Sophocles, Antigone, episode

(소포클레스, Antigone, episode)

ἆρ’ ἴστ’, ἀοιδὰσ καὶ γόουσ πρὸ τοῦ θανεῖν ὡσ οὐδ’ ἂν εἷσ παύσαιτ’ ἄν, εἰ χρείη λέγειν; οὐκ ἄξεθ’ ὡσ τάχιστα; καὶ κατηρεφεῖ τύμβῳ περιπτύξαντεσ, ὡσ εἴρηκ’ ἐγώ, ἄφετε μόνην ἔρημον, εἴτε χρῇ θανεῖν εἴτ’ ἐν τοιαύτῃ ζῶσα τυμβεύειν στέγῃ· ἡμεῖσ γὰρ ἁγνοὶ τοὐπὶ τήνδε τὴν κόρην μετοικίασ δ’ οὖν τῆσ ἄνω στερήσεται. ὦ τύμβοσ, ὦ νυμφεῖον, ὦ κατασκαφὴσ οἴκησισ ἀείφρουροσ, οἷ πορεύομαι πρὸσ τοὺσ ἐμαυτῆσ, ὧν ἀριθμὸν ἐν νεκροῖσ πλεῖστον δέδεκται Φερσέφασσ’ ὀλωλότων· ὧν λοισθία ’γὼ καὶ κάκιστα δὴ μακρῷ κάτειμι, πρίν μοι μοῖραν ἐξήκειν βίου. ἐλθοῦσα μέντοι κάρτ’ ἐν ἐλπίσιν τρέφω φίλη μὲν ἥξειν πατρί, προσφιλὴσ δὲ σοί, μῆτερ, φίλη δὲ σοί, κασίγνητον κάρα· ἐπεὶ θανόντασ αὐτόχειρ ὑμᾶσ ἐγὼ ἔλουσα κἀκόσμησα κἀπιτυμβίουσ χοὰσ ἔδωκα. νῦν δέ Πολύνεικεσ, τὸ σὸν δέμασ περιστέλλουσα τοιάδ’ ἄρνυμαι. καίτοι σ’ ἐγὼ ’τίμησα τοῖσ φρονοῦσιν εὖ. οὐ γάρ ποτ’ οὔτ’ ἄν, εἰ τέκνων μήτηρ ἔφυν, οὔτ’ εἰ πόσισ μοι κατθανὼν ἐτήκετο, βίᾳ πολιτῶν τόνδ’ ἂν ᾐρόμην πόνον. τίνοσ νόμου δὴ ταῦτα πρὸσ χάριν λέγω; πόσισ μὲν ἄν μοι κατθανόντοσ ἄλλοσ ἦν, καὶ παῖσ ἀπ’ ἄλλου φωτόσ, εἰ τοῦδ’ ἤμπλακον, μητρὸσ δ’ ἐν Αἵδου καὶ πατρὸσ κεκευθότοιν οὐκ ἔστ’ ἀδελφὸσ ὅστισ ἂν βλάστοι ποτέ. τοιῷδε μέντοι σ’ ἐκπροτιμήσασ’ ἐγὼ νόμῳ Κρέοντι ταῦτ’ ἔδοξ’ ἁμαρτάνειν καὶ δεινὰ τολμᾶν, ὦ κασίγνητον κάρα. καὶ νῦν ἄγει με διὰ χερῶν οὕτω λαβὼν ἄλεκτρον, ἀνυμέναιον, οὔτε του γάμου μέροσ λαχοῦσαν οὔτε παιδείου τροφῆσ, ἀλλ’ ὧδ’ ἔρημοσ πρὸσ φίλων ἡ δύσμοροσ ζῶσ’ εἰσ θανόντων ἔρχομαι κατασκαφάσ. ποίαν παρεξελθοῦσα δαιμόνων δίκην; τί χρή με τὴν δύστηνον ἐσ θεοὺσ ἔτι βλέπειν; τίν’ αὐδᾶν ξυμμάχων; ἐπεί γε δὴ τὴν δυσσέβειαν εὐσεβοῦσ’, ἐκτησάμην. ἀλλ’ εἰ μὲν οὖν τάδ’ ἐστὶν ἐν θεοῖσ καλά, παθόντεσ ἂν ξυγγνοῖμεν ἡμαρτηκότεσ· εἰ δ’ οἵδ’ ἁμαρτάνουσι, μὴ πλείω κακὰ πάθοιεν ἢ καὶ δρῶσιν ἐκδίκωσ ἐμέ.

상위

Antigone

목록

일치하는 문장이 없습니다.

SEARCH

MENU NAVIGATION