Strabo, Geography, book 1, chapter 1 20:

(스트라본, 지리학, book 1, chapter 1 20:)

Ὥσπερ οὖν τὰ ἔσχατα καὶ τὰ κύκλῳ τῆσ οἰκουμένησ οἶδε καὶ φράζει σαφῶσ ὁ ποιητήσ, οὕτω καὶ τὰ τῆσ θαλάττησ τῆσ ἐντόσ. περιέχει γὰρ ταύτην ἀπὸ στηλῶν ἀρξαμένοισ Λιβύη τε καὶ Αἴγυπτοσ καὶ Φοινίκη, ἑξῆσ δὲ ἡ πέριξ τῆσ Κύπρου, εἶτα Σόλυμοι καὶ Λύκιοι καὶ Κᾶρεσ, μετὰ δὲ τούτουσ ἡ μεταξὺ Μυκάλησ καὶ τῆσ Τρῳάδοσ ᾐὼν καὶ αἱ προκείμεναι νῆσοι· ὧν ἁπάντων μέμνηται, καὶ ἐφεξῆσ τῶν περὶ τὴν Προποντίδα καὶ τοῦ Εὐξείνου μέχρι Κολχίδοσ καὶ τῆσ Ιἄσονοσ στρατείασ. καὶ μὴν καὶ τὸν Κιμμερικὸν Βόσπορον οἶδε τοὺσ Κιμμερίουσ εἰδώσ, οὐ δήπου τὸ μὲν ὄνομα τῶν Κιμμερίων εἰδὼσ αὐτοὺσ δὲ ἀγνοῶν, οἳ κατ’ αὐτὸν ἢ μικρὸν πρὸ αὐτοῦ μέχρι Ιὠνίασ ἐπέδραμον τὴν γῆν τὴν ἐκ Βοσπόρου πᾶσαν. αἰνίττεται γοῦν καὶ τὸ κλίμα τῆσ χώρασ αὐτῶν ζοφῶδεσ ὄν, καὶ ὡσ φησίν "ἠέρι καὶ "νεφέλῃ κεκαλυμμένοι· οὐδέ ποτ’ αὐτοὺσ ἠέλιοσ φαέθων ἐπιλάμπεται, ἀλλ’ ἐπὶ νὺξ ὀλοὴ τέταται. " γνωρίζει δὲ καὶ τὸν Ἴστρον, μεμνημένοσ γε Μυσῶν, ἔθνουσ Θρᾳκίου παροικοῦντοσ τὸν Ἴστρον. καὶ μὴν καὶ τὴν ἑξῆσ παραλίαν οἶδε, Θρᾳκίαν οὖσαν μέχρι Πηνειοῦ, Παίονάσ τε ὀνομάζων καὶ Ἄθω καὶ Ἀξιὸν καὶ τὰσ προκειμένασ τούτων νήσουσ. ἑξῆσ δέ ἐστιν ἡ τῶν Ἑλλήνων παραλία μέχρι Θεσπρωτῶν, ἧσ ἁπάσησ μέμνηται. καὶ μὴν καὶ τὰ τῆσ Ἰταλίασ ἄκρα οἶδε, Τεμέσην καλῶν καὶ Σικελούσ, καὶ τὰ τῆσ Ἰβηρίασ ἄκρα καὶ τὴν εὐδαιμονίαν αὐτῶν, ἣν ἀρτίωσ ἔφαμεν. εἰ δέ τινα ἐν τοῖσ μεταξὺ διαλείμματα φαίνεται, συγγνοίη τισ ἄν· καὶ γὰρ ὁ γεωγραφῶν ὄντωσ πολλὰ παρίησι τῶν ἐν μέρει. συγγνοίη δ’ ἂν καὶ εἰ μυθώδη τινὰ προσπέπλεκται τοῖσ λεγομένοισ ἱστορικῶσ καὶ διδασκαλικῶσ, καὶ οὐ δεῖ μέμφεσθαι. οὐδὲ γὰρ ἀληθέσ ἐστιν, ὅ φησιν Ἐρατοσθένησ, ὅτι ποιητὴσ πᾶσ στοχάζεται ψυχαγωγίασ, οὐ διδασκαλίασ· τἀναντία γὰρ οἱ φρονιμώτατοι τῶν περὶ ποιητικῆσ τι φθεγξαμένων πρώτην τινὰ λέγουσι φιλοσοφίαν τὴν ποιητικήν. ἀλλὰ πρὸσ Ἐρατοσθένη μὲν αὖθισ ἐροῦμεν διὰ πλειόνων, ἐν οἷσ καὶ περὶ τοῦ ποιητοῦ πάλιν ἔσται λόγοσ.

상위

Geography (지리학)

목록

일치하는 문장이 없습니다.

SEARCH

MENU NAVIGATION