Strabo, Geography, Book 11, chapter 11 7:

(스트라본, 지리학, Book 11, chapter 11 7:)

φασὶ δ’ οὖν ὀκτὼ πόλεισ τὸν Ἀλέξανδρον ἔν τε τῇ Βακτριανῇ καὶ τῇ Σογδιανῇ κτίσαι, τινὰσ δὲ κατασκάψαι, ὧν Καριάτασ μὲν τῆσ Βακτριανῆσ, ἐν ᾗ Καλλισθένησ συνελήφθη καὶ παρεδόθη φυλακῆ, Μαράκανδα δὲ τῆσ Σογδιανῆσ καὶ τὰ Κῦρα, ἔσχατον ὂν Κύρου κτίσμα ἐπὶ τῷ Ιἀξάρτῃ ποταμῷ κείμενον, ὅπερ ἦν ὁρ́ιον τῆσ Περσῶν ἀρχῆσ· κατασκάψαι δὲ τὸ κτίσμα τοῦτο καίπερ ὄντα φιλόκυρον διὰ τὰσ πυκνὰσ ἀποστάσεισ· ἑλεῖν δὲ καὶ πέτρασ ἐρυμνὰσ σφόδρα ἐκ προδοσίασ τήν τε ἐν τῇ Βακτριανῇ τὴν Σισιμίθρου ἐν ᾗ εἶχεν Ὀξυάρτησ τὴν θυγατέρα Ῥωξάνην, καὶ τὴν ἐν τῇ Σογδιανῇ τὴν τοῦ Ὤξου, οἱ δ’ Ἀριαμάζου φασί. τὴν μὲν οὖν Σισιμίθρου πεντεκαίδεκα σταδίων ἱστοροῦσι τὸ ὕψοσ, ὀγδοήκοντα δὲ τὸν κύκλον, ἄνω δ’ ἐπίπεδον καὶ εὔγεων ὅσον πεντακοσίουσ ἄνδρασ τρέφειν δυναμένην, ἐν ᾗ καὶ ξενίασ τυχεῖν πολυτελοῦσ καὶ γάμουσ ἀγαγεῖν Ῥωξάνησ τῆσ Ὀξυάρτου θυγατρὸσ τὸν Ἀλέξανδρον· τὴν δὲ τῆσ Σογδιανῆσ διπλασίαν τὸ ὕψοσ φασί. περὶ τούτουσ δὲ τοὺσ τόπουσ καὶ τὸ τῶν Βραγχιδῶν ἄστυ ἀνελεῖν, οὓσ Ξέρξην μὲν ἱδρῦσαι αὐτόθι συναπάραντασ αὐτῷ ἑκόντασ ἐκ τῆσ οἰκείασ διὰ τὸ παραδοῦναι τὰ χρήματα τοῦ θεοῦ τὰ ἐν Διδύμοισ καὶ τοὺσ θησαυρούσ, ἐκεῖνον δ’ ἀνελεῖν μυσαττόμενον τὴν ἱεροσυλίαν καὶ τὴν προδοσίαν.

일치하는 문장이 없습니다.

SEARCH

MENU NAVIGATION