Sophocles, Ajax, episode

(소포클레스, Ajax, episode)

καὶ μὴν ἰδὼν ἔσπευσα τὸν στρατηλάτην Ἀγαμέμνον’ ἡμῖν δεῦρο τόνδ’ ὁρμώμενον· δῆλοσ δέ μοὐστὶ σκαιὸν ἐκλύσων στόμα. σὲ δὴ τὰ δεινὰ ῥήματ’ ἀγγέλλουσί μοι τλῆναι καθ’ ἡμῶν ὧδ’ ἀνοιμωκτὶ χανεῖν; σέ τοι, τὸν ἐκ τῆσ αἰχμαλωτίδοσ λέγω, ἦ που τραφεὶσ ἂν μητρὸσ εὐγενοῦσ ἄπο ὑψήλ’ ἐκόμπεισ κἀπ’ ἄκρων ὡδοιπόρεισ, ὅτ’ οὐδὲν ὢν τοῦ μηδὲν ἀντέστησ ὕπερ, κοὔτε στρατηγοὺσ οὔτε ναυάρχουσ μολεῖν ἡμᾶσ Ἀχαιῶν οὐδὲ σοῦ διωμόσω ἀλλ’ αὐτὸσ ἄρχων, ὡσ σὺ φήσ, Αἰάσ ἔπλει. ταῦτ’ οὐκ ἀκούειν μεγάλα πρὸσ δούλων κακά; ποίου κέκραγασ ἀνδρὸσ ὧδ’ ὑπέρφρονα; ποῖ βάντοσ ἢ ποῦ στάντοσ οὗπερ οὐκ ἐγώ; οὐκ ἆρ’ Ἀχαιοῖσ ἄνδρεσ εἰσὶ πλὴν ὅδε; πικροὺσ ἐοίγμεν τῶν Ἀχιλλείων ὅπλων ἀγῶνασ Ἀργείοισι κηρῦξαι τότε, εἰ πανταχοῦ φανούμεθ’ ἐκ Τεύκρου κακοί, κοὐκ ἀρκέσει ποθ’ ὑμὶν οὐδ’ ἡσσημένοισ εἴκειν ἃ τοῖσ πολλοῖσιν ἤρεσκεν κριταῖσ, ἀλλ’ αἰὲν ἡμᾶσ ἢ κακοῖσ βαλεῖτέ που ἢ σὺν δόλῳ κεντήσεθ’ οἱ λελειμμένοι. ἐκ τῶνδε μέντοι τῶν τρόπων οὐκ ἄν ποτε κατάστασισ γένοιτ’ ἂν οὐδενὸσ νόμου, εἰ τοὺσ δίκῃ νικῶντασ ἐξωθήσομεν καὶ τοὺσ ὄπισθεν εἰσ τὸ πρόσθεν ἄξομεν. ἀλλ’ εἰρκτέον τάδ’ ἐστίν· οὐ γὰρ οἱ πλατεῖσ οὐδ’ εὐρύνωτοι φῶτεσ ἀσφαλέστατοι, ἀλλ’ οἱ φρονοῦντεσ εὖ κρατοῦσι πανταχοῦ. μέγασ δὲ πλευρὰ βοῦσ ὑπὸ σμικρᾶσ ὅμωσ μάστιγοσ ὀρθὸσ εἰσ ὁδὸν πορεύεται. καὶ σοὶ προσέρπον τοῦτ’ ἐγὼ τὸ φάρμακον ὁρῶ τάχ’, εἰ μὴ νοῦν κατακτήσει τινά· ὃσ ἀνδρὸσ οὐκέτ’ ὄντοσ, ἀλλ’ ἤδη σκιᾶσ, θαρσῶν ὑβρίζεισ κἀξελευθεροστομεῖσ. οὐ σωφρονήσεισ; οὐ μαθὼν ὃσ εἶ φύσιν ἄλλον τιν’ ἄξεισ ἄνδρα δεῦρ’ ἐλεύθερον, ὅστισ πρὸσ ἡμᾶσ ἀντὶ σοῦ λέξει τὰ σά; σοῦ γὰρ λέγοντοσ οὐκέτ’ ἂν μάθοιμ’ ἐγώ· τὴν βάρβαρον γὰρ γλῶσσαν οὐκ ἐπαί̈ω.

상위

Ajax

목록

일치하는 문장이 없습니다.

SEARCH

MENU NAVIGATION