Septuagint, Prophetia Ezechielis 48:

(70인역 성경, 에제키엘서 48:)

ΚΑΙ ταῦτα τὰ ὀνόματα τῶν φυλῶν. ἀπὸ τῆσ ἀρχῆσ τῆσ πρὸσ βορρᾶν κατὰ τὸ μέροσ τῆσ καταβάσεωσ τοῦ περισχίζοντοσ ἐπὶ τὴν εἴσοδον τῆσ Ἠμὰθ αὐλῆσ τοῦ Αἰνάν, ὅριον Δαμασκοῦ πρὸσ βορρᾶν κατὰ μέροσ Ἠμὰθ αὐλῆσ, καὶ ἔσται αὐτοῖσ τὰ πρὸσ ἀνατολὰσ ἕωσ πρὸσ θάλασσαν Δάν, μία. καὶ ἀπὸ τῶν ὁρίων τοῦ Δὰν τὰ πρὸσ ἀνατολὰσ ἕωσ τῶν πρὸσ θάλασσαν Ἀσσήρ, μία. καὶ ἀπὸ τῶν ὁρίων Ἀσσὴρ ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Νεφθαλίμ, μία. καὶ ἀπὸ τῶν ὁρίων Νεφθαλὶμ ἀπὸ ἀνατολῶν ἕωσ τῶν πρὸσ θάλασσαν Μανασσῆ, μία. καὶ ἀπὸ τῶν ὁρίων Μανασσῆ ἀπὸ τῶν πρὸσ ἀνατολὰσ ὥσ τῶν πρὸσ θάλασσαν Ἐφραίμ, μία. καὶ ἀπὸ τῶν ὁρίων Ἐφραὶμ ἀπό τῶν πρὸσ ἀνατολὰσ ἕωσ τῶν πρὸσ θάλασσαν Ρουβήν, μία. καὶ ἀπὸ τῶν ὁρίων Ρουβὴν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Ἰούδα, μία. καὶ ἀπὸ τῶν ὁρίων Ἰούδα ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν ἔσται ἡ ἀπαρχὴ τοῦ ἀφορισμοῦ, πέντε καὶ εἴκοσι χιλιάδεσ εὖροσ καὶ μῆκοσ καθὼσ μία τῶν μερίδων ἀπὸ τῶν πρὸσ ἀνατολὰσ καὶ ἕωσ τῶν πρὸσ θάλασσαν, καὶ ἔσται τὸ ἅγιον ἐν μέσῳ αὐτῶν. ἀπαρχή, ἣν ἀφοριοῦσι τῷ Κυρίῳ, μῆκοσ πέντε καὶ εἴκοσι χιλιάδεσ καὶ εὗροσ εἴκοσι καὶ πέντε χιλιάδεσ. τούτων ἔσται ἡ ἀπαρχὴ τῶν ἁγίων. τοῖσ ἱερεῦσι, πρὸσ βορρᾶν πέντε καὶ εἴκοσι χιλιάδεσ καὶ πρὸσ θάλασσαν πλάτοσ δέκα χιλιάδεσ καὶ πρὸσ ἀνατολὰσ πλάτοσ δέκα χιλιάδεσ καὶ πρὸσ νότον μῆκοσ εἴκοσι καὶ πέντε χιλιάδεσ, καὶ τὸ ὄροσ τῶν ἁγίων ἔσται ἐν μέσῳ αὐτοῦ. τοῖσ ἱερεῦσι τοῖσ ἡγιασμένοισ, υἱοῖσ Σαδδούκ, τοῖσ φυλάσσουσι τὰσ φυλακὰσ τοῦ οἴκου, οἵτινεσ οὐκ ἐπλανήθησαν ἐν τῇ πλανήσει υἱῶν Ἰσραήλ, ὃν τρόπον ἐπλανήθησαν οἱ Λευῖται, καὶ ἔσται αὐτοῖσ ἡ ἀπαρχὴ δεδομένη ἐκ τῶν ἀπαρχῶν τῆσ γῆσ, ἅγιον ἁγίων ἀπὸ τῶν ὁρίων τῶν Λευιτῶν. τοῖσ δὲ Λευίταισ τὰ ἐχόμενα τῶν ὁρίων τῶν ἱερέων, μῆκοσ πέντε καὶ εἴκοσι χιλιάδεσ, καὶ εὗροσ δέκα χιλιάδεσ. πᾶν τὸ μῆκοσ πέντε καὶ εἴκοσι χιλιάδεσ καὶ εὖροσ εἴκοσι χιλιάδεσ. οὐ πραθήσεται ἐξ αὐτοῦ οὐδὲ καταμετρηθήσεται, οὐδὲ ἀφαιρεθήσεται τὰ πρωτογεννήματα τῆσ γῆσ, ὅτι ἅγιόν ἐστι τῷ Κυρίῳ. τὰσ δὲ πέντε χιλιάδασ τὰσ περισσὰσ ἐπὶ τῷ πλάτει ἐπὶ ταῖσ πέντε, καὶ εἴκοσι χιλιάσι, προτείχισμα ἔσται τῇ πόλει εἰσ τὴν κατοικίαν καὶ εἰσ διάστημα αὐτοῦ, καὶ ἔσται ἡ πόλισ ἐν μέσῳ αὐτοῦ. καὶ ταῦτα τὰ μέτρα αὐτῆσ. ἀπὸ τῶν πρὸσ βορρᾶν πεντακόσιοι καὶ τετρακισχίλιοι, καὶ ἀπὸ τῶν πρὸσ νότον πεντακόσιοι καὶ τέσσαρεσ χιλιάδεσ, καὶ ἀπὸ τῶν πρὸσ ἀνατολάσ πεντακόσιοι καὶ τέσσαρεσ χιλιάδεσ, καὶ ἀπὸ τῶν πρὸσ θάλασσαν τετρακισχιλίουσ πεντακόσιουσ. καὶ ἔσται διάστημα τῇ πόλει πρὸσ βορρᾶν διακόσιοι πεντήκοντα καὶ πρὸσ νότον διακόσιοι καὶ πεντήκοντα καὶ πρὸσ ἀνατολὰσ διακόσιοι πεντήκοντα καὶ πρὸσ θάλασσαν διακόσιοι πεντήκοντα. καὶ τὸ περισσὸν τοῦ μήκουσ τὸ ἐχόμενον τῶν ἀπαρχῶν τῶν ἁγίων δέκα χιλιάδεσ πρὸσ ἀνατολὰσ καὶ δέκα χιλιάδεσ πρὸσ θάλασσαν. καὶ ἔσονται αἱ ἀπαρχαὶ τοῦ ἁγίου καὶ ἔσται τὰ γεννήματα αὐτῆσ εἰσ ἄρτουσ τοῖσ ἐργαζομένοισ τὴν πόλιν. οἱ δὲ ἐργαζόμενοι τὴν πόλιν ἐργῶνται αὐτὴν ἐκ πασῶν τῶν φυλῶν τοῦ Ἰσραήλ. πᾶσα ἡ ἀπαρχὴ πέντε καὶ εἴκοσι χιλιάδεσ ἐπὶ πέντε καὶ εἴκοσι χιλιάδασ. τετράγωνον ἀφοριεῖτε αὐτοῦ τὴν ἀπαρχὴν τοῦ ἁγίου ἀπὸ τῆσ κατασχέσεωσ τῆσ πόλεωσ. τὸ δὲ περισσὸν τῷ ἀφηγουμένῳ ἐκ τούτου καὶ ἐκ τούτου ἀπὸ τῶν ἀπαρχῶν τοῦ ἁγίου καὶ εἰσ τὴν κατάσχεσιν τῆσ πόλεωσ ἐπὶ πέντε καὶ εἴκοσι χιλιάδασ μῆκοσ ἕωσ τῶν ὁρίων τῶν πρὸσ ἀνατολὰσ καὶ πρὸσ θάλασσαν ἐπὶ πέντε καὶ εἴκοσι χιλιάδασ ἕωσ τῶν ὁρίων τῶν πρὸσ θάλασσαν ἐχόμενα τῶν μερίδων τοῦ ἀφηγουμένου. καὶ ἔσται ἡ ἀπαρχὴ τῶν ἁγίων καὶ τὸ ἁγίασμα τοῦ οἴκου ἐν μέσῳ αὐτῆσ. καὶ ἀπὸ τῆσ κατασχέσεωσ τῶν Λευιτῶν καὶ ἀπὸ τῆσ κατασχέσεωσ τῆσ πόλεωσ ἐν μέσῳ τῶν ἀφηγουμένων ἔσται. ἀναμέσον τῶν ὁρίων Ἰούδα καὶ ἀναμέσον τῶν ὁρίων Βενιαμὶν τῶν ἀφηγουμένων ἔσται. ‐ Καὶ τὸ περισσὸν τῶν φυλῶν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Βενιαμίν, μία. καὶ ἀπὸ τῶν ὁρίων τῶν Βενιαμὶν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Συμεών, μία. καὶ ἀπὸ τῶν ὁρίων τῶν Συμεὼν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Ἰσσάχαρ, μία. καὶ ἀπὸ τῶν ὁρίων τῶν Ἰσσάχαρ ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Ζαβουλών, μία. καὶ ἀπὸ τῶν ὁρίων τῶν Ζαβουλὼν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Γάδ, μία. καὶ ἀπὸ τῶν ὁρίων τῶν Γὰδ ἀπὸ τῶν πρὸσ ἀνατολὰσ ἕωσ τῶν πρὸσ λίβα καὶ ἔσται τὰ ὅρια αὐτοῦ ἀπὸ Θαιμὰν καὶ ὕδατοσ Μαριμὼθ Κάδησ κληρονομίασ ἕωσ τῆσ θαλάσσησ τῆσ μεγάλησ. αὕτη ἡ γῆ, ἣν βαλεῖτε ἐν κλήρῳ ταῖσ φυλαῖσ τοῦ Ἰσραήλ, καὶ οὗτοι οἱ διαμερισμοὶ αὐτῶν, λέγει Κύριοσ Θεόσ. ‐ Καὶ αὗται αἱ διεκβολαὶ τῆσ πόλεωσ αἱ πρὸσ βορρᾶν, τετρακισχίλιοι καὶ πεντακόσιοι μέτρῳ. καὶ αἱ πύλαι τῆσ πόλεωσ ἐπ̓ ὀνόματι φυλῶν τοῦ Ἰσραήλ. πύλαι τρεῖσ πρὸσ βορρᾶν, πύλη Ρουβὴν μία καὶ πύλη Ἰούδα μία καὶ πύλη Λευί̈ μία. καὶ τὰσ πρὸσ ἀνατολὰσ τετρακισχίλιοι καὶ πεντακόσιοι. καὶ πύλαι τρεῖσ, πύλη Ἰωσὴφ μία καὶ πύλη Βενιαμὶν μία καὶ πύλη Δὰν μία. καὶ τὰ πρὸσ νότον τετρακισχίλιοι καὶ πεντακόσιοι μέτρῳ. καὶ πύλαι τρεῖσ, πύλη Συμεὼν μία καὶ πύλη Ἰσσάχαρ μία καὶ πύλη Ζαβουλὼν μία. καὶ τὰ πρὸσ θάλασσαν τετρακισχίλιοι καὶ πεντακόσιοι μέτρῳ. πύλαι τρεῖσ, πύλη Γὰδ μία καὶ πύλη Ἀσσὴρ μία καὶ πύλη Νεφθαλὶμ μία. κύκλωμα δέκα καὶ ὀκτὼ χιλιάδεσ. καὶ τὸ ὄνομα τῆσ πόλεωσ, ἀφ̓ ἧσ ἂν ἡμέρασ γένηται, ἔσται τὸ ὄνομα αὐτῆσ.

목록

일치하는 문장이 없습니다.

SEARCH

MENU NAVIGATION