Strabo, Geography, book 2, chapter 2 6:

(스트라본, 지리학, book 2, chapter 2 6:)

αὐτὸσ δὲ διαιρῶν εἰσ τὰσ ζώνασ πέντε μέν φησιν εἶναι χρησίμουσ πρὸσ τὰ οὐράνια, τούτων δὲ περισκίουσ δύο τὰσ ὑπὸ τοῖσ πόλοισ μέχρι τῶν ἐχόντων τοὺσ τροπικοὺσ ἀρκτικούσ, ἑτεροσκίουσ δὲ τὰσ ἐφεξῆσ ταύταισ δύο μέχρι τῶν ὑπὸ τοῖσ τροπικοῖσ οἰκούντων, ἀμφίσκιον δὲ τὴν μεταξὺ τῶν τροπικῶν· πρὸσ δὲ τὰ ἀνθρώπεια ταύτασ τε καὶ δύο ἄλλασ στενὰσ τὰσ ὑπὸ τοῖσ τροπικοῖσ, καθ’ ἃσ ἥμισύ πωσ μηνὸσ κατὰ κορυφήν ἐστιν ὁ ἥλιοσ, δίχα διαιρουμένασ ὑπὸ τῶν τροπικῶν. ἔχειν γάρ τι ἴδιον τὰσ ζώνασ ταύτασ, αὐχμηράσ τε ἰδίωσ καὶ ἀμμώδεισ ὑπαρχούσασ καὶ ἀφόρουσ πλὴν σιλφίου καὶ πυρωδῶν τινων καρπῶν συγκεκαυμένων· ὄρη γὰρ μὴ εἶναι πλησίον ὥστε τὰ νέφη προσπίπτοντα ὄμβρουσ ποιεῖν, μηδὲ δὴ ποταμοῖσ διαρρεῖσθαι· διόπερ οὐλότριχασ καὶ οὐλόκερωσ καὶ προχείλουσ καὶ πλατύρρινασ γεννᾶσθαι· τὰ γὰρ ἄκρα αὐτῶν συστρέφεσθαι· καὶ τοὺσ ἰχθυοφάγουσ δὲ κατὰ ταύτασ τὰσ ζώνασ οἰκεῖν. ὅτι δὲ ταῦτ’ ἴδια τῶν ζωνῶν τούτων, δηλοῦν φησὶ τὸ τοὺσ νοτιωτέρουσ αὐτῶν ἔχειν τὸ περιέχον εὐκρατότερον καὶ τὴν γῆν καρπιμωτέραν καὶ εὐυδροτέραν.

일치하는 문장이 없습니다.

SEARCH

MENU NAVIGATION