Septuagint, Liber I Samuelis 9:

(70인역 성경, 사무엘기 상권 9:)

ΚΑΙ ἀνὴρ ἐξ υἱῶν Βενιαμίν, καὶ ὄνομα αὐτῷ Κίσ, υἱὸσ Ἀβιήλ, υἱοῦ Ἰαρέδ, υἱοῦ Βαχίρ, υἱοῦ Ἀφέκ, υἱοῦ ἀνδρὸσ Ἰεμιναίου, ἀνὴρ δυνατόσ. καὶ τούτῳ υἱόσ, καὶ ὄνομα αὐτῷ Σαούλ, εὐμεγέθησ, ἀνὴρ ἀγαθόσ, καὶ οὐκ ἦν ἐν υἱοῖσ Ἰσραὴλ ἀγαθὸσ ὑπὲρ αὐτόν, ὑπερωμίαν καὶ ἐπάνω ὑψηλὸσ ὑπὲρ πᾶσαν τὴν γῆν. καὶ ἀπώλοντο αἱ ὄνοι Κὶσ πατρὸσ Σαούλ, καὶ εἶπε Κὶσ πρὸσ Σαοὺλ τὸν υἱὸν αὐτοῦ. λαβὲ μετὰ σεαυτοῦ ἓν τῶν παιδαρίων καὶ ἀνάστητε καὶ πορεύθητε καὶ ζητήσατε τὰσ ὄνουσ. καὶ διῆλθον δἰ ὄρουσ Ἐφραὶμ καὶ διῆλθον διὰ τῆσ γῆσ Σελχὰ καὶ οὐχ εὗρον. καὶ διῆλθον διὰ τῆσ γῆσ Σεγαλείμ, καὶ οὐκ ἦν. καὶ διῆλθον διὰ τῆσ γῆσ Ἰαμὶν καὶ οὐχ εὗρον. αὐτῶν δὲ ἐλθόντων εἰσ τὴν Σίφ, καὶ Σαοὺλ εἶπε τῷ παιδαρίῳ αὐτοῦ τῷ μετ̓ αὐτοῦ. δεῦρο καὶ ἀποστρέψωμεν, μὴ ἀνεὶσ ὁ πατήρ μου τὰσ ὄνουσ φροντίζῃ τὰ περὶ ἡμῶν. καὶ εἶπεν αὐτῷ τὸ παιδάριον. ἰδοὺ δὴ ἄνθρωποσ τοῦ Θεοῦ ἐν τῇ πόλει ταύτῃ, καὶ ὁ ἄνθρωποσ ἔνδοξοσ, πᾶν, ὃ ἐὰν λαλήσῃ, παραγινόμενον παρέσται. καὶ νῦν πορευθῶμεν, ὅπωσ ἀπαγγείλῃ ἡμῖν τὴν ὁδὸν ἡμῶν, ἐφ̓ ἣν ἐπορεύθημεν ἐπ̓ αὐτήν. καὶ εἶπε Σαοὺλ τῷ παιδαρίῳ αὐτοῦ τῷ μετ̓ αὐτοῦ. καὶ ἰδοὺ πορευσόμεθα, καὶ τὶ οἴσομεν τῷ ἀνθρώπῳ τοῦ Θεοῦ̣ ὅτι οἱ ἄρτοι ἐκλελοίπασιν ἐκ τῶν ἀγγείων ἡμῶν, καὶ πλεῖον οὐκ ἔστι μεθ̓ ἡμῶν εἰσενεγκεῖν τῷ ἀνθρώπῳ τοῦ Θεοῦ τὸ ὑπάρχον ἡμῖν. καὶ προσέθετο τὸ παιδάριον ἀποκριθῆναι τῷ Σαοὺλ καὶ εἶπεν. ἰδοὺ εὕρηται ἐν τῇ χειρί μου τέταρτον σίκλου ἀργυρίου, καὶ δώσεισ τῷ ἀνθρώπῳ τοῦ Θεοῦ, καὶ ἀπαγγελεῖ ἡμῖν τὴν ὁδὸν ἡμῶν. καὶ ἔμπροσθεν ἐν Ἰσραὴλ τάδε ἔλεγεν ἕκαστοσ ἐν τῷ πορεύεσθαι ἐπερωτᾶν τὸν Θεόν. δεῦρο καὶ πορευθῶμεν πρὸσ τὸν βλέποντα. ὅτι τὸν προφήτην ἐκάλει ὁ λαὸσ ἔμπροσθεν Ὁ βλέπων. καὶ εἶπε Σαοὺλ πρὸσ τὸ παιδάριον αὐτοῦ. ἀγαθόν τὸ ρῆμα, δεῦρο καὶ πορευθῶμεν. καὶ ἐπορεύθησαν εἰσ τὴν πόλιν, οὗ ἦν ἐκεῖ ὁ ἄνθρωποσ ὁ τοῦ Θεοῦ. αὐτῶν ἀναβαινόντων τὴν ἀνάβασιν τῆσ πόλεωσ καὶ αὐτοὶ εὑρίσκουσι τὰ κοράσια ἐξεληλυθότα ὑδρεύεσθαι ὕδωρ καὶ λέγουσιν αὐταῖσ. εἰ ἔστιν ἐνταῦθα Ὁ βλέπων̣ καὶ ἀπεκρίθη τὰ κοράσια αὐτοῖσ καὶ λέγουσιν αὐτοῖσ. ἔστιν, ἰδοὺ κατὰ πρόσωπον ὑμῶν. νῦν διὰ τὴν ἡμέραν ἥκει εἰσ τὴν πόλιν, ὅτι θυσία σήμερον τῷ λαῷ ἐν Βαμᾷ. ὡσ ἂν εἰσέλθητε εἰσ τὴν πόλιν, οὕτωσ εὑρήσετε αὐτὸν ἐν τῇ πόλει πρὶν ἀναβῆναι αὐτὸν εἰσ Βαμᾶ τοῦ φαγεῖν. ὅτι οὐ μὴ φάγῃ ὁ λαὸσ ἕωσ τοῦ εἰσελθεῖν αὐτόν, ὅτι οὗτοσ εὐλογεῖ τὴν θυσίαν, καὶ μετὰ ταῦτα ἐσθίουσιν οἱ ξένοι. καὶ νῦν ἀνάβητε, ὅτι διὰ τὴν ἡμέραν εὑρήσετε αὐτόν. καὶ ἀναβαίνουσι τὴν πόλιν. αὐτῶν εἰσπορευομένων εἰσ μέσον τῆσ πόλεωσ καὶ ἰδοὺ Σαμουὴλ ἐξῆλθεν εἰσ τὴν ἀπάντησιν αὐτῶν τοῦ ἀναβῆναι εἰσ Βαμᾶ. καὶ Κύριοσ ἀπεκάλυψε τὸ ὠτίον Σαμουὴλ ἡμέρᾳ μιᾷ ἔμπροσθεν τοῦ ἐλθεῖν πρὸσ αὐτὸν Σαοὺλ λέγων. ὡσ ὁ καιρόσ, αὔριον ἀποστελῶ πρόσ σε ἄνδρα ἐκ γῆσ Βενιαμίν, καὶ χρίσεισ αὐτὸν εἰσ ἄρχοντα ἐπὶ τὸν λαόν μου Ἰσραήλ, καὶ σώσει τὸν λαόν μου ἐκ χειρὸσ ἀλλοφύλων. ὅτι ἐπέβλεψα ἐπὶ τὴν ταπείνωσιν τοῦ λαοῦ μου, ὅτι ἦλθε βοὴ αὐτῶν πρόσ με. καὶ Σαμουὴλ εἶδε τὸν Σαούλ. καὶ Κύριοσ ἀπεκρίθη αὐτῷ. ἰδοὺ ὁ ἄνθρωποσ, ὃν εἶπά σοι, οὗτοσ ἄρξει ἐν τῷ λαῷ μου. καὶ προσήγαγε Σαοὺλ πρὸσ Σαμουὴλ εἰσ μέσον τῆσ πόλεωσ καὶ εἶπεν. ἀπάγγειλον δὴ ποῖοσ ὁ οἶκοσ τοῦ βλέποντοσ. καὶ ἀπεκρίθη Σαμουὴλ τῷ Σαοὺλ καὶ εἶπεν. ἐγώ εἰμι αὐτόσ. ἀνάβηθι ἔμπροσθέν μου εἰσ Βαμᾶ καὶ φάγε μετ̓ ἐμοῦ σήμερον, καὶ ἐξαποστελῶ σε πρωί̈ καὶ πάντα τὰ ἐν τῇ καρδίᾳ σου ἀπαγγελῶ σοι. καὶ περὶ τῶν ὄνων σου τῶν ἀπολωλυιῶν σήμερον τριταίων μὴ θῇσ τὴνκαρδίαν σου αὐταῖσ, ὅτι εὕρηνται. καὶ τίνι τὰ ὡραῖα τοῦ Ἰσραήλ̣ οὐ σοὶ καὶ τῷ οἴκῳ τοῦ πατρόσ σου̣ καὶ ἀπεκρίθη Σαοὺλ καὶ εἶπεν. οὐχὶ ἀνδρὸσ υἱὸσ Ἰεμιναίου ἐγώ εἰμι τοῦ μικροῦ σκήπτρου φυλῆσ Ἰσραὴλ καὶ τῆσ φυλῆσ τῆσ ἐλαχίστησ ἐξ ὅλουσ σκήπτρου Βενιαμίν̣ καὶ ἱνατί ἐλάλησασ πρὸσ ἐμὲ κατὰ τὸ ρῆμα τοῦτο̣ καὶ ἔλαβε Σαμουὴλ τὸν Σαοὺλ καὶ τὸ παιδάριον αὐτοῦ καὶ εἰσήγαγεν αὐτοὺσ εἰσ τὸ κατάλυμα καὶ ἔθετο αὐτοῖσ ἐκεῖ τόπον ἐν πρώτοισ τῶν κεκλημένων ὡσεὶ ἑβδομήκοντα ἀνδρῶν. καὶ εἶπε Σαμουὴλ τῷ μαγείρῳ. δόσ μοι τὴν μερίδα, ἣν ἔδωκά σοι, ἣν εἶπά σοι θεῖναι αὐτὴν παρά σοι. καὶ ἥψησεν ὁ μάγειροσ τὴν κωλέαν, καὶ παρέθηκεν αὐτὴν ἐνώπιον Σαούλ. καὶ εἶπε Σαμουὴλ τῷ Σαούλ. ἰδοὺ ὑπόλειμμα, παράθεσ αὐτὸ ἐνώπιόν σου καὶ φάγε, ὅτι μαρτύριον τέθειταί σοι παρὰ τοὺσ ἄλλουσ. ἀπόκνιζε. καὶ ἔφαγε Σαοὺλ μετὰ Σαμουὴλ ἐν τῇ ἡμέρᾳ ἐκείνῃ. καὶ κατέβη ἐκ τῆσ Βαμᾶ εἰσ τὴν πόλιν. καὶ διέστρωσαν τῷ Σαοὺλ ἐπὶ τῷ δώματι, καὶ ἐκοιμήθη. καὶ ἐγένετο ὡσ ἀνέβαινεν ὁ ὄρθροσ, καὶ ἐκάλεσε Σαμουὴλ τὸν Σαοὺλ ἐπὶ τῷ δώματι λέγων. ἀνάστα, καὶ ἐξαποστελῶ σε. καὶ ἀνέστη Σαούλ, καὶ ἐξῆλθεν αὐτὸσ καὶ Σαμουὴλ ἕωσ ἔξω. αὐτῶν καταβαινόντων εἰσ μέροσ τῆσ πόλεωσ καὶ Σαμουὴλ εἶπε τῷ Σαούλ. εἰπὸν τῷ νεανίσκῳ καὶ διελθέτω ἔμπροσθεν ἡμῶν, καὶ σὺ στῆθι ὡσ σήμερον καὶ ἄκουσον ρῆμα Θεοῦ.

목록

일치하는 문장이 없습니다.

SEARCH

MENU NAVIGATION