Strabo, Geography, Book 12, chapter 7 3:

(스트라본, 지리학, Book 12, chapter 7 3:)

φησὶ δ’ Ἀρτεμίδωροσ τῶν Πισιδῶν πόλεισ εἶναι Σέλγην Σαγαλασσὸν Πετνηλισσὸν Ἄδαδα Τυμβριάδα Κρῆμναν Πιτυασσὸν Ἄμβλαδα Ἀνάβουρα Σίνδα Αἀρασσὸν Ταρβασσὸν Τερμησσόν· τούτων δ’ οἱ μέν εἰσι τελέωσ ὀρεινοί, οἱ δὲ καὶ μέχρι τῶν ὑπωρειῶν καθήκοντεσ ἐφ’ ἑκάτερα, ἐπί τε τὴν Παμφυλίαν καὶ τὴν Μιλυάδα, Φρυξὶ καὶ Λυδοῖσ καὶ Καρσὶν ὅμοροι, πᾶσιν εἰρηνικοῖσ ἔθνεσι καίπερ προσβόρροισ οὖσιν. οἱ δὲ Πάμφυλοι πολὺ τοῦ Κιλικίου φύλου μετέχοντεσ οὐ τελέωσ ἀφεῖνται τῶν λῃστρικῶν ἔργων, οὐδὲ τοὺσ ὁμόρουσ ἐῶσι καθ’ ἡσυχίαν ζῆν καίπερ τὰ νότια μέρη τῆσ ὑπωρείασ τοῦ Ταύρου κατέχοντεσ. εἰσὶ δὲ τοῖσ Φρυξὶν ὅμοροι καὶ τῇ Καρίᾳ Τάβαι καὶ Σίνδα καὶ Ἄμβλαδα, ὅθεν καὶ ὁ Ἀμβλαδεὺσ οἶνοσ ἐκφέρεται πρὸσ διαίτασ ἰατρικὰσ ἐπιτήδειοσ.

SEARCH

MENU NAVIGATION