Septuagint, Liber II Regum 12:

(70인역 성경, 열왕기 하권 12:)

ΥΙΟΣ ἑπτὰ ἐτῶν Ἰωὰσ ἐν τῷ βασιλεύειν αὐτόν. ἐν ἔτει ἑβδόμῳ τῷ Ἰοὺ ἐβασίλευσεν Ἰωὰσ καὶ τεσσαράκοντα ἔτη ἐβασίλευσεν ἐν Ἱερουσαλήμ, καὶ ὄνομα τῆσ μητρὸσ αὐτοῦ Ἀβιὰ ἐκ τῆσ Βηρσαβεέ. καὶ ἐποίησεν Ἰωὰσ τὸ εὐθὲσ ἐνώπιον Κυρίου πάσασ τὰσ ἡμέρασ, ἃσ ἐφώτισεν αὐτὸν Ἰωδαὲ ὁ ἱερεύσ. πλὴν τῶν ὑψηλῶν οὐ μετεστάθησαν, καὶ ἐκεῖ ἔτι ὁ λαὸσ ἐθυσίαζε καὶ ἐθυμίων ἐν τοῖσ ὑψηλοῖσ. καὶ εἶπεν Ἰωὰσ πρὸσ τοὺσ ἱερεῖσ. πᾶν τὸ ἀργύριον τῶν ἁγίων τὸ εἰσοδιαζόμενον ἐν τῷ οἴκῳ Κυρίου, ἀργύριον συντιμήσεωσ, ἀνὴρ ἀργύριον λαβὼν συντιμήσεωσ, πᾶν ἀργύριον, ὃ ἐὰν ἀναβῇ ἐπὶ καρδίαν ἀνδρὸσ ἐνεγκεῖν ἐν οἴκῳ Κυρίου, λαβέτωσαν ἑαυτοῖσ οἱ ἱερεῖσ ἀνὴρ ἀπὸ τῆσ πράσεωσ αὐτῶν καὶ αὐτοὶ κρατήσουσι τὸ βεδὲκ τοῦ οἴκου εἰσ πάντα, οὗ ἐὰν εὑρεθῇ ἐκεῖ βεδέκ. καὶ ἐγενήθη ἐν τῷ εἰκοστῷ καὶ τρίτῳ ἔτει τῷ βασιλεῖ Ἰωὰσ οὐκ ἐκραταίωσαν οἱ ἱερεῖσ τὸ βεδὲκ τοῦ οἴκου. καὶ ἐκάλεσεν Ἰωὰσ ὁ βασιλεὺσ Ἰωδαὲ τὸν ἱερέα καὶ τοὺσ ἱερεῖσ καὶ εἶπε πρὸσ αὐτούσ. τί ὅτι οὐκ ἐκραταιοῦτε τὸ βεδὲκ τοῦ οἴκου̣ καὶ νῦν μὴ λάβητε ἀργύριον ἀπὸ τῶν πράσεων ὑμῶν, ὅτι εἰσ τὸ βεδὲκ τοῦ οἴκου δώσετε αὐτό. καὶ συνεφώνησαν οἱ ἱερεῖσ τοῦ μὴ λαβεῖν ἀργύριον παρὰ τοῦ λαοῦ καὶ τοῦ μὴ ἐνισχῦσαι τὸ βεδὲκ τοῦ οἴκου. καὶ ἔλαβεν Ἰωδαὲ ὁ ἱερεὺσ κιβωτὸν μίαν καὶ ἔτρησε τρώγλην ἐπὶ τῆσ σανίδοσ αὐτῆσ καὶ ἔδωκεν αὐτὴν παρὰ ἀμμαζειβὶ ἐν τῷ οἴκῳ ἀνδρὸσ οἴκου Κυρίου, καὶ ἔδωκαν οἱ ἱερεῖσ οἱ φυλάσσοντεσ τὸν σταθμὸν πᾶν τὸ ἀργύριον τὸ εὑρεθὲν ἐν οἴκῳ Κυρίου. καὶ ἐγένετο ὡσ εἶδον ὅτι πολὺ τὸ ἀργύριον ἐν τῇ κιβωτῷ, καὶ ἀνέβη ὁ γραμματεὺσ τοῦ βασιλέωσ καὶ ὁ ἱερεὺσ ὁ μέγασ καὶ ἔσφιγξαν καὶ ἠρίθμησαν τὸ ἀργύριον τὸ εὑρεθὲν ἐν οἴκῳ Κυρίου. καὶ ἔδωκαν τὸ ἀργύριον τὸ ἑτοιμασθὲν ἐπὶ χεῖρασ ποιούντων τὰ ἔργα τῶν ἐπισκόπων οἴκου Κυρίου, καὶ ἐξέδοσαν τοῖσ τέκτοσι τῶν ξύλων καὶ τοῖσ οἰκοδόμοισ τοῖσ ποιοῦσιν ἐν οἴκῳ Κυρίου καὶ τοῖσ τειχισταῖσ καὶ τοῖσ λατόμοισ τῶν λίθων τοῦ κτήσασθαι ξύλα καὶ λίθουσ λατομητοὺσ τοῦ κατασχεῖν τὸ βεδὲκ οἴκου Κυρίου εἰσ πάντα, ὅσα ἐξωδιάσθη ἐπὶ τὸν οἶκον τοῦ κραταιῶσαι. πλὴν οὐ ποιηθήσονται οἴκῳ Κυρίου θύραι ἀργυραῖ, ἧλοι, φιάλαι καὶ σάλπιγγεσ, πᾶν σκεῦοσ χρυσοῦν καὶ σκεῦοσ ἀργυροῦν, ἐκ τοῦ ἀργυρίου τοῦ εἰσενεχθέντοσ ἐν οἴκῳ Κυρίου, ὅτι τοῖσ ποιοῦσι τὰ ἔργα δώσουσιν αὐτό, καὶ ἐκραταίωσαν ἐν αὐτῷ τὸν οἶκον Κυρίου. καὶ οὐκ ἐξελογίζοντο τοὺσ ἄνδρασ, οἷσ ἐδίδουν τὸ ἀργύριον ἐπὶ χεῖρασ αὐτῶν δοῦναι τοῖσ ποιοῦσι τὰ ἔργα, ὅτι ἐν πίστει αὐτῶν ποιοῦσιν. ἀργύριον περὶ ἁμαρτίασ καὶ ἀργύριον περὶ πλημμελείασ, ὅ,τι εἰσηνέχθη ἐν οἴκῳ Κυρίου, τοῖσ ἱερεῦσιν ἐγένετο. Τότε ἀνέβη Ἀζαὴλ βασιλεὺσ Συρίασ καὶ ἐπολέμησεν ἐπὶ Γὲθ καὶ προκατελάβετο αὐτήν. καὶ ἔταξεν Ἀζαὴλ τὸ πρόσωπον αὐτοῦ ἀναβῆναι ἐπὶ Ἱερουσαλήμ. καὶ ἔλαβεν Ἰωὰσ βασιλεὺσ Ἰούδα πάντα τὰ ἅγια, ὅσα ἡγίασεν Ἰωσαφὰτ καὶ Ἰωρὰμ καὶ Ὀχοζίασ οἱ πατέρεσ αὐτοῦ καὶ βασιλεῖσ Ἰούδα, καὶ τὰ ἅγια αὐτοῦ καὶ πᾶν τὸ χρυσίον τὸ εὑρεθὲν ἐν θησαυροῖσ οἴκου Κυρίου καὶ οἴκου τοῦ βασιλέωσ καὶ ἀπέστειλε τῷ Ἀζαὴλ βασιλεῖ Συρίασ, καὶ ἀνέβη ἀπὸ Ἱερουσαλήμ. καὶ τὰ λοιπὰ τῶν λόγων Ἰωὰσ καὶ πάντα, ὅσα ἐποίησεν, οὐκ ἰδοὺ ταῦτα πάντα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἀνέστησαν οἱ δοῦλοι αὐτοῦ καὶ ἔδησαν πάντα σύνδεσμον καὶ ἐπάταξαν τὸν Ἰωὰσ ἐν οἴκῳ Μαλλὼ τῷ ἐν Γααλὰ καὶ Ἰεζιχὰρ υἱὸσ Ἰεμουὰθ καὶ Ἰεζεβοὺθ ὁ υἱὸσ αὐτοῦ Σωμὴρ οἱ δοῦλοι αὐτοῦ ἐπάταξαν αὐτόν, καὶ ἀπέθανε. καὶ ἔθαψαν αὐτὸν μετὰ τῶν πατέρων αὐτοῦ ἐν πόλει Δαυίδ, καὶ ἐβασίλευσεν Ἀμεσσίασ υἱὸσ αὐτοῦ ἀντ̓ αὐτοῦ.

목록

일치하는 문장이 없습니다.

SEARCH

MENU NAVIGATION