Sophocles, Oedipus at Colonus, episode

(소포클레스, Oedipus at Colonus, episode)

ἄνδρεσ πολῖται, ξυντομωτάτωσ, μὲν ἂν τύχοιμι λέξασ Οἰδίπουν ὀλωλότα· ἃ δ’ ἦν τὰ πραχθέντ’, οὔθ’ ὁ μῦθοσ ἐν βραχεῖ φράσαι πάρεστιν οὔτε τἄργ’ ὅσ’ ἦν ἐκεῖ. ὄλωλε γὰρ δύστηνοσ; ὡσ λελοιπότα κεῖνον τὸν ἀεὶ βίοτον ἐξεπίστασο. πῶσ; ἆρα θείᾳ κἀπόνῳ τάλασ τύχῃ; ταῦτ’ ἐστὶν ἤδη κἀποθαυμάσαι πρέπον. ὡσ μὲν γὰρ ἐνθένδ’ εἱρ͂πε, καὶ σύ που παρὼν ἔξοισθ’, ὑφηγητῆροσ οὐδενὸσ φίλων, ἀλλ’ αὐτὸσ ἡμῖν πᾶσιν ἐξηγούμενοσ. ἐπεὶ δ’ ἀφῖκτο τὸν καταρράκτην ὀδὸν χαλκοῖσ βάθροισι γῆθεν ἐρριζωμένον, ἔστη κελεύθων ἐν πολυσχίστων μιᾷ, κοίλου πέλασ κρατῆροσ, οὗ τὰ Θησέωσ Περίθου τε κεῖται πίστ’ ἀεὶ ξυνθήματα. ἀφ’ οὗ μέσοσ στὰσ τοῦ τε Θορικίου πέτρου κοίλησ τ’ ἀχέρδου κἀπὸ λαί̈νου τάφου, καθέζετ’· εἶτ’ ἔλυσε δυσπινεῖσ στολάσ. κἄπειτ’ ἀύ̈σασ παῖδασ ἠνώγει ῥυτῶν ὑδάτων ἐνεγκεῖν λουτρὰ καὶ χοάσ ποθεν· τὼ δ’ εὐχλόου Δήμητροσ εἰσ προσόψιον πάγον μολοῦσαι τάσδ’ ἐπιστολὰσ πατρὶ ταχεῖ ’πόρευσαν σῦν χρόνῳ, λουτροῖσ τέ νιν ἐσθῆτί τ’ ἐξήσκησαν ᾗ νομίζεται. ἐπεὶ δὲ παντὸσ εἶχε δρῶντοσ ἡδονὴν κοὐκ ἦν ἔτ’ οὐδὲν ἀργὸν ὧν ἐφίετο, κτύπησε μὲν Ζεὺσ χθόνιοσ αἱ δὲ παρθένοι ῥίγησαν, ὡσ ἤκουσαν· ἐσ δὲ γούνατα πατρὸσ πεσοῦσαι ’κλαιον οὐδ’ ἀνίεσαν στέρνων ἀραγμοὺσ οὐδὲ παμμήκεισ γόουσ. ὁ δ’ ὡσ ἀκούει φθόγγον ἐξαίφνησ πικρόν, πτύξασ ἐπ’ αὐταῖσ χεῖρασ εἶπεν· ὦ τέκνα, οὐκ ἔστ’ ἔθ’ ὑμῖν τῇδ’ ἐν ἡμέρᾳ πατήρ. ὄλωλε γὰρ δὴ πάντα τἀμά, κοὐκέτι τὴν δυσπόνητον ἕξετ’ ἀμφ’ ἐμοὶ τροφήν· σκληρὰν μέν, οἶδα, παῖδεσ· ἀλλ’ ἓν γὰρ μόνον τὰ πάντα λύει ταῦτ’ ἔποσ μοχθήματα. τὸ γὰρ φιλεῖν οὐκ ἔστιν ἐξ ὅτου πλέον ἢ τοῦδε τἀνδρὸσ ἔσχεθ’, οὗ τητώμεναι τὸ λοιπὸν ἤδη τὸν βίον διάζετον.

일치하는 문장이 없습니다.

SEARCH

MENU NAVIGATION