Septuagint, Liber I Paralipomenon 19:

(70인역 성경, 역대기 상권 19:)

ΚΑΙ ἐγένετο μετὰ ταῦτα ἀπέθανε Ναὰσ βασιλεὺσ υἱῶν Ἀμμών, καὶ ἐβασίλευσεν Ἀνὰν υἱὸσ αὐτοῦ ἀντ̓ αὐτοῦ. καὶ εἶπε Δαυίδ. ποιήσω ἔλεοσ μετὰ Ἀνὰν υἱοῦ Ναάσ, ὡσ ἐποίησεν ὁ πατὴρ αὐτοῦ μετ̓ ἐμοῦ ἔλεοσ. καὶ ἀπέστειλεν ἀγγέλουσ Δαυὶδ τοῦ παρακαλέσαι αὐτὸν περὶ τοῦ πατρὸσ αὐτοῦ. καὶ ἦλθον παῖδεσ Δαυὶδ εἰσ γῆν υἱῶν Ἀμμὼν πρὸσ Ἀνὰν τοῦ παρακαλέσαι αὐτόν. καὶ εἶπον ἄρχοντεσ υἱῶν Ἀμμὼν πρὸσ Ἀνάν. μὴ δοξάζων Δαυὶδ τὸν πατέρα σου ἐναντίον σου ἀπέστειλέ σοι παρακαλοῦντασ̣ οὐχὶ ὅπωσ ἐξερευνήσωσι τὴν πόλιν καὶ τοῦ κατασκοπῆσαι τὴν γῆν ἦλθον παῖδεσ αὐτοῦ πρόσ σε̣ καὶ ἔλαβεν Ἀνὰν τοὺσ παῖδασ Δαυὶδ καὶ ἐξύρησεν αὐτοὺσ καὶ ἀφεῖλε τῶν μανδυῶν αὐτῶν τὸ ἥμισυ ἕωσ τῆσ ἀναβολῆσ καὶ ἀπέστειλεν αὐτούσ. καὶ ἦλθον ἀπαγγεῖλαι τῷ Δαυὶδ περὶ τῶν ἀνδρῶν, καὶ ἀπέστειλεν εἰσ ἀπάντησιν αὐτοῖσ, ὅτι ἦσαν ἠτιμωμένοι σφόδρα. καὶ εἶπεν ὁ βασιλεύσ. καθίσατε ἐν Ἱεριχὼ ἕωσ τοῦ ἀνατεῖλαι τοὺσ πώγωνασ ὑμῶν καὶ ἀνακάμψατε. καὶ εἶδον οἱ υἱοὶ Ἀμμὼν ὅτι ᾐσχύνθη λαὸσ Δαυίδ, καὶ ἀπέστειλεν Ἀνὰν καὶ υἱοὶ Ἀμμὼν χίλια τάλαντα ἀργυρίου τοῦ μισθώσασθαι ἑαυτοῖσ ἐκ Συρίασ Μεσοποταμίασ καὶ ἐκ Συρίασ Μοοχὰ καὶ παρὰ Σωβὰ ἅρματα καὶ ἱππεῖσ. καὶ ἐμισθώσαντο ἑαυτοῖσ δύο καὶ τριάκοντα χιλιάδασ ἁρμάτων καὶ τὸν βασιλέα Μοοχὰ καὶ τὸν λαὸν αὐτοῦ καὶ ἦλθον καὶ παρενέβαλον κατέναντι Μαιδαβά, καὶ οἱ υἱοὶ Ἀμμὼν συνήχθησαν ἐκ τῶν πόλεων αὐτῶν καὶ ἦλθον εἰσ τὸ πολεμῆσαι. καὶ ἤκουσε Δαυὶδ καὶ ἀπέστειλε τὸν Ἰωὰβ καὶ πᾶσαν τὴν στρατιὰν τῶν δυνατῶν. καὶ ἐξῆλθον οἱ υἱοὶ Ἀμμὼν καὶ παρατάσσονται εἰσ πόλεμον παρὰ τὸν πυλῶνα τῆσ πόλεωσ, καὶ οἱ βασιλεῖσ οἱ ἐλθόντεσ παρενέβαλον καθ̓ ἑαυτοὺσ ἐν τῷ πεδίῳ. καὶ εἶδεν Ἰωὰβ ὅτι γεγόνασιν ἀντιπρόσωποι τοῦ πολεμεῖν πρὸσ αὐτὸν κατὰ πρόσωπον καὶ ἐξόπισθεν, καὶ ἐξελέξατο ἐκ παντὸσ νεανίου ἐξ Ἰσραήλ, καὶ παρετάξαντο ἐναντίον τοῦ Σύρου. καὶ τὸ κατάλοιπον τοῦ λαοῦ ἔδωκεν ἐν χειρὶ Ἀβεσσὰ ἀδελφοῦ αὐτοῦ, καὶ παρετάξαντο ἐξεναντίασ υἱῶν Ἀμμών. καὶ εἶπεν. ἐὰν κρατήσῃ ὑπὲρ ἐμὲ ὁ Σύροσ, καὶ ἔσῃ μοι εἰσ σωτηρίαν, καὶ ἐὰν οἱ υἱοὶ Ἀμμὼν κρατήσωσιν ὑπὲρ σέ, καὶ σώσω σε. ἀνδρίζου καὶ ἐνισχύσωμεν περὶ τοῦ λαοῦ ἡμῶν καὶ περὶ τῶν πόλεων τοῦ Θεοῦ ἡμῶν, καὶ Κύριοσ τὸ ἀγαθὸν ἐν ὀφθαλμοῖσ αὐτοῦ ποιήσει. καὶ παρετάξατο Ἰωὰβ καὶ ὁ λαὸσ ὁ μετ̓ αὐτοῦ κατέναντι Σύρων εἰσ πόλεμον, καὶ ἔφυγον ἀπ̓ αὐτῶν. καὶ οἱ υἱοὶ Ἀμμὼν εἶδον ὅτι ἔφυγον οἱ Σύροι, καὶ ἔφυγον καὶ αὐτοὶ ἀπὸ προσώπου Ἀβεσσὰ καὶ ἀπὸ προσώπου Ἰωὰβ τοῦ ἀδελφοῦ αὐτοῦ καὶ ἦλθον εἰσ τὴν πόλιν. καὶ ἦλθεν Ἰωὰβ εἰσ Ἱερουσαλήμ. καὶ εἶδεν ὁ Σύροσ ὅτι ἐτροπώσατο αὐτὸν Ἰσραήλ, καὶ ἀπέστειλεν ἀγγέλουσ, καὶ ἐξήγαγον τὸν Σύρον ἐκ τοῦ πέραν τοῦ ποταμοῦ, καὶ Σωφὰ ἀρχιστράτηγοσ δυνάμεωσ Ἀδρααζὰρ ἔμπροσθεν αὐτῶν. καὶ ἀπηγγέλη τῷ Δαυίδ, καὶ συνήγαγε τὸν πάντα Ἰσραὴλ καὶ διέβη τὸν Ἰορδάνην καὶ ἦλθεν ἐπ̓ αὐτοὺσ καὶ παρετάξατο ἐπ̓ αὐτούσ, καὶ παρατάσσεται Σύροσ ἐξεναντίασ Δαυὶδ εἰσ πόλεμον καὶ ἐπολέμησαν αὐτόν, καὶ ἔφυγε Σύροσ ἀπὸ προσώπου Ἰσραήλ, καὶ ἀπέκτεινε Δαυὶδ ἀπὸ τοῦ Σύρου ἑπτὰ χιλιάδασ ἁρμάτων καὶ τεσσαράκοντα χιλιάδασ πεζῶν καὶ τὸν Σωφὰ ἀρχιστράτηγον δυνάμεωσ ἀπέκτεινε. καὶ εἶδον παῖδεσ Ἀδρααζὰρ ὅτι ἐπταίκασιν ἀπὸ προσώπου Ἰσραήλ, καὶ διέθεντο μετὰ Δαυὶδ καὶ ἐδούλευσαν αὐτῷ. καὶ οὐκ ἠθέλησε Σύροσ τοῦ βοηθῆσαι τοῖσ υἱοῖσ Ἀμμὼν ἔτι.

목록

일치하는 문장이 없습니다.

SEARCH

MENU NAVIGATION