Strabo, Geography, book 1, chapter 1 42:

(스트라본, 지리학, book 1, chapter 1 42:)

νυνὶ δὲ ἐξ ἑτοίμου δεῖ λαβεῖν ἔνια, καὶ ταῦθ’ ὅσα τῷ πολιτικῷ καὶ τῷ στρατηλάτῃ χρήσιμα. οὕτωσ δὲ καὶ οἱ τοὺσ λιμένασ καὶ τοὺσ περίπλουσ καλουμένουσ πραγματευθέντεσ ἀτελῆ τὴν ἐπίσκεψιν ποιοῦνται, μὴ προστιθέντεσ ὅσα ἐκ τῶν μαθημάτων καὶ ἐκ τῶν οὐρανίων συνάπτειν προσῆκεν. οὔτε γὰρ οὕτω δεῖ ἀγνοεῖν τὰ περὶ τὸν οὐρανὸν καὶ τὴν θέσιν τῆσ γῆσ, ὥστ’ ἐπειδὰν γένηται κατὰ τόπουσ, καθ’ οὓσ ἐξήλλακταί τινα τῶν φαινομένων τοῖσ πολλοῖσ ἐν τῷ οὐρανῷ, ταράττεσθαι καὶ τοιαῦτα λέγειν· "ὦ φίλοι, οὐ γάρ τ’ ἴδμεν ὅπη ζόφοσ, οὐδ’ ὅπη ἠώσ, οὐδ’ ὅπη ἠέλιοσ φαεσίμβροτοσ εἶσ’ ὑπὸ γαῖαν, οὐδ’ ὅπη ἀννεῖται· οὔθ’ οὕτωσ ἀκριβοῦν, ὥστε τὰσ πανταχοῦ συνανατολάσ τε καὶ συγκαταδύσεισ καὶ συμμεσουρανήσεισ καὶ ἐξάρματα πόλων καὶ τὰ κατὰ κορυφὴν σημεῖα καὶ ὅσα ἄλλα τοιαῦτα κατὰ τὰσ μεταπτώσεισ τῶν ὁριζόντων ἅμα καὶ τῶν ἀρκτικῶν διαφέροντα ἀπαντᾷ, τὰ μὲν πρὸσ τὴν ὄψιν τὰ δὲ καὶ τῇ φύσει, γνωρίζειν ἅπαντα· ἀλλὰ τὰ μὲν μηδ’ ὅλωσ φροντίζειν, πλὴν εἰ θέασ φιλοσόφου χάριν, τοῖσ δὲ πιστεύειν, κἂν μὴ βλέπῃ τὸ διὰ τί. καὶ γὰρ τοῦτο τοῦ φιλοσοφοῦντοσ μόνου, τῷ δὲ πολιτικῷ σχολῆσ οὐ τοσαύτησ μέτεστιν ἢ οὐκ ἀεί. οὐ μὴν οὐδ’ οὕτωσ ὑπάρχειν ἁπλοῦν δεῖ τὸν ἐντυγχάνοντα τῇ γραφῇ ταύτῃ καὶ ἀργόν, ὥστε μηδὲ σφαῖραν ἰδεῖν, μηδὲ κύκλουσ ἐν αὐτῇ τοὺσ μὲν παραλλήλουσ τοὺσ δ’ ὀρθίουσ πρὸσ τούτουσ τοὺσ δὲ λοξούσ, μηδὲ τροπικῶν τε καὶ ἰσημερινοῦ καὶ ζωδιακοῦ θέσιν, δι’ οὗ φερόμενοσ ὁ ἥλιοσ τρέπεται καὶ διδάσκει διαφορὰσ κλιμάτων τε καὶ ἀνέμων. ταῦτα γὰρ καὶ τὰ περὶ τοὺσ ὁρίζοντασ καὶ τοὺσ ἀρκτικοὺσ καὶ ὅσα ἄλλα κατὰ τὴν πρώτην ἀγωγὴν τὴν εἰσ τὰ μαθήματα παραδίδοται κατανοήσασ τισ ἄλλωσ πωσ δύναται παρακολουθεῖν τοῖσ λεγομένοισ ἐνταῦθα. ὁ δὲ μηδ’ εὐθεῖαν γραμμὴν ἢ περιφερῆ μηδὲ κύκλον εἰδώσ, μηδὲ σφαιρικὴν ἐπιφάνειαν ἢ ἐπίπεδον, μηδ’ ἐν τῷ οὐρανῷ μηδὲ τοὺσ ἑπτὰ τῆσ μεγάλησ ἄρκτου ἀστέρασ καταμαθὼν μηδ’ ἄλλο τι τῶν τοιούτων μηδέν, ἢ οὐκ ἂν δέοιτο τῆσ πραγματείασ ταύτησ ἢ οὐχὶ νῦν, ἀλλ’ ἐκείνοισ ἐντυχὼν πρότερον, ὧν χωρὶσ οὐκ ἂν εἰή γεωγραφίασ οἰκεῖοσ.

상위

Geography (지리학)

목록

일치하는 문장이 없습니다.

SEARCH

MENU NAVIGATION