호흡부호 보기
강세부호 보기
장단부호 보기
작은 Iota 보기
모든 부호 보기
οὐδ’ εἰ γὰρ ἦν τὸ πρᾶγμα μὴ θεήλατον, ἀκάθαρτον ὑμᾶσ εἰκὸσ ἦν οὕτωσ ἐᾶν, ἀνδρόσ γ’ ἀρίστου βασιλέωσ τ’ ὀλωλότοσ, ἀλλ’ ἐξερευνᾶν· νῦν δ’ ἐπεὶ κυρῶ γ’ ἐγὼ ἔχων μὲν ἀρχὰσ ἃσ ἐκεῖνοσ εἶχε πρίν, ἔχων δὲ λέκτρα καὶ γυναῖχ’ ὁμόσπορον, κοινῶν τε παίδων κοίν’ ἄν, εἰ κείνῳ γένοσ μὴ ’δυστύχησεν, ἦν ἂν ἐκπεφυκότα· νῦν δ’ ἐσ τὸ κείνου κρᾶτ’ ἐνήλαθ’ ἡ τύχη· ἀνθ’ ὧν ἐγὼ τάδ’, ὡσπερεὶ τοὐμοῦ πατρόσ, ὑπερμαχοῦμαι κἀπὶ πᾶν ἀφίξομαι, ζητῶν τὸν αὐτόχειρα τοῦ φόνου λαβεῖν, τῷ Λαβδακείῳ παιδὶ Πολυδώρου τε καὶ τοῦ πρόσθε Κάδμου τοῦ πάλαι τ’ Ἀγήνοροσ. καὶ ταῦτα τοῖσ μὴ δρῶσιν εὔχομαι θεοὺσ μήτ’ ἄροτον αὐτοῖσ γῆσ ἀνιέναι τινὰ μήτ’ οὖν γυναικῶν παῖδασ, ἀλλὰ τῷ πότμῳ τῷ νῦν φθερεῖσθαι κἄτι τοῦδ’ ἐχθίονι· ὑμῖν δὲ τοῖσ ἄλλοισι Καδμείοισ, ὅσοισ τάδ’ ἔστ’ ἀρέσκονθ’, ἥ τε σύμμαχοσ Δίκη χοἰ πάντεσ εὖ ξυνεῖεν εἰσαεὶ θεοί.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기