헬라어 문장 검색 - Σοπηοξ́Πηιλοξτ́13́03́0́

(소포클레스, 필록테테스, episode, anapests)

ὦ φθέγμα ποθεινὸν ἐμοὶ πέμψασ χρόνιόσ τε φανείσ, οὐκ ἀπιθήσω τοῖσ σοῖσ μύθοισ. κἀγὼ γνώμην ταύτῃ τίθεμαι. μή νυν χρόνιοι μέλλετε πράσσειν· καιρὸσ καὶ πλοῦσ ὅδ’ ἐπείγει γὰρ κατὰ πρύμνην. φέρε νυν στείχων χώραν καλέσω. χαῖρ’, ὦ μέλαθρον ξύμφρουρον ἐμοί, νύμφαι τ’ ἔνυδροι λειμωνιάδεσ, καὶ κτύποσ ἄρσην πόντου προβολῆσ, οὗ πολλάκι δὴ τοὐμὸν ἐτέγχθη κρᾶτ’ ἐνδόμυχον πληγαῖσι νότου, πολλὰ δὲ φωνῆσ τῆσ ἡμετέρασ Ἑρμαῖον ὄροσ παρέπεμψεν ἐμοὶ στόνον ἀντίτυπον χειμαζομένῳ. νῦν δ’, ὦ κρῆναι Λύκιόν τε ποτόν, λείπομεν ὑμᾶσ, λείπομεν ἤδη δόξησ οὔ ποτε τῆσδ’ ἐπιβάντεσ. χαῖρ’, ὦ Λήμνου πέδον ἀμφίαλον, καί μ’ εὐπλοίᾳ πέμψον ἀμέμπτωσ, ἔνθ’ ἡ μεγάλη Μοῖρα κομίζει γνώμη τε φίλων χὠ πανδαμάτωρ δαίμων, ὃσ ταῦτ’ ἐπέκρανεν. χωρῶμεν δὴ πάντεσ ἀολλεῖσ, νύμφαισ ἁλίαισιν ἐπευξάμενοι νόστου σωτῆρασ ἱκέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Sophocles, Philoctetes, episode, anapests

(소포클레스, 필록테테스, episode, anapests)

상위

목록

SEARCH

MENU NAVIGATION