Strabo, Geography, book 1, chapter 2 72:

(스트라본, 지리학, book 1, chapter 2 72:)

περὶ δὲ τῶν τοῦ ὠκεανοῦ παθῶν εἴρηται μὲν ἐν μύθου σχήματι· καὶ γὰρ τούτου στοχάζεσθαι δεῖ τὸν ποιητήν. ἀπὸ γὰρ τῶν ἀμπώτεων καὶ τῶν πλημμυρίδων ἡ Χάρυβδισ αὐτῷ μεμύθευται, οὐδ’ αὐτὴ παντάπασιν Ὁμήρου πλάσμα οὖσα, ἀλλ’ ἀπὸ τῶν ἱστορουμένων περὶ τὸν Σικελικὸν πορθμὸν διεσκευασμένη. εἰ δὲ δὶσ τῆσ παλιρροίασ γινομένησ καθ’ ἑκάστην ἡμέραν καὶ νύκτα ἐκεῖνοσ τρὶσ εἴρηκε "τρὶσ μὲν γάρ τ’ "ἀνίησιν ἐπ’ ἤματι, τρὶσ δ’ ἀναροιβδεῖ," λέγοιτ’ ἂν καὶ οὕτωσ· οὐ γὰρ κατ’ ἄγνοιαν τῆσ ἱστορίασ ὑποληπτέον λέγεσθαι τοῦτο, ἀλλὰ τραγῳδίασ χάριν καὶ φόβου, ὃν ἡ Κίρκη πολὺν τοῖσ λόγοισ προστίθησιν ἀποτροπῆσ χάριν, ὥστε καὶ τὸ ψεῦδοσ παραμίγνυσθαι. ἐν αὐτοῖσ γοῦν τοῖσ ἔπεσι τούτοισ εἴρηκε μὲν οὕτωσ ἡ Κίρκη "τρὶσ μὲν γάρ τ’ ἀνίησιν ἐπ’ ἤματι, τρὶσ δ’ ἀναροιβδεῖ "δεινόν· μὴ σύ γε κεῖθι τύχοισ, ὅτε ῥοιβδήσειε· οὐ "γάρ κεν ῥύσαιτό σ’ ὑπὲκ κακοῦ οὐδ’ Ἐνοσίχθων. " καὶ μὴν παρέτυχέ τε τῇ ἀναρροιβδήσει ὁ Ὀδυσσεὺσ καὶ οὐκ ἀπώλετο, ὥσ φησιν αὐτόσ "ἡ μὲν ἀνερροίβδησε "θαλάσσησ ἁλμυρὸν ὕδωρ· αὐτὰρ ἐγὼ ποτὶ μακρὸν "ἐρινεὸν ὑψόσ’ ἀερθείσ, τῷ προσφὺσ ἐχόμην, ὡσ νυκτερίσ. " εἶτα περιμείνασ τὰ ναυάγια καὶ λαβόμενοσ πάλιν αὐτῶν σώζεται, ὥστ’ ἐψεύσατο ἡ Κίρκη. ὡσ οὖν τοῦτο, κἀκεῖνο τὸ "τρὶσ μὲν γάρ τ’ ἀνίησιν ἐπ’ ἤματι" ἀντὶ τοῦ δίσ, ἅμα καὶ τῆσ ὑπερβολῆσ τῆσ τοιαύτησ συνήθουσ πᾶσιν οὔσησ, τρισμακαρίουσ καὶ τρισαθλίουσ λεγόντων· καὶ ὁ ποιητήσ "τρισμάκαρεσ Δαναοί," καί "ἀσπασίη τρίλλιστοσ," "τριχθά τε καὶ τετραχθά. " ἴσωσ δ’ ἄν τισ καὶ ἀπὸ τῆσ ὡρ́ασ τεκμήραιτο, ὅτι ὑπαινίττεταί πωσ τὸ ἀληθέσ· μᾶλλον γὰρ ἂν ἐφαρμόττοι τῷ δὶσ γενέσθαι τὴν παλίρροιαν κατὰ τὸν συνάμφω χρόνον, τὸν ἐξ ἡμέρασ καὶ νυκτόσ, ἢ τῷ τρὶσ τοσοῦτον χρόνον μεῖναι τὰ ναυάγια ὑποβρύχια, ὀψὲ δὲ ἀναβληθῆναι ποθοῦντι. καὶ συνεχῶσ προσισχομένῳ τοῖσ κλάδοισ "νωλεμέωσ δ’ ἐχόμην, ὄφρ’ ἐξεμέσειεν ὀπίσσω ἱστὸν "καὶ τρόπιν αὖτισ, ἐελδομένῳ δέ μοι ἦλθεν ὄψ’· ἦμόσ "τ’ ἐπὶ δόρπον ἀνὴρ ἀγορῆθεν ἀνέστη, κρίνων νείκεα "πολλὰ δικαζομένων αἰζηῶν, καὶ τότε δήμοι δοῦρα Χαρύβδιοσ ἐξεφαάνθη. " πάντα γὰρ ταῦτα χρόνου τινὸσ ἔμφασιν ἀξιολόγου δίδωσι, καὶ μάλιστα τὸ τὴν ἑσπέραν ἐπιτεῖναι, μὴ κοινῶσ εἰπόντα, ἡνίκα ὁ δικαστὴσ ἀνίσταται, ἀλλ’ ἡνίκα κρίνων νείκεα πολλά, ὥστε βραδῦναι πλέον τι καὶ ἄλλωσ δὲ οὐ πιθανὴν ἂν ὑπέτεινε τῷ ναυαγῷ τὴν ἀπαλλαγήν, εἰ πρὶν ἀποσπασθῆναι πολὺ καὶ αὐτίκα εἰσ τοὐπίσω παλίρρουσ μετέπιπτεν.

상위

Geography (지리학)

목록

SEARCH

MENU NAVIGATION