Sophocles, episode

(소포클레스, episode)

ἆρ’, ὦ γυναῖκεσ, ὀρθά τ’ εἰσηκούσαμεν ὀρθῶσ θ’ ὁδοιποροῦμεν ἔνθα χρῄζομεν; τί δ’ ἐξερευνᾷσ καὶ τί βουληθεὶσ πάρει; Αἴγισθον ἔνθ’ ᾤκηκεν ἱστορῶ πάλαι. ἀλλ’ εὖ θ’ ἱκάνεισ χὠ φράσασ ἀζήμιοσ. τίσ οὖν ἂν ὑμῶν τοῖσ ἔσω φράσειεν ἂν ἡμῶν ποθεινὴν κοινόπουν παρουσίαν; ἥδ’, εἰ τὸν ἄγχιστόν γε κηρύσσειν χρεών. ἴθ’, ὦ γύναι, δήλωσον εἰσελθοῦσ’ ὅτι Φωκῆσ ματεύουσ’ ἄνδρεσ Αἴγισθόν τινεσ, οἴμοι τάλαιν’, οὐ δή ποθ’ ἧσ ἠκούσαμεν φήμησ φέροντεσ ἐμφανῆ τεκμήρια; οὐκ οἶδα τὴν σὴν κληδόν’· ἀλλά μοι γέρων ἐφεῖτ’ Ὀρέστου Στρόφιοσ ἀγγεῖλαι πέρι. τί δ’ ἔστιν, ὦ ξέν’; ὥσ μ’ ὑπέρχεται φόβοσ. φέροντεσ αὐτοῦ σμικρὰ λείψαν’ ἐν βραχεῖ τεύχει θανόντοσ, ὡσ ὁρᾷσ, κομίζομεν. οἲ ’γὼ τάλαινα, τοῦτ’ ἐκεῖν’ ἤδη σαφὲσ πρόχειρον ἄχθοσ, ὡσ ἐοίκε, δέρκομαι. εἴπερ τι κλαίεισ τῶν Ὀρεστείων κακῶν, τόδ’ ἄγγοσ ἴσθι σῶμα τοὐκείνου στέγον. ὦ ξεῖνε, δόσ νυν, πρὸσ θεῶν, εἴπερ τόδε κέκευθεν αὐτὸν τεῦχοσ, εἰσ χεῖρασ λαβεῖν, ὅπωσ ἐμαυτὴν καὶ γένοσ τὸ πᾶν ὁμοῦ ξὺν τῇδε κλαύσω κἀποδύρωμαι σποδῷ. δόθ’, ἥτισ ἐστί, προσφέροντεσ· οὐ γὰρ ὡσ ἐν δυσμενείᾳ γ’ οὖσ’ ἐπαιτεῖται τάδε, ἀλλ’ ἢ φίλων τισ ἢ πρὸσ αἵματοσ φύσιν.

SEARCH

MENU NAVIGATION