Septuagint, Liber Ieremiae 43:

(70인역 성경, 예레미야서 43:)

ΕΝ τῷ ἐνιαυτῷ τῷ τετάρτῳ Ἰωακεὶμ υἱοῦ Ἰωσία βασιλέωσ Ἰούδα ἐγενήθη λόγοσ Κυρίου πρόσ με λέγων. λάβε σεαυτῷ χαρτίον βιβλίου καὶ γράψον ἐπ’ αὐτοῦ πάντασ τοὺσ λόγουσ, οὓσ ἐλάλησα πρὸσ σὲ ἐπὶ Ἱερουσαλὴμ καὶ ἐπὶ Ἰούδα καὶ ἐπὶ πάντα τὰ ἔθνη, ἀφ’ ἧσ ἡμέρασ λαλήσαντόσ μου πρὸσ σέ, ἀφ’ ἡμερῶν Ἰωσία βασιλέωσ Ἰούδα καὶ ἕωσ τῆσ ἡμέρασ ταύτησ. ἴσωσ ἀκούσεται ὁ οἶκοσ Ἰούδα πάντα τὰ κακά, ἃ ἐγὼ λογίζομαι ποιῆσαι αὐτοῖσ, ἵνα ἀποστρέψωσιν ἀπὸ τῆσ ὁδοῦ αὐτῶν τῆσ πονηρᾶσ, καὶ ἵλεωσ ἔσομαι ταῖσ ἀδικίαισ αὐτῶν καὶ ταῖσ ἁμαρτίαισ αὐτῶν. καὶ ἐκάλεσεν Ἱερεμίασ τὸν Βαροὺχ υἱὸν Νηρίου, καὶ ἔγραψεν ἀπὸ στόματοσ Ἱερεμίου πάντασ τοὺσ λόγουσ Κυρίου, οὓσ ἐχρημάτισε πρὸσ αὐτόν, εἰσ χαρτίον βιβλίου. καὶ ἐνετείλατο Ἱερεμίασ τῷ Βαροὺχ λέγων. ἐγὼ φυλάσσομαι, οὐ μὴ δύνωμαι εἰσελθεῖν εἰσ οἶκον Κυρίου. καὶ ἀναγνώσῃ ἐν τῷ χαρτίῳ τούτῳ εἰσ τὰ ὦτα τοῦ λαοῦ ἐν οἴκῳ Κυρίου ἐν ἡμέρᾳ νηστείασ, καὶ ἐν ὠσὶ παντὸσ Ἰούδα τῶν ἐρχομένων ἐκ πόλεων αὐτῶν ἀναγνώσῃ αὐτοῖσ. ἴσωσ πεσεῖται ἔλεοσ αὐτῶν κατὰ πρόσωπον Κυρίου, καὶ ἀποστρέψουσιν ἐκ τῆσ ὁδοῦ αὐτῶν τῆσ πονηρᾶσ, ὅτι μέγασ ὁ θυμὸσ καὶ ἡ ὀργὴ Κυρίου, ἣν ἐλάλησεν ἐπὶ τὸν λαὸν τοῦτον. καὶ ἐποίησε Βαροὺχ κατὰ πάντα, ἃ ἐνετείλατο αὐτῷ Ἱερεμίασ, τοῦ ἀναγνῶναι ἐν τῷ βιβλίῳ τοὺσ λόγουσ Κυρίου ἐν οἴκῳ Κυρίου. καὶ ἐγενήθη ἐν τῷ ἔτει τῷ ὀγδόῳ τῷ βασιλεῖ Ἰωακεὶμ ἐν τῷ μηνὶ τῷ ἐνάτῳ, ἐξεκκλησίασαν νηστείαν κατὰ πρόσωπον Κυρίου πᾶσ ὁ λαὸσ ἐν Ἱερουσαλὴμ καὶ οἶκοσ Ἰούδα. καὶ ἀνεγίνωσκε Βαροὺχ ἐν τῷ βιβλίῳ τοὺσ λόγουσ Ἱερεμίου ἐν οἴκῳ Κυρίου, ἐν οἴκῳ Γαμαρίου, υἱοῦ Σαφὰν τοῦ γραμματέωσ, ἐν τῇ αὐλῇ τῇ ἐπάνω ἐν προθύροισ πύλησ τοῦ οἴκου Κυρίου τῆσ καινῆσ καὶ ἐν ὠσὶ παντὸσ τοῦ λαοῦ. καὶ ἤκουσε Μιχαίασ υἱὸσ Γαμαρίου υἱοῦ Σαφὰν ἅπαντασ τοὺσ λόγουσ Κυρίου ἐκ τοῦ βιβλίου. καὶ κατέβη εἰσ οἰκίαν τοῦ βασιλέωσ, εἰσ τὸν οἶκον τοῦ γραμματέωσ, καὶ ἰδοὺ ἐκεῖ πάντεσ οἱ ἄρχοντεσ ἐκάθηντο, Ἐλισαμὰ ὁ γραμματεὺσ καὶ Δαλαίασ υἱὸσ Σελεμίου καὶ Ἐλνάθαν υἱὸσ Ἀκχοβὼρ καὶ Γαμαρίασ υἱὸσ Σαφὰν καὶ Σεδεκίασ υἱὸσ Ἀνανίου καὶ πάντεσ οἱ ἄρχοντεσ, καὶ ἀνήγγειλεν αὐτοῖσ Μιχαίασ πάντασ τοὺσ λόγουσ, οὓσ ἤκουσεν ἀναγινώσκοντοσ Βαροὺχ εἰσ τὰ ὦτα τοῦ λαοῦ. καὶ ἀπέστειλαν πάντεσ οἱ ἄρχοντεσ πρὸσ Βαροὺχ υἱὸν Νηρίου τὸν Ἰουδὶν υἱὸν Ναθανίου, υἱοῦ Σελεμίου, υἱοῦ Χουσί, λέγοντεσ. τὸ χαρτίον, ἐν ᾧ σὺ ἀναγινώσκεισ ἐν αὐτῷ ἐν ὠσὶ τοῦ λαοῦ, λάβε αὐτὸ εἰσ τὴν χεῖρά σου καὶ ἧκε. καὶ ἔλαβε Βαροὺχ τὸ χαρτίον καὶ κατέβη πρὸσ αὐτούσ. καὶ εἶπαν αὐτῷ. πάλιν ἀνάγνωθι εἰσ τὰ ὦτα ἡμῶν. καὶ ἀνέγνω Βαρούχ. καὶ ἐγενήθη ὡσ ἤκουσαν πάντασ τοὺσ λόγουσ, συνεβουλεύσαντο ἕκαστοσ πρὸσ τὸν πλησίον αὐτοῦ καὶ εἶπον. ἀναγγέλλοντεσ ἀναγγείλωμεν τῷ βασιλεῖ ἅπαντασ τοὺσ λόγουσ τούτουσ. καὶ τὸν Βαροὺχ ἠρώτησαν λέγοντεσ. πόθεν ἔγραψασ πάντασ τοὺσ λόγουσ τούτουσ̣ καὶ εἶπε Βαρούχ. ἀπὸ στόματοσ αὐτοῦ ἀνήγγειλέ μοι Ἱερεμίασ πάντασ τοὺσ λόγουσ τούτουσ, καὶ ἔγραφον ἐν βιβλίῳ. καὶ εἶπον τῷ Βαρούχ. βάδισον καὶ κατακρύβηθι σὺ καὶ Ἱερεμίασ. ἄνθρωποσ μὴ γνώτω ποῦ ὑμεῖσ. καὶ εἰσῆλθον πρὸσ τὸν βασιλέα εἰσ τὴν αὐλήν, καὶ τὸ χαρτίον ἔδωκαν φυλάσσειν ἐν οἴκῳ Ἐλισαμά, καὶ ἀνήγγειλαν τῷ βασιλεῖ πάντασ τοὺσ λόγουσ τούτουσ. καὶ ἀπέστειλεν ὁ βασιλεὺσ τὸν Ἰουδὶν λαβεῖν τὸ χαρτίον, καὶ ἔλαβεν αὐτὸ ἐξ οἴκου Ἐλισαμά. καὶ ἀνέγνω Ἰουδὶν εἰσ τὰ ὦτα τοῦ βασιλέωσ καὶ εἰσ τὰ ὦτα πάντων τῶν ἀρχόντων τῶν ἑστηκότων περὶ τὸν βασιλέα. καὶ ὁ βασιλεὺσ ἐκάθητο ἐν οἴκῳ χειμερινῷ καὶ ἐσχάρα πυρὸσ κατὰ πρόσωπον αὐτοῦ. καὶ ἐγενήθη ἀναγινώσκοντοσ Ἰουδὶν τρεῖσ σελίδασ καὶ τέσσαρασ, ἀπέτεμεν αὐτὰσ τῷ ξυρῷ τοῦ γραμματέωσ καὶ ἔρριπτεν εἰσ τὸ πῦρ τὸ ἐπὶ τῆσ ἐσχάρασ, ἕωσ ἐξέλιπε πᾶσ ὁ χάρτησ εἰσ τὸ πῦρ τὸ ἐπὶ τῆσ ἐσχάρασ. καὶ οὐκ ἐζήτησαν καὶ οὐ διέρρηξαν τὰ ἱμάτια αὐτῶν ὁ βασιλεὺσ καὶ οἱ παῖδεσ αὐτοῦ οἱ ἀκούοντεσ πάντασ τοὺσ λόγουσ τούτουσ. καὶ Ἐλνάθαν καὶ Γοθολίασ καὶ Γαμαρίασ ὑπέθεντο τῷ βασιλεῖ πρὸσ τὸ μὴ κατακαῦσαι τὸ χαρτίον. καὶ ἐνετείλατο ὁ βασιλεὺσ τῷ Ἱερεμεὴλ υἱῷ τοῦ βασιλέωσ καὶ τῷ Σαραίᾳ υἱῷ Ἐσριὴλ συλλαβεῖν τὸν Βαροὺχ καὶ τὸν Ἱερεμίαν. καὶ κατεκρύβησαν. Καὶ ἐγένετο λόγοσ Κυρίου πρὸσ Ἱερεμίαν μετὰ τὸ κατακαῦσαι τὸν βασιλέα τὸ χαρτίον, πάντασ τοὺσ λόγουσ, οὓσ ἔγραψε Βαροὺχ ἀπὸ στόματοσ Ἱερεμίου λέγων. πάλιν λάβε σὺ χαρτίον ἕτερον καὶ γράψον πάντασ τοὺσ λόγουσ τοὺσ ὄντασ ἐπὶ τοῦ χαρτίου, οὓσ κατέκαυσεν ὁ βασιλεὺσ Ἰωακείμ. καὶ ἐρεῖσ. οὕτωσ εἶπε Κύριοσ. σὺ κατέκαυσασ τὸ χαρτίον τοῦτο λέγων. διατί ἔγραψασ ἐπ’ αὐτῷ λέγων. εἰσπορευόμενοσ εἰσπορεύσεται βασιλεὺσ Βαβυλῶνοσ καὶ ἐξολοθρεύσει τὴν γῆν ταύτην, καὶ ἐκλείψει ἐπ’ αὐτῆσ ἄνθρωποσ καὶ κτήνη̣ διὰ τοῦτο οὕτωσ εἶπε Κύριοσ ἐπὶ Ἰωακεὶμ βασιλέα Ἰούδα. οὐκ ἔσται αὐτῷ καθήμενοσ ἐπὶ θρόνου Δαυίδ, καὶ τὸ θνησιμαῖον αὐτοῦ ἔσται ἐρριμμένον ἐν τῷ καύματι τῆσ ἡμέρασ καὶ ἐν τῷ παγετῷ τῆσ νυκτόσ. καὶ ἐπισκέψομαι ἐπ’ αὐτὸν καὶ ἐπὶ τὸ γένοσ αὐτοῦ καὶ ἐπὶ τοὺσ παῖδασ αὐτοῦ καὶ ἐπάξω ἐπ’ αὐτοὺσ καὶ ἐπὶ τοὺσ κατοικοῦντασ Ἱερουσαλὴμ καὶ ἐπὶ τὴν γῆν Ἰούδα πάντα τὰ κακά, ἃ ἐλάλησα πρὸσ αὐτούσ, καὶ οὐκ ἤκουσαν. καὶ ἔλαβε Βαροὺχ χαρτίον ἕτερον καὶ ἔγραψεν ἐπ’ αὐτῷ ἀπὸ στόματοσ Ἱερεμίου ἅπαντασ τοὺσ λόγουσ τοῦ βιβλίου, οὓσ κατέκαυσεν Ἰωακείμ. καὶ ἔτι προσετέθησαν αὐτῷ λόγοι πλείονεσ ὡσ οὗτοι.

목록

SEARCH

MENU NAVIGATION