, περὶ δὲ τῶν θερινῶν ὄμβρων οὐχ ὁμολογεῖ, ἀλλά φησιν ὑέσθαι τὰ πεδία θέρουσ, χειμῶνοσ δ’ ἄνομβρα εἶναι. λέγουσι δ’ ἀμφότεροι καὶ τὰσ ἀναβάσεισ τῶν ποταμῶν. ὁ μέν γε Νέαρχοσ τοῦ Ἀκεσίνου πλησίον στρατοπεδεύοντάσ φησιν ἀναγκασθῆναι μεταλαβεῖν τόπον ἄλλον ὑπερδέξιον κατὰ τὴν ἀνάβασιν, γενέσθαι δὲ τοῦτο κατὰ θερινὰσ τροπάσ. ὁ δ’ Ἀριστόβουλοσ καὶ μέτρα τῆσ ἀναβάσεωσ ἐκτίθεται τετταράκοντα πήχεισ, ὧν τοὺσ μὲν εἴκοσιν ὑπὲρ τὸ προϋπάρχον βάθοσ πληροῦν μέχρι χείλουσ τὸ ῥεῖθρον, τοῖσ δ’ εἴκοσιν ὑπέρχυσιν εἶναι εἰσ τὰ πεδία. ὁμολογοῦσι δὲ καὶ διότι συμβαίνει νησίζειν τὰσ πόλεισ ἐπάνω χωμάτων ἱδρυμένασ, καθάπερ καὶ ἐν Αἰγύπτῳ καὶ Αἰθιοπίᾳ· μετὰ δὲ ἀρκτοῦρον παύεσθαι τὴν πλήμμυραν ἀποβαίνοντοσ τοῦ ὕδατοσ· ἔτι δ’ ἡμίψυκτον σπείρεσθαι τὴν γῆν ὑπὸ τοῦ τυχόντοσ ὀρύκτου χαραχθεῖσαν, καὶ ὅμωσ φύεσθαι τὸν καρπὸν τέλειον καὶ καλόν. τὴν δ’ ὄρυζάν φησιν ὁ Ἀριστόβουλοσ ἑστάναι ἐν ὕδατι κλειστῷ, πρασιὰσ δ’ εἶναι τὰσ ἐχούσασ αὐτήν· ὕψοσ δὲ τοῦ φυτοῦ τετράπηχυ πολύσταχύ τε καὶ πολύκαρπον· θερίζεσθαι δὲ περὶ δύσιν πληιάδοσ καὶ πτίσσεσθαι ὡσ τὰσ ζειάσ· φύεσθαι δὲ καὶ ἐν τῇ Βακτριανῇ καὶ Βαβυλωνίᾳ καὶ Σουσίδι· καὶ ἡ κάτω δὲ Συρία φύει. Μέγιλλοσ δὲ τὴν ὄρυζαν σπείρεσθαι μὲν πρὸ τῶν ὄμβρων φησίν, ἀρδείασ δὲ καὶ φυτείασ [μὴ] δεῖσθαι ἀπὸ τῶν κλειστῶν ποτιζομένην ὑδάτων. περὶ δὲ τοῦ βοσμόρου φησὶν Ὀνησίκριτοσ διότι σῖτόσ ἐστι μικρότεροσ τοῦ πυροῦ, γεννᾶται δ’ ἐν ταῖσ μεσοποταμίαισ, φρύγεται δ’ ἐπὰν ἀλοηθῇ, προομνύντων μὴ ἀποίσειν ἄπυρον ἐκ τῆσ ἅλω τοῦ μὴ ἐξάγεσθαι σπέρμα.

상위

Geography (지리학)

목록

SEARCH

MENU NAVIGATION