헬라어 문장 검색 - Σεπτύ011́011́

(70인역 성경, 열왕기 상권 11:)

ΚΑΙ ὁ βασιλεὺσ Σαλωμὼν ἦν φιλογύνησ. καὶ ἦσαν αὐτῷ γυναῖκεσ ἄρχουσαι ἑπτακόσιαι καὶ παλλακαὶ τριακόσιαι. καὶ ἔλαβε γυναῖκασ ἀλλοτρίασ καὶ τὴν θυγατέρα Φαραώ, Μωαβίτιδασ, Ἀμμανίτιδασ, Σύρασ καὶ Ἰδουμαίασ, Χετταίασ καὶ Ἀμορραίασ, ἐκ τῶν ἐθνῶν, ὧν ἀπεῖπε Κύριοσ τοῖσ υἱοῖσ Ἰσραήλ. οὐκ εἰσελεύσεσθε εἰσ αὐτούσ, καὶ αὐτοὶ οὐκ εἰσελεύσονται εἰσ ὑμᾶσ, μὴ ἐκκλίνωσι τὰσ καρδίασ ὑμῶν ὀπίσω εἰδώλων αὐτῶν. εἰσ αὐτοὺσ ἐκολλήθη Σαλωμὼν τοῦ ἀγαπῆσαι. καὶ ἐγενήθη ἐν καιρῷ γήρουσ Σαλωμὼν καὶ οὐκ ἦν ἡ καρδία αὐτοῦ τελεία μετὰ Κυρίου Θεοῦ αὐτοῦ, καθὼσ ἡ καρδία Δαυὶδ τοῦ πατρὸσ αὐτοῦ, καὶ ἐξέκλιναν γυναῖκεσ αἱ ἀλλότριαι τὴν καρδίαν αὐτοῦ ὀπίσω θεῶν αὐτῶν. τότε ᾠκοδόμησε Σαλωμὼν ὑψηλὸν τῷ Χαμώσ, εἰδώλῳ Μωὰβ καὶ τῷ βασιλεῖ αὐτῶν εἰδώλῳ υἱῶν Ἀμμὼν καὶ τῇ Ἀστάρτῃ βδελύγματι Σιδωνίων, καὶ οὕτωσ ἐποίησε πάσαισ ταῖσ γυναιξὶν αὐτοῦ ταῖσ ἀλλοτρίαισ, αἳ ἐθυμίων καὶ ἔθυον τοῖσ εἰδώλοισ αὐτῶν. καὶ ἐποίησε Σαλωμὼν τὸ πονηρὸν ἐνώπιον Κυρίου. οὐκ ἐπορεύθη ὀπίσω Κυρίου ὡσ Δαυὶδ ὁ πατὴρ αὐτοῦ. καὶ ὠργίσθη Κύριοσ ἐπὶ Σαλωμών, ὅτι ἐξέκλινε καρδίαν αὐτοῦ ἀπὸ Κυρίου Θεοῦ Ἰσραὴλ τοῦ ὀφθέντοσ αὐτῷ δὶς καὶ ἐντειλαμένου αὐτῷ ὑπὲρ τοῦ λόγου τούτου, τὸ παράπαν μὴ πορευθῆναι ὀπίσω θεῶν ἑτέρων καὶ φυλάξασθαι ποιῆσαι, ἃ ἐνετείλατο αὐτῷ Κύριοσ ὁ Θεόσ, οὐδ̓ ἦν ἡ καρδία αὐτοῦ τελεία μετὰ Κυρίου κατὰ τὴν καρδίαν Δαυὶδ τοῦ πατρὸσ αὐτοῦ. καὶ εἶπε Κύριοσ πρὸσ Σαλωμών. ἀνθ̓ ὧν ἐγένετο ταῦτα μετὰ σοῦ καὶ οὐκ ἐφύλαξασ τὰσ ἐντολάσ μου καὶ τὰ προστάγματά μου, ἃ ἐνετειλάμην σοι, διαρρήσσων διαρρήξω τὴν βασιλείαν σου ἐκ χειρόσ σου καὶ δώσω αὐτὴν τῷ δούλῳ σου. πλὴν ἐν ταῖσ ἡμέραισ σου οὐ ποιήσω αὐτὰ διὰ Δαυὶδ τὸν πατέρα σου. ἐκ χειρὸσ υἱοῦ σου λήψομαι αὐτήν. πλὴν ὅλην τὴν βασιλείαν οὐ μὴ λάβω. σκῆπτρον ἓν δώσω τῷ υἱῷ σου διὰ Δαυὶδ τὸν δοῦλόν μου καὶ διὰ Ἱερουσαλὴμ τὴν πόλιν, ἣν ἐξελεξάμην. Καὶ ἤγειρε Κύριοσ σατὰν τῷ Σαλωμὼν τὸν Ἄδερ τὸν Ἰδουμαῖον καὶ τὸν Ἐσρὼμ υἱὸν Ἐλιαδαέ, τὸν ἐν Ραεμμὰθ Ἀδραζὰρ βασιλέα Σουβὰ κύριον αὐτοῦ. καὶ συνηθροίσθησαν ἐπ̓ αὐτὸν ἄνδρεσ, καὶ ἦν ἄρχων συστρέμματοσ καὶ προκατελάβετο τὴν Δαμασέκ. καὶ ἦσαν σατὰν τῷ Ἰσραὴλ πάσασ τὰσ ἡμέρασ Σαλωμών. καὶ Ἄδερ ὁ Ἰδουμαῖοσ ἐκ τοῦ σπέρματοσ τῆσ βασιλείασ ἐν Ἰδουμαίᾳ. καὶ ἐγένετο ἐν τῷ ἐξολοθρεῦσαι Δαυὶδ τὸν Ἐδὼμ ἐν τῷ πορευθῆναι Ἰωὰβ ἄρχοντα τῆσ στρατιᾶσ θάπτειν τοὺσ τραυματίασ, καὶ ἔκοψαν πᾶν ἀρσενικὸν ἐν τῇ Ἰδουμαίᾳ ὅτι ἓξ μῆνασ ἐνεκάθητο ἐκεῖ Ἰωὰβ καὶ πᾶσ Ἰσραὴλ ἐν τῇ Ἰδουμαίᾳ, ἕωσ ὅτου ἐξωλόθρευσε πᾶν ἀρσενικὸν ἐν τῇ Ἰδουμαίᾳ καὶ ἀπέδρα Ἄδερ, αὐτὸσ καὶ πάντεσ ἄνδρεσ Ἰδουμαῖοι τῶν παίδων τοῦ πατρὸσ αὐτοῦ μετ̓ αὐτοῦ, καὶ εἰσῆλθον εἰσ Αἴγυπτον. καὶ Ἄδερ παιδάριον μικρόν. καὶ ἀνίστανται ἄνδρεσ ἐκ τῆσ πόλεωσ Μαδιὰμ καὶ ἔρχονται εἰσ Φαρὰν καὶ λαμβάνουσιν ἄνδρασ μεθ̓ ἑαυτῶν καὶ ἔρχονται πρὸσ Φαραὼ βασιλέα Αἰγύπτου, καὶ εἰσῆλθεν Ἄδερ πρὸσ Φαραώ, καὶ ἔδωκεν αὐτῷ οἶκον καὶ ἄρτουσ διέταξεν αὐτῷ. καὶ εὗρεν Ἄδερ χάριν ἐναντίον Φαραὼ σφόδρα, καὶ ἔδωκεν αὐτῷ γυναῖκα ἀδελφὴν τῆσ γυναικὸσ αὐτοῦ, ἀδελφὴν Θεκεμίνασ τὴν μείζω. καὶ ἔτεκεν αὐτῷ ἡ ἀδελφὴ Θεκεμίνασ τῷ Ἄδερ τὸν Γανηβὰθ υἱὸν αὐτῆσ, καὶ ἐξέθρεψεν αὐτὸν Θεκεμίνα ἐν μέσῳ υἱῶν Φαραώ, καὶ ἦν Γανηβὰθ ἐν μέσῳ υἱῶν Φαραώ. καὶ Ἄδερ ἤκουσεν ἐν Αἰγύπτῳ ὅτι κεκοίμηται Δαυὶδ μετὰ τῶν πατέρων αὐτοῦ, καὶ ὅτι τέθνηκεν Ἰωὰβ ὁ ἄρχων τῆσ στρατιᾶσ. καὶ εἶπεν Ἄδερ πρὸσ Φαραώ. ἐξαπόστειλόν με καὶ ἀποστρέψω εἰσ τὴν γῆν μου. καὶ εἶπε Φαραὼ τῷ Ἄδερ. τίνι σὺ ἐλαττονῇ μετ̓ ἐμοῦ̣ καὶ ἰδοὺ σὺ ζητεῖσ ἀπελθεῖν εἰσ τὴν γῆν σου. καὶ εἶπεν αὐτῷ Ἄδερ, ὅτι ἐξαποστέλλων ἐξαποστελεῖσ με. καὶ ἀνέστρεψεν Ἄδερ εἰσ τὴν γῆν αὐτοῦ. αὕτη ἡ κακία, ἣν ἐποίησεν Ἄδερ. καὶ ἐβαρυθύμησεν ἐν Ἰσραὴλ καὶ ἐβασίλευσεν ἐν γῇ Ἐδώμ. Καὶ Ἱεροβοὰμ υἱὸσ Ναβὰτ ὁ Ἐφραθὶ ἐκ τῆσ Σαριρὰ υἱὸσ γυναικὸσ χήρασ δοῦλοσ Σαλωμών. καὶ τοῦτο τὸ πρᾶγμα ὡσ ἐπῄρατο χεῖρασ ἐπὶ βασιλέα Σαλωμών. καὶ ὁ βασιλεὺσ Σαλωμὼν ᾠκοδόμησε τὴν ἄκραν, συνέκλεισε τὸν φραγμὸν τῆσ πόλεωσ Δαυὶδ τοῦ πατρὸσ αὐτοῦ. καὶ ὁ ἄνθρωποσ Ἱεροβοὰμ ἰσχυρὸσ δυνάμει, καὶ εἶδε Σαλωμὼν τὸ παιδάριον ὅτι ἀνὴρ ἔργων ἐστί, καὶ κατέστησεν αὐτὸν ἐπὶ τὰσ ἄρσεισ οἴκου Ἰωσήφ. καὶ ἐγενήθη ἐν τῷ καιρῷ ἐκείνῳ καὶ Ἱεροβοὰμ ἐξῆλθεν ἐξ Ἱερουσαλὴμ καὶ εὗρεν αὐτὸν Ἀχιὰ ὁ Σηλωνίτησ ὁ προφήτησ ἐν τῇ ὁδῷ καὶ ἀπέστησεν αὐτὸν ἐκ τῆσ ὁδοῦ. καὶ Ἀχιὰ περιβεβλημένοσ ἱματίῳ καινῷ, καὶ ἀμφότεροι μόνοι ἐν τῷ πεδίῳ. καὶ ἐπελάβετο Ἀχιὰ τοῦ ἱματίου αὐτοῦ τοῦ καινοῦ τοῦ ἐπ̓ αὐτῷ καὶ διέρρηξεν αὐτὸν δώδεκα ρήγματα καὶ εἶπε τῷ Ἱεροβοάμ. λάβε σεαυτῷ δέκα ρήγματα, ὅτι τάδε λέγει Κύριοσ ὁ Θεὸσ Ἰσραήλ. ἰδοὺ ἐγὼ ρήσσω τὴν βασιλείαν ἐκ χειρὸσ Σαλωμὼν καὶ δώσω σοι δέκα σκῆπτρα. καὶ δύο σκῆπτρα ἔσονται αὐτῷ διὰ τὸν δοῦλόν μου Δαυὶδ καὶ διὰ Ἱερουσαλὴμ τὴν πόλιν, ἣν ἐξελεξάμην ἐν αὐτῇ ἐκ πασῶν φυλῶν Ἰσραήλ, καὶ ἀνθ̓ ὧν ἐγκατέλιπέ με καὶ ἐποίησε τῇ Ἀστάρτῃ βδελύγματι Σιδωνίων καὶ τῷ Χαμὼσ καὶ τοῖσ εἰδώλοισ Μωὰβ καὶ τῷ βασιλεῖ αὐτῶν προσοχθίσματι υἱῶν Ἀμμὼν καὶ οὐκ ἐπορεύθη ἐν ταῖσ ὁδοῖσ μου τοῦ ποιῆσαι τὸ εὐθὲσ ἐνώπιον ἐμοῦ, ὡσ Δαυὶδ ὁ πατὴρ αὐτοῦ. καὶ οὐ μὴ λάβω τὴν βασιλείαν ὅλην ἐκ χειρὸσ αὐτοῦ, διότι ἀντιτασσόμενοσ ἀντιτάξομαι αὐτῷ πάσασ τὰσ ἡμέρασ τῆσ ζωῆσ αὐτοῦ, διὰ τὸν Δαυὶδ τὸν δοῦλόν μου, ὃν ἐξελεξάμην αὐτόν. καὶ λήψομαι τὴν βασιλείαν ἐκ χειρὸσ τοῦ υἱοῦ αὐτοῦ καὶ δώσω σοι τὰ δέκα σκῆπτρα, τῷ δὲ υἱῷ αὐτοῦ δώσω τὰ δύο σκῆπτρα, ὅπωσ ᾖ θέσισ τῷ δούλῳ μου Δαυὶδ πάσασ τὰσ ἡμέρασ ἐνώπιον ἐμοῦ ἐν Ἱερουσαλὴμ τῇ πόλει, ἣν ἐξελεξάμην ἐμαυτῷ τοῦ θέσθαι τὸ ὄνομά μου ἐκεῖ. καὶ σὲ λήψομαι καὶ βασιλεύσεισ ἐν οἷσ ἐπιθυμεῖ ἡ ψυχή σου, καὶ σὺ ἔσῃ βασιλεὺσ ἐπὶ τὸν Ἰσραήλ. καὶ ἔσται ἐὰν φυλάξῃσ πάντα, ὅσα ἂν ἐντείλωμαί σοι, καὶ πορευθῇσ ἐν ταῖσ ὁδοῖσ μου καὶ ποιήσῃσ τὸ εὐθὲσ ἐνώπιον ἐμοῦ τοῦ φυλάξασθαι τὰ προστάγματά μου καὶ τὰσ ἐντολάσ μου, καθὼσ ἐποίησε Δαυὶδ ὁ δοῦλόσ μου, καὶ ἔσομαι μετὰ σοῦ καὶ οἰκοδομήσω σοι οἶκον πιστόν, καθὼσ ᾠκοδόμησα τῷ Δαυὶδ. καὶ ἐζήτησε Σαλωμὼν θανατῶσαι τὸν Ἱεροβοάμ, καὶ ἀνέστη καὶ ἀπέδρα εἰσ Αἴγυπτον πρὸσ Σουσακὶμ βασιλέα Αἰγύπτου καὶ ἦν ἐν Αἰγύπτῳ, ἕωσ οὗ ἀπέθανε Σαλωμών. Καὶ τὰ λοιπὰ τῶν λόγων Σαλωμὼν καὶ πάντα, ὅσα ἐποίησε, καὶ πᾶσαν τὴν φρόνησιν αὐτοῦ, οὐκ ἰδοὺ ταῦτα γέγραπται ἐν βιβλίῳ ρημάτων Σαλωμών̣ καὶ αἱ ἡμέραι, ἅσ ἐβασίλευε Σαλωμὼν ἐν Ἱερουσαλὴμ ἐπὶ πάντα Ἰσραὴλ τεσσαράκοντα ἔτη. καὶ ἐκοιμήθη Σαλωμὼν μετὰ τῶν πατέρων αὐτοῦ, καὶ ἔθαψαν αὐτὸν ἐν πόλει Δαυὶδ τοῦ πατρὸσ αὐτοῦ. καὶ ἐγενήθη ὡσ ἤκουσεν Ἱεροβοὰμ υἱὸσ Ναβάτ, καὶ αὐτοῦ ἔτι ὄντοσ ἐν Αἰγύπτῳ ὡσ ἔφυγεν ἐκ προσώπου Σαλωμὼν καὶ ἐκάθητο ἐν Αἰγύπτῳ κατευθύνει καὶ ἔρχεται εἰσ τὴν πόλιν αὐτοῦ εἰσ τὴν γῆν Σαριρὰ τὴν ἐν ὄρει Ἐφραίμ. καὶ ὁ βασιλεὺσ Σαλωμὼν ἐκοιμήθη μετὰ τῶν πατέρων αὐτοῦ, καὶ ἐβασίλευσε Ροβοὰμ ὁ υἱὸσ αὐτοῦ ἀντ̓ αὐτοῦ. Καὶ ἦσαν αὐτῷ γυναῖκεσ ἄρχουσαι ἑπτακόσιαι καὶ παλλακαὶ τριακόσιαι ̀ρ̀ν̀ρ̀ν̀ρ̀ν̀ρ̀νκαὶ ἐξέκλιναν γυναῖκεσ αὐτοῦ τὴν καρδίαν αὐτοῦ. ̀ρ̀ν Καὶ ἤγειρε Κύριοσ σατὰν τῷ Σαλωμὼν τὸν Ραζὼν υἱὸν Ἐλιαδαὲ τὸν Βαραμεὲθ Ἀδαδεζὲρ βασιλέα Σουβὰ κύριον αὐτοῦ. καὶ συνηθροίσθησαν ἐπ̓ αὐτὸν ἄνδρεσ καὶ ἦν ἄρχων συστρέμματοσ ἐν τῷ ἀποκτείνειν Δαυὶδ αὐτούσ, καὶ ἐπορεύθησαν εἰσ Δαμασκὸν καὶ ἐκάθισαν ἐν αὐτῷ καὶ ἐβασίλευσεν ἐν Δαμασκῷ καὶ ἐγένετο ἀντικείμενοσ τῷ Ἰσραὴλ πάσασ τὰσ ἡμέρασ Σαλωμών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 11:

(70인역 성경, 열왕기 상권 11:)

목록

SEARCH

MENU NAVIGATION