Septuagint, Liber Esther 2:

(70인역 성경, 에스테르기 2:)

ΚΑΙ μετὰ τοὺσ λόγουσ τούτουσ ἐκόπασεν ὁ βασιλεὺσ τοῦ θυμοῦ καὶ οὐκέτι ἐμνήσθη τῆσ Ἀστίν, μνημονεύων οἷα ἐλάλησε καὶ ὡσ κατέκρινεν αὐτήν. καὶ εἶπαν οἱ διάκονοι τοῦ βασιλέωσ. ζητηθήτω τῷ βασιλεῖ κοράσια ἄφθορα καλὰ τῷ εἴδει. καὶ καταστήσει ὁ βασιλεὺσ κωμάρχασ ἐν πάσαισ ταῖσ χώραισ τῆσ βασιλείασ αὐτοῦ, καὶ ἐπιλεξάτωσαν κοράσια παρθενικὰ καλὰ τῷ εἴδει εἰσ Σοῦσαν τὴν πόλιν εἰσ τὸν γυναικῶνα. καὶ παραδοθήτωσαν τῷ εὐνούχῳ τοῦ βασιλέωσ τῷ φύλακι τῶν γυναικῶν, καὶ δοθήτω σμῆγμα καὶ ἡ λοιπὴ ἐπιμέλεια. καὶ ἡ γυνή, ἣ ἂν ἀρέσῃ τῷ βασιλεῖ, βασιλεύσει ἀντὶ Ἀστίν. καὶ ἤρεσε τῷ βασιλεῖ τὸ πρᾶγμα, καὶ ἐποίησεν οὕτωσ. καὶ ἄνθρωποσ ἦν Ἰουδαῖοσ ἐν Σούσοισ τῇ πόλει, καὶ ὄνομα αὐτοῦ Μαρδοχαῖοσ ὁ τοῦ Ἰαί̈ρου, τοῦ Σεμεί̈ου, τοῦ Κισσαίου, ἐκ φυλῆσ Βενιαμίν, ὃσ ἦν αἰχμάλωτοσ ἐξ Ἱερουσαλήμ, ἣν ᾐχμαλώτευσε Ναβουχοδονόσορ βασιλεὺσ Βαβυλῶνοσ. καὶ ἦν τούτῳ παῖσ θρεπτή, θυγάτηρ Ἀμιναδὰβ ἀδελφοῦ πατρὸσ αὐτοῦ, καὶ ὄνομα αὐτῇ Ἐσθήρ. ἐν δὲ τῷ μεταλλάξαι αὐτῆσ τοὺσ γονεῖσ ἐπαίδευσεν αὐτὴν ἑαυτῷ εἰσ γυναῖκα. καὶ ἦν τὸ κοράσιον καλὸν τῷ εἴδει. καὶ ὅτε ἠκούσθη τὸ τοῦ βασιλέωσ πρόσταγμα, συνήχθησαν πολλὰ κοράσια εἰσ Σοῦσαν τὴν πόλιν ὑπὸ χεῖρα Γαί̈, καὶ ἤχθη Ἐσθὴρ πρὸσ Γαί̈ τὸν φύλακα τῶν γυναικῶν. καὶ ἤρεσεν αὐτῷ τὸ κοράσιον καὶ εὗρε χάριν ἐνώπιον αὐτοῦ. καὶ ἔσπευσε δοῦναι αὐτῇ τὸ σμῆγμα καὶ τὴν μερίδα καὶ τὰ ἑπτὰ κοράσια τὰ ὑποδεδειγμένα αὐτῇ ἐκ βασιλικοῦ καὶ ἐχρήσατο αὐτῇ καλῶσ καὶ ταῖσ ἅβραισ αὐτῆσ ἐν τῷ γυναικῶνι. καὶ οὐχ ὑπέδειξε Ἐσθὴρ τὸ γένοσ αὐτῆσ οὐδὲ τὴν πατρίδα. ὁ γὰρ Μαρδοχαῖοσ ἐνετείλατο αὐτῇ μὴ ἀπαγγεῖλαι. καθ’ ἑκάστην δὲ ἡμέραν περιεπάτει ὁ Μαρδοχαῖοσ κατὰ τὴν αὐλὴν τὴν γυναικείαν ἐπισκοπῶν τί Ἐσθὴρ συμβήσεται. οὗτοσ δὲ ἦν καιρὸσ κορασίου εἰσελθεῖν πρὸσ τὸν βασιλέα, ὅταν ἀναπληρώσῃ μῆνασ δεκαδύο. οὕτωσ γὰρ αναπληροῦνται αἱ ἡμέραι τῆσ θεραπείασ, μῆνασ ἓξ ἀλειφόμεναι ἐν σμυρνίνῳ ἐλαίῳ καὶ μῆνασ ἓξ ἐν τοῖσ ἀρώμασι καὶ ἐν τοῖσ σμήγμασι τῶν γυναικῶν, καὶ τότε εἰσπορεύεται πρὸσ τὸν βασιλέα. καὶ ᾧ ἐὰν εἴπῃ, παραδώσει αὐτὴν συνεισέρχεσθαι αὐτῷ ἀπὸ τοῦ γυναικῶνοσ ἕωσ τῶν βασιλείων. δείλησ εἰσπορεύεται καὶ πρὸσ ἡμέραν ἀποτρέχει εἰσ τὸν γυναικῶνα τὸν δεύτερον, οὗ Γαί̈ ὁ εὐνοῦχοσ τοῦ βασιλέωσ ὁ φύλαξ τῶν γυναικῶν, καὶ οὐκέτι εἰσπορεύεται πρὸσ τὸν βασιλέα, ἐὰν μὴ κληθῇ ὀνόματι. ἐν δὲ τῷ ἀναπληροῦσθαι τὸν χρόνον Ἐσθὴρ τῆσ θυγατρὸσ Ἀμιναδὰβ ἀδελφοῦ πατρὸσ Μαρδοχαίου εἰσελθεῖν πρὸσ τὸν βασιλέα οὐδὲν ἠθέτησεν, ὧν ἐνετείλατο ὁ εὐνοῦχοσ ὁ φύλαξ τῶν γυναικῶν. ἦν γὰρ Ἐσθὴρ εὑρίσκουσα χάριν παρὰ πάντων τῶν βλεπόντων αὐτήν. καὶ εἰσῆλθεν Ἐσθὴρ πρὸσ Ἀρταξέρξην τὸν βασιλέα τῷ δωδεκάτῳ μηνί, ὅσ ἐστιν Ἀδάρ, τῷ ἑβδόμῳ ἔτει τῆσ βασιλείασ αὐτοῦ. καὶ ἠράσθη ὁ βασιλεὺσ Ἐσθήρ, καὶ εὗρε χάριν παρὰ πάσασ τὰσ παρθένουσ, καὶ ἐπέθηκεν αὐτῇ τὸ διάδημα τὸ γυναικεῖον. καὶ ἐποίησεν ὁ βασιλεὺσ πότον πᾶσι τοῖσ φίλοισ αὐτοῦ καὶ ταῖσ δυνάμεσιν ἐπὶ ἡμέρασ ἑπτὰ καὶ ὕψωσε τοὺσ γάμουσ Ἐσθὴρ καὶ ἄφεσιν ἐποίησε τοῖσ ὑπὸ τὴν βασιλείαν αὐτοῦ. ὁ δὲ Μαρδοχαῖοσ ἐθεράπευεν ἐν τῇ αὐλῇ. ἡ δὲ Ἐσθὴρ οὐχ ὑπέδειξε τὴν πατρίδα αὐτῆσ. οὕτωσ γὰρ ἐνετείλατο αὐτῇ Μαρδοχαῖοσ, φοβεῖσθαι τὸν Θεὸν καὶ ποιεῖν τὰ προστάγματα αὐτοῦ, καθὼσ ἦν μετ̓ αὐτοῦ καὶ Ἐσθὴρ οὐ μετήλλαξε τὴν ἀγωγὴν αὐτῆσ. Καὶ ἐλυπήθησαν οἱ δύο εὐνοῦχοι τοῦ βασιλέωσ, οἱ ἀρχισωματοφύλακεσ, ὅτι προήχθη Μαρδοχαῖοσ, καὶ ἐζήτουν ἀποκτεῖναι Ἀρταξέρξην τὸν βασιλέα. καὶ ἐδηλώθη Μαρδοχαίῳ ὁ λόγοσ, καὶ ἐσήμανεν Ἐσθήρ, καὶ αὐτὴ ἐνεφάνισε τῷ βασιλεῖ τὰ τῆσ ἐπιβουλῆς ὁ δὲ βασιλεὺσ ἤτασε τοὺσ δύο εὐνούχουσ καὶ ἐκρέμασεν αὐτούσ. καὶ προσέταξεν ὁ βασιλεὺσ καταχωρίσαι εἰσ μνημόσυνον ἐν τῇ βασιλικῇ βιβλιοθήκῃ ὑπὲρ τῆσ εὐνοίασ Μαρδοχαίου ἐν ἐγκωμίῳ.

목록

일치하는 문장이 없습니다.

SEARCH

MENU NAVIGATION