호흡부호 보기
강세부호 보기
장단부호 보기
작은 Iota 보기
모든 부호 보기
ἡ μὲν οὖν παρώρεια ὀρεινήν τινα ἔχει ῥάχιν ἀπὸ τῆσ ἀνατολῆσ ἐκτεινομένην ἐπὶ δύσιν· ταύτῃ δ’ ἑκατέρωθεν ὑποπέπτωκέ τι πεδίον μέγα, καὶ πόλεισ πλησίον αὐτῆσ πρὸσ ἄρκτον μὲν Φιλομήλιον, ἐκ θατέρου δὲ μέρουσ Ἀντιόχεια ἡ πρὸσ Πισιδίᾳ καλουμένη, ἡ μὲν ἐν πεδίῳ κειμένη πᾶσα ἡ δ’ ἐπὶ λόφου ἔχουσα ἀποικίαν Ῥωμαίων· ταύτην δ’ ᾤκισαν Μάγνητεσ οἱ πρὸσ Μαιάνδρῳ. Ῥωμαῖοι δ’ ἠλευθέρωσαν τῶν βασιλέων, ἡνίκα τὴν ἄλλην Ἀσίαν Εὐμένει παρέδοσαν τὴν ἐντὸσ τοῦ Ταύρου· ἦν δὲ ἐνταῦθα καὶ ἱερωσύνη τισ Μηνὸσ Ἀρκαίου, πλῆθοσ ἔχουσα ἱεροδούλων καὶ χωρίων ἱερῶν· κατελύθη δὲ μετὰ τὴν Ἀμύντου τελευτὴν ὑπὸ τῶν πεμφθέντων ἐπὶ τὴν ἐκείνου κληρονομίαν. Σύνναδα δ’ ἐστὶν οὐ μεγάλη πόλισ· πρόκειται δ’ αὐτῆσ ἐλαιόφυτον πεδίον ὅσον ἑξήκοντα σταδίων· ἐπέκεινα δ’ ἐστὶ Δοκιμία κώμη, καὶ τὸ λατόμιον Συνναδικοῦ λίθου οὕτω μὲν Ῥωμαῖοι καλοῦσιν, οἱ δ’ ἐπιχώριοι Δοκιμίτην καὶ Δοκιμαῖον, κατ’ ἀρχὰσ μὲν μικροὺσ βώλουσ ἐκδιδόντοσ τοῦ μετάλλου, διὰ δὲ τὴν νυνὶ πολυτέλειαν τῶν Ῥωμαίων κίονεσ ἐξαιροῦνται μονόλιθοι μεγάλοι, πλησιάζοντεσ τῷ ἀλαβαστρίτῃ λίθῳ κατὰ τὴν ποικιλίαν, ὥστε καίπερ πολλῆσ οὔσησ τῆσ ἐπὶ θάλατταν ἀγωγῆσ τῶν τηλικούτων φορτίων ὅμωσ καὶ κίονεσ καὶ πλάκεσ εἰσ Ῥώμην κομίζονται θαυμασταὶ κατὰ τὸ μέγεθοσ καὶ κάλλοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기