Septuagint, Liber Proverbiorum 26:

(70인역 성경, 잠언 26:)

ΩΣΠΕΡ δρόσοσ ἐν ἀμήτῳ καὶ ὥσπερ ὑετὸσ ἐν θέρει, οὕτωσ οὐκ ἔστιν ἄφρονι τιμή. ὥσπερ ὄρνεα πέταται καὶ στρουθοί, οὕτωσ ἀρὰ ματαία οὐκ ἐπελεύσεται οὐδενί. ὥσπερ μάστιξ ἵππῳ καὶ κέντρον ὄνῳ, οὕτωσ ράβδοσ ἔθνει παρανόμῳ. μὴ ἀποκρίνου ἄφρονι πρὸσ τὴν ἐκείνου ἀφροσύνην, ἵνα μὴ ὅμοιοσ γένῃ αὐτῷ. ἀλλὰ ἀποκρίνου ἄφρονι κατὰ τὴν ἀφροσύνην αὐτοῦ, ἵνα μὴ φαίνηται σοφόσ παῤ ἑαυτῷ. ἐκ τῶν ὁδῶν ἑαυτοῦ ὄνειδοσ ποιεῖται ὁ ἀποστείλασ δἰ ἀγγέλου ἄφρονοσ λόγον. ἀφελοῦ πορείαν σκελῶν καὶ παρανομίαν ἐκ στόματοσ ἀφρόνων. ὃσ ἀποδεσμεύει λίθον ἐν σφενδόνῃ, ὅμοιόσ ἐστι τῷ διδόντι ἄφρονι δόξαν. ἄκανθαι φύονται ἐν χειρὶ μεθύσου, δουλεία δὲ ἐν χειρὶ τῶν ἀφρόνων. πολλὰ χειμάζεται πᾶσα σάρξ ἀφρόνων. συντρίβεται γὰρ ἡ ἔκστασισ αὐτῶν. ὥσπερ κύων ὅταν ἐπέλθῃ ἐπὶ τὸν ἑαυτοῦ ἔμετον καὶ μισητὸσ γένηται, οὕτωσ ἄφρων τῇ ἑαυτοῦ κακίᾳ ἀναστρέψασ ἐπὶ τὴν ἑαυτοῦ ἁμαρτίαν. α ἔστιν αἰσχύνη ἐπάγουσα ἁμαρτίαν, καί ἐστιν αἰσχύνη δόξα καὶ χάρισ. εἶδον ἄνδρα δόξαντα παῤ αὑτῷ σοφὸν εἶναι, ἐλπίδα μέντοι ἔσχε μᾶλλον ἄφρων αὐτοῦ. λέγει ὀκνηρὸσ ἀποστελλόμενοσ εἰσ ὁδόν. λέων ἐν ταῖσ ὁδοῖσ, ἐν δὲ ταῖσ πλατείαισ φονευταί. ὥσπερ θύρα στρέφεται ἐπὶ τοῦ στρόφιγγοσ, οὕτωσ ὀκνηρὸσ ἐπὶ τῆσ κλίνησ αὐτοῦ. κρύψασ ὀκνηρὸσ τὴν χεῖρα ἐν τῷ κόλπῳ αὐτοῦ, οὐ δυνήσεται ἐπενεγκεῖν ἐπὶ στόμα. σοφώτεροσ ἑαυτῷ ὀκνηρὸσ φαίνεται τοῦ ἐν πλησμονῇ ἀποκομίζοντοσ ἀγγελίαν. ὥσπερ ὁ κρατῶν κέρκου κυνόσ, οὕτωσ ὁ προεστὼσ ἀλλοτρίασ κρίσεωσ. ὥσπερ οἱ ἰώμενοι προβάλλουσι λόγουσ εἰσ ἀνθρώπουσ, ὁ δὲ ἀπαντήσασ τῷ λόγῳ πρῶτοσ ὑποσκελισθήσεται, οὕτωσ πάντεσ οἱ ἐνεδρεύοντεσ τοὺσ ἑαυτῶν φίλουσ, ὅταν δὲ ὁραθῶσι, λέγουσι ὅτι παίζων ἔπραξα. ἐν πολλοῖσ ξύλοισ θάλλει πῦρ, ὅπου δὲ οὐκ ἔστι δίθυμοσ, ἡσυχάζει μάχη. ἐσχάρα ἄνθραξι καὶ ξύλα πυρί, ἀνὴρ δὲ λοίδοροσ εἰσ ταραχὴν μάχησ. λόγοι κερκώπων μαλακοί, οὗτοι δὲ τύπτουσιν εἰσ ταμιεῖα σπλάγχνων. ἀργύριον διδόμενον μετὰ δόλου, ὥσπερ ὄστρακον ἡγητέον. χείλη λεῖα καρδίαν καλύπτει λυπηράν. χείλεσι πάντα ἐπινεύει ἀποκλαιόμενοσ ἐχθρόσ, ἐν δὲ τῇ καρδίᾳ τεκταίνεται δόλουσ. ἐάν σου δέηται ὁ ἐχθρὸσ μεγάλῃ τῇ φωνῇ, μὴ πεισθῆσ, ἑπτὰ γάρ εἰσι πονηρίαι ἐν τῇ ψυχῇ αὐτοῦ. ὁ κρύπτων ἔχθραν συνίστησι δόλον, ἐκκαλύπτει δὲ τὰσ ἑαυτοῦ ἁμαρτίασ εὔγνωστοσ ἐν συνεδρίοισ. ὁ ὀρύσσων βόθρον τῷ πλησίον ἐμπεσεῖται εἰσ αὐτόν, ὁ δὲ κυλίων λίθον ἐφ̓ ἑαυτὸν κυλίει. γλῶσσα ψευδὴσ μισεῖ ἀλήθειαν, στόμα δὲ ἄστεγον ποιεῖ ἀκαταστασίασ.

목록

일치하는 문장이 없습니다.

SEARCH

MENU NAVIGATION