헬라어 문장 검색 - ΣτραβόΓεογραπ́02́02́

(스트라본, 지리학, book 2, chapter 2)

ἴδωμεν δὲ καὶ Ποσειδώνιον ἅ φησιν ἐν τοῖσ περὶ ὠκεανοῦ· δοκεῖ γὰρ ἐν αὐτοῖσ τὰ πολλὰ γεωγραφεῖν, τὰ μὲν οἰκείωσ τὰ δὲ μαθηματικώτερον. οὐκ ἄτοπον οὖν ἔνια καὶ τῶν ὑπὸ τούτου λεγομένων διαιτῆσαι, τὰ μὲν νῦν τὰ δ’ ἐν τοῖσ καθ’ ἕκαστα ὡσ ἂν ὑποπίπτῃ, μέτρου τινὸσ ἐχομένουσ. ἔστιν οὖν τι τῶν πρὸσ γεωγραφίαν οἰκείων τὸ τὴν γῆν ὅλην ὑποθέσθαι σφαιροειδῆ καθάπερ καὶ τὸν κόσμον, καὶ τὰ ἄλλα παραδέξασθαι τὰ ἀκόλουθα τῇ ὑποθέσει ταύτῃ· τούτων δ’ ἐστὶ καὶ τὸ πεντάζωνον αὐτὴν εἶναι. φησὶ δὴ ὁ Ποσειδώνιοσ τῆσ εἰσ πέντε ζώνασ διαιρέσεωσ ἀρχηγὸν γενέσθαι Παρμενίδην·

ἀλλ’ ἐκεῖνον μὲν σχεδόν τι διπλασίαν ἀποφαίνειν τὸ πλάτοσ τὴν διακεκαυμένην ὑπερπίπτουσαν ἑκατέρων τῶν τροπικῶν εἰσ τὸ ἐκτὸσ καὶ πρὸσ ταῖσ εὐκράτοισ· Ἀριστοτέλη δὲ αὐτὴν καλεῖν τὴν μεταξὺ τῶν τροπικῶν, τὰσ δὲ μεταξὺ τῶν τροπικῶν καὶ τῶν ἀρκτικῶν εὐκράτουσ. ἀμφοτέροισ δ’ ἐπιτιμᾷ δικαίωσ· διακεκαυμένην γὰρ λέγεσθαι τὸ ἀοίκητον διὰ καῦμα· τῆσ δὲ μεταξὺ τῶν τροπικῶν πλέον ἢ τὸ ἥμισυ τοῦ πλάτουσ οὐκ οἰκήσιμόν ἐστιν ἐκ τῶν ὑπὲρ Αἰγύπτου στοχαζομένοισ Αἰθιόπων, εἴπερ τὸ μὲν ἥμισυ τοῦ παντὸσ πλάτουσ ἐστὶν ὃ διαιρεῖ ἐφ’ ἑκάτερα ὁ ἰσημερινόσ, τούτου δὲ τὸ μὲν ἀπὸ τῆσ Συήνησ, ἥπερ ἐστὶν ὁρ́ιον τοῦ θερινοῦ τροπικοῦ, εἰσ Μερόην εἰσὶ πεντακισχίλιοι, τὸ δ’ ἐνθένδε ἑώσ [τοῦ] τῆσ Κινναμωμοφόρου παραλλήλου, ὅσπερ ἐστὶν ἀρχὴ τῆσ διακεκαυμένησ, τρισχίλιοι. τοῦτο μὲν οὖν τὸ διάστημα πᾶν ἐστι μετρητόν, πλεῖταί τε γὰρ καὶ ὁδεύεται· τὸ δ’ ἑξῆσ μέχρι τοῦ ἰσημερινοῦ λόγῳ δείκνυται κατὰ τὴν ὑπ’ Ἐρατοσθένουσ γενομένην ἀναμέτρησιν τῆσ γῆσ ὅτι ἐστὶ σταδίων ὀκτακισχιλίων ὀκτακοσίων· ὃν δὴ λόγον ἔχει τὰ μύρια ἑξακισχίλια ὀκτακόσια πρὸσ τὰ ὀκτακισχίλια [ὀκτακόσια], τοῦτον ἂν ἔχοι τὸ μεταξὺ τῶν τροπικῶν διάστημα πρὸσ τὸ τῆσ διακεκαυμένησ πλάτοσ. κἂν τῶν νεωτέρων δὲ ἀναμετρήσεων εἰσάγηται ἡ ἐλαχίστην ποιοῦσα τὴν γῆν, οἱάν ὁ Ποσειδώνιοσ ἐγκρίνει περὶ ὀκτωκαίδεκα μυριάδασ οὖσαν, περὶ ἥμισύ που ἀποφαίνει τὴν διακεκαυμένην τῆσ μεταξὺ τῶν τροπικῶν ἢ μικρῷ τοῦ ἡμίσουσ μείζονα, ἴσην δὲ καὶ τὴν αὐτὴν οὐδαμῶσ. τοῖσ τε ἀρκτικοῖσ οὔτε παρὰ πᾶσιν οὖσιν οὔτε τοῖσ αὐτοῖσ πανταχοῦ τίσ ἂν διορίζοι τὰσ εὐκράτουσ, αἵπερ εἰσὶν ἀμετάπτωτοι; τὸ μὲν οὖν μὴ παρὰ πᾶσιν εἶναι τοὺσ ἀρκτικούσ, οὐδὲν ἂν εἰή πρὸσ τὸν ἔλεγχον· δεῖ γὰρ παρὰ τοῖσ τὴν εὔκρατον οἰκοῦσιν εἶναι πᾶσι, πρὸσ οὕσπερ καὶ λέγεται μόνουσ εὔκρατοσ. τὸ δὲ μὴ πανταχοῦ τὸν αὐτὸν τρόπον, ἀλλὰ μεταπίπτειν, καλῶσ εἴληπται. αὐτὸσ δὲ διαιρῶν εἰσ τὰσ ζώνασ πέντε μέν φησιν εἶναι χρησίμουσ πρὸσ τὰ οὐράνια, τούτων δὲ περισκίουσ δύο τὰσ ὑπὸ τοῖσ πόλοισ μέχρι τῶν ἐχόντων τοὺσ τροπικοὺσ ἀρκτικούσ, ἑτεροσκίουσ δὲ τὰσ ἐφεξῆσ ταύταισ δύο μέχρι τῶν ὑπὸ τοῖσ τροπικοῖσ οἰκούντων, ἀμφίσκιον δὲ τὴν μεταξὺ τῶν τροπικῶν·

πρὸσ δὲ τὰ ἀνθρώπεια ταύτασ τε καὶ δύο ἄλλασ στενὰσ τὰσ ὑπὸ τοῖσ τροπικοῖσ, καθ’ ἃσ ἥμισύ πωσ μηνὸσ κατὰ κορυφήν ἐστιν ὁ ἥλιοσ, δίχα διαιρουμένασ ὑπὸ τῶν τροπικῶν. ἔχειν γάρ τι ἴδιον τὰσ ζώνασ ταύτασ, αὐχμηράσ τε ἰδίωσ καὶ ἀμμώδεισ ὑπαρχούσασ καὶ ἀφόρουσ πλὴν σιλφίου καὶ πυρωδῶν τινων καρπῶν συγκεκαυμένων· ὄρη γὰρ μὴ εἶναι πλησίον ὥστε τὰ νέφη προσπίπτοντα ὄμβρουσ ποιεῖν, μηδὲ δὴ ποταμοῖσ διαρρεῖσθαι· διόπερ οὐλότριχασ καὶ οὐλόκερωσ καὶ προχείλουσ καὶ πλατύρρινασ γεννᾶσθαι· τὰ γὰρ ἄκρα αὐτῶν συστρέφεσθαι· καὶ τοὺσ ἰχθυοφάγουσ δὲ κατὰ ταύτασ τὰσ ζώνασ οἰκεῖν. ὅτι δὲ ταῦτ’ ἴδια τῶν ζωνῶν τούτων, δηλοῦν φησὶ τὸ τοὺσ νοτιωτέρουσ αὐτῶν ἔχειν τὸ περιέχον εὐκρατότερον καὶ τὴν γῆν καρπιμωτέραν καὶ εὐυδροτέραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Strabo, Geography, book 2, chapter 2

(스트라본, 지리학, book 2, chapter 2)

상위

목록

SEARCH

MENU NAVIGATION