Septuagint, Liber Psalmorum 37:

(70인역 성경, 시편 37:)

Ψαλμὸσ τῷ Δαυί̈δ. εἰσ ἀνάμνησιν περὶ τοῦ σαββάτου. ‐ ΚΥΡΙΕ, μὴ τῷ θυμῷ σου ἐλέγξῃσ με, μηδὲ τῇ ὀργῇ σου παιδεύσῃσ με. ὅτι τὰ βέλη σου ἐνεπάγησάν μοι, καὶ ἐπεστήριξασ ἐπ̓ ἐμὲ τὴν χεῖρά σου. οὐκ ἔστιν ἴασισ ἐν τῇ σαρκί μου ἀπὸ προσώπου τῆσ ὀργῆσ σου, οὐκ ἔστιν εἰρήνη ἐν τοῖσ ὀστέοισ μου ἀπὸ προσώπου τῶν ἁμαρτιῶν μου. ὅτι αἱ ἀνομίαι μου ὑπερῇραν τὴν κεφαλήν μου, ὡσεὶ φορτίον βαρὺ ἐβαρύνθησαν ἐπ̓ ἐμέ. προσώζεσαν καὶ ἐσάπησαν οἱ μώλωπέσ μου ἀπὸ προσώπου τῆσ ἀφροσύνησ μου. ἐταλαιπώρησα καὶ κατεκάμφθην ἕωσ τέλουσ, ὅλην τὴν ἡμέραν σκυθρωπάζων ἐπορευόμην. ὅτι αἱ ψόαι μου ἐπλήσθησαν ἐμπαιγμάτων, καὶ οὐκ ἔστιν ἴασισ ἐν τῇ σαρκί μου. ἐκακώθην καὶ ἐταπεινώθην ἕωσ σφόδρα, ὠρυόμην ἀπὸ στεναγμοῦ τῆσ καρδίασ μου. Κύριε, ἐναντίον σου πᾶσα ἡ ἐπιθυμία μου, καὶ ὁ στεναγμόσ μου ἀπὸ σοῦ οὐκ ἀπεκρύβη. ἡ καρδία μου ἐταράχθη, ἐγκατέλιπέ με ἡ ἰσχύσ μου, καὶ τὸ φῶσ τῶν ὀφθαλμῶν μου, καὶ αὐτὸ οὐκ ἔστι μετ̓ ἐμοῦ. οἱ φίλοι μου καὶ οἱ πλησίον μου ἐξ ἐναντίασ μου ἤγγισαν καὶ ἔστησαν, καὶ οἱ ἔγγιστά μου ἀπὸ μακρόθεν ἔστησαν. καὶ ἐξεβιάζοντο οἱ ζητοῦντεσ τὴν ψυχήν μου, καὶ οἱ ζητοῦντεσ τὰ κακά μοι ἐλάλησαν ματαιότητασ, καὶ δολιότητασ ὅλην τὴν ἡμέραν ἐμελέτησαν. ἐγὼ δὲ ὡσεὶ κωφὸσ οὐκ ἤκουον καὶ ὡσεὶ ἄλαλοσ οὐκ ἀνοίγων τὸ στόμα αὐτοῦ. καὶ ἐγενόμην ὡσεὶ ἄνθρωποσ οὐκ ἀκούων καὶ οὐκ ἔχων ἐν τῷ στόματι αὐτοῦ ἐλεγμούσ. ὅτι ἐπὶ σοί, Κύριε, ἤλπισα. σὺ εἰκακούσῃ, Κύριε ὁ Θεόσ μου. ὅτι εἶπα. μήποτε ἐπιχαρῶσί μοι οἱ ἐχθροί μου. καὶ ἐν τῷ σαλευθῆναι πόδασ μου ἐπ̓ ἐμὲ ἐμεγαλοῤῥημόνησαν. ὅτι ἐγὼ εἰσ μάστιγασ ἕτοιμοσ, καὶ ἡ ἀλγηδών μου ἐνώπιόν μού ἐστι διαπαντόσ. ὅτι τὴν ἀνομίαν μου ἐγὼ ἀναγγελῶ καὶ μεριμνήσω ὑπὲρ τῆσ ἁμαρτίασ μου. οἱ δὲ ἐχθροί μου ζῶσι καὶ κεκραταίωνται ὑπὲρ ἐμέ, καὶ ἐπληθύνθησαν οἱ μισοῦντέσ με ἀδίκωσ. οἱ ἀνταποδιδόντεσ μοι κακὰ ἀντὶ ἀγαθῶν ἐνδιέβαλλόν με, ἐπεὶ κατεδίωκον ἀγαθωσύνην. μὴ ἐγκαταλίπῃσ με, Κύριε. ὁ Θεόσ μου, μὴ ἀποστῇσ ἀπ̓ ἐμοῦ. πρόσχεσ εἰσ τὴν βοήθειάν μου, Κύριε τῆσ σωτηρίασ μου.

목록

SEARCH

MENU NAVIGATION