Strabo, Geography, Book 13, chapter 1 58:

(스트라본, 지리학, Book 13, chapter 1 58:)

τοιούτων δὲ τῶν ἐπὶ τῇ θαλάττῃ τόπων ὄντων ὑπέρκειται τούτων τὸ Τρωικὸν πεδίον μέχρι τῆσ Ἴδησ ἀνῆκον ἐπὶ πολλοὺσ σταδίουσ κατὰ τὸ πρὸσ ἑώ μέροσ. τούτου δ’ ἡ μὲν παρώρειόσ ἐστι στενή, τῇ μὲν ἐπὶ τὴν μεσημβρίαν τεταμένη μέχρι τῶν κατὰ Σκῆψιν τόπων, τῇ δ’ ἐπὶ τὰσ ἄρκτουσ μέχρι τῶν κατὰ Ζέλειαν Λυκίων. ταύτην δ’ ὁ ποιητὴσ ὑπ’ Αἰνείᾳ τάττει καὶ τοῖσ Ἀντηνορίδαισ, καλεῖ δὲ Δαρδανίαν. ὑπὸ δὲ ταύτῃ Κεβρηνία, πεδιὰσ ἡ πλείστη, παράλληλόσ πωσ τῇ Δαρδανίᾳ· ἦν δὲ καὶ πόλισ ποτὲ Κεβρήνη. ὑπονοεῖ δ’ ὁ Δημήτριοσ μέχρι δεῦρο διατείνειν τὴν περὶ τὸ Ἴλιον χώραν τὴν ὑπὸ τῷ Ἕκτορι, ἀνήκουσαν ἀπὸ τοῦ ναυστάθμου μέχρι Κεβρηνίασ· τάφον τε γὰρ Ἀλεξάνδρου δείκνυσθαί φησιν αὐτόθι καὶ Οἰνώνησ, ἣν ἱστοροῦσι γυναῖκα γεγονέναι τοῦ Ἀλεξάνδρου πρὶν Ἑλένην ἁρπάσαι· λέγειν τε τὸν ποιητήν Κεβριόνην νόθον υἱὸν ἀγακλῆοσ Πριάμοιο, ὃν εἰκὸσ εἶναι ἐπώνυμον τῆσ χώρασ ἢ καὶ πόλεωσ, ὅπερ πιθανώτερον· τὴν δὲ Κεβρηνίαν διήκειν μέχρι τῆσ Σκηψίασ, ὁρ́ιον δ’ εἶναι τὸν Σκάμανδρον μέσον αὐτῶν ῥέοντα· ἔχθραν δ’ ἀεὶ καὶ πόλεμον εἶναι τοῖσ τε Κεβρηνοῖσ καὶ τοῖσ Σκηψίοισ, ἑώσ Ἀντίγονοσ αὐτοὺσ συνῴκισεν εἰσ τὴν τότε μὲν Ἀντιγόνειαν νῦν δὲ Ἀλεξάνδρειαν· τοὺσ μὲν οὖν Κεβρηνιέασ συμμεῖναι τοῖσ ἄλλοισ ἐν τῇ Ἀλεξανδρείᾳ, τοὺσ δὲ Σκηψίουσ ἐπανελθεῖν εἰσ τὴν οἰκείαν ἐπιτρέψαντοσ Λυσιμάχου.

상위

Geography (지리학)

목록

일치하는 문장이 없습니다.

SEARCH

MENU NAVIGATION