헬라어 문장 검색 - Σεπτύ004́005́

(70인역 성경, 민수기 5:)

ΚΑΙ ἐλάλησε Κύριοσ πρὸσ Μωυσῆν λέγων. πρόσταξον τοῖσ υἱοῖσ Ἰσραὴλ καὶ ἐξαποστειλάτωσαν ἐκ τῆσ παρεμβολῆσ πάντα λεπρὸν καὶ πάντα γονορρυῆ καὶ πάντα ἀκάθαρτον ἐπὶ ψυχῇ. ἀπὸ ἀρσενικοῦ ἕωσ θηλυκοῦ ἐξαποστείλατε ἔξω τῆσ παρεμβολῆσ, καὶ οὐ μὴ μιανοῦσι τὰσ παρεμβολὰσ αὐτῶν, ἐν οἷσ ἐγὼ καταγίνομαι ἐν αὐτοῖσ. καὶ ἐποίησαν οὕτωσ οἱ υἱοὶ Ἰσραὴλ καὶ ἐξαπέστειλαν αὐτοὺσ ἔξω τῆσ παρεμβολῆσ. καθὰ ἐλάλησε Κύριοσ Μωυσῇ, οὕτωσ ἐποίησαν οἱ υἱοὶ Ἰσραήλ. καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ λέγων. ἀνὴρ ἢ γυνή, ὅσ τισ ἂν ποιήσῃ ἀπὸ πασῶν τῶν ἁμαρτιῶν τῶν ἀνθρωπίνων, καὶ παριδὼν παρίδῃ καὶ πλημμελήσῃ ἡ ψυχὴ ἐκείνη, ἐξαγορεύσει τὴν ἁμαρτίαν, ἣν ἐποίησε, καὶ ἀποδώσει τὴν πλημμέλειαν τὸ κεφάλαιον καὶ τὸ ἐπίπεμπτον αὐτοῦ προσθήσει ἐπ’ αὐτό, καὶ ἀποδώσει, τίνι ἐπλημμέλησεν αὐτῷ. ἐὰν δὲ μὴ ᾖ τῷ ἀνθρώπῳ ὁ ἀγχιστεύων, ὥστε ἀποδοῦναι αὐτῷ τὸ πλημμέλημα πρὸσ αὐτόν, τὸ πλημμέλημα τὸ ἀποδιδόμενον Κυρίῳ τῷ ἱερεῖ ἔσται, πλὴν τοῦ κριοῦ τοῦ ἱλασμοῦ, δι’ οὗ ἐξιλάσεται ἐν αὐτῷ περὶ αὐτοῦ. καὶ πᾶσα ἀπαρχὴ κατὰ πάντα τὰ ἁγιαζόμενα ἐν υἱοῖσ Ἰσραήλ, ὅσα ἐὰν προσφέρωσι Κυρίῳ, τῷ ἱερεῖ αὐτῷ ἔσται. καὶ ἑκάστου τὰ ἡγιασμένα αὐτοῦ ἔσται. καὶ ἀνήρ, ὃσ ἂν δῷ τῷ ἱερεῖ, αὐτῷ ἔσται. Καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραήλ, καὶ ἐρεῖσ πρὸσ αὐτούσ. ἀνδρὸσ ἀνδρόσ, ἐὰν παραβῇ ἡ γυνὴ αὐτοῦ, καὶ ὑπεριδοῦσα παρίδῃ αὐτὸν καὶ κοιμηθῇ τισ μετ’ αὐτῆσ κοίτην σπέρματοσ, καὶ λάθῃ ἐξ ὀφθαλμῶν τοῦ ἀνδρὸσ αὐτῆσ καὶ κρύψῃ, αὐτὴ δὲ ᾖ μεμιασμένη καὶ μάρτυσ μὴ ἦν μετ’ αὐτῆσ, καὶ αὐτὴ μὴ ᾖ συνειλημμένη, καὶ ἐπέλθῃ αὐτῷ πνεῦμα ζηλώσεωσ καὶ ζηλώσῃ τὴν γυναῖκα αὐτοῦ, αὐτὴ δὲ μεμίανται, ἢ ἐπέλθῃ αὐτῷ πνεῦμα ζηλώσεωσ καὶ ζηλώσῃ τὴν γυναῖκα αὐτοῦ, αὐτὴ δὲ μὴ ᾖ μεμιασμένη, καὶ ἄξει ὁ ἄνθρωποσ τὴν γυναῖκα αὐτοῦ πρὸσ τὸν ἱερέα καὶ προσοίσει τὸ δῶρον περὶ αὐτῆσ, τὸ δέκατον τοῦ οἰφὶ ἄλευρον κρίθινον, οὐκ ἐπιχεεῖ ἐπ’ αὐτὸ ἔλαιον, οὐδὲ ἐπιθήσει ἐπ’ αὐτὸ λίβανον. ἔστι γὰρ θυσία ζηλοτυπίασ, θυσία μνημοσύνου, ἀναμιμνήσκουσα ἁμαρτίαν. καὶ προσάξει αὐτὴν ὁ ἱερεὺσ καὶ στήσει αὐτὴν ἔναντι Κυρίου, καὶ λήψεται ὁ ἱερεὺσ ὕδωρ καθαρὸν ζῶν ἐν ἀγγείῳ ὀστρακίνῳ καὶ τῆσ γῆσ τῆσ οὔσησ ἐπὶ τοῦ ἐδάφουσ τῆσ σκηνῆσ τοῦ μαρτυρίου, καὶ λαβὼν ὁ ἱερεὺσ ἐμβαλεῖ εἰσ τὸ ὕδωρ. καὶ στήσει ὁ ἱερεὺσ τὴν γυναῖκα ἔναντι Κυρίου καὶ ἀποκαλύψει τὴν κεφαλὴν τῆσ γυναικὸσ καὶ δώσει ἐπὶ τὰσ χεῖρασ αὐτῆσ τὴν θυσίαν τοῦ μνημοσύνου, τὴν θυσίαν τῆσ ζηλοτυπίασ, ἐν δὲ τῇ χειρὶ τοῦ ἱερέωσ ἔσται τὸ ὕδωρ τοῦ ἐλεγμοῦ τοῦ ἐπικαταρωμένου τούτου. καὶ ὁρκιεῖ αὐτὴν ὁ ἱερεύσ, καὶ ἐρεῖ τῇ γυναικί. εἰ μὴ κεκοίμηταί τισ μετὰ σοῦ, εἰ μὴ παραβέβηκασ μιανθῆναι ὑπὸ τὸν ἄνδρα τὸν σεαυτῆσ, ἀθῴα ἴσθι ἀπὸ τοῦ ὕδατοσ τοῦ ἐλεγμοῦ τοῦ ἐπικαταρωμένου τούτου. εἰ δὲ σὺ παραβέβηκασ ὕπανδροσ οὖσα, ἢ μεμίανσαι καὶ ἔδωκέ τισ τὴν κοίτην αὐτοῦ ἐν σοί, πλὴν τοῦ ἀνδρόσ σου. καὶ ὁρκιεῖ ὁ ἱερεὺσ τὴν γυναῖκα ἐν τοῖσ ὅρκοισ τῆσ ἀρᾶσ ταύτησ, καὶ ἐρεῖ ὁ ἱερεὺσ τῇ γυναικί. δῴη σε Κύριοσ ἐν ἀρᾷ καὶ ἐνόρκιον ἐν μέσῳ τοῦ λαοῦ σου, ἐν τῷ δοῦναι Κύριον τὸν μηρόν σου διαπεπτωκότα, καὶ τὴν κοιλίαν σου πεπρησμένην, καὶ εἰσελεύσεται τὸ ὕδωρ τὸ ἐπικαταρώμενον τοῦτο εἰσ τὴν κοιλίαν σου πρῆσαι γαστέρα καὶ διαπεσεῖν μηρόν σου. καὶ ἐρεῖ ἡ γυνή. γένοιτο, γένοιτο. καὶ γράψει ὁ ἱερεὺσ τὰσ ἀρὰσ ταύτασ εἰσ βιβλίον, καὶ ἐξαλείψει εἰσ τὸ ὕδωρ τοῦ ἐλεγμοῦ τοῦ ἐπικαταρωμένου. καὶ ποτιεῖ τὴν γυναῖκα τὸ ὕδωρ τοῦ ἐλεγμοῦ τοῦ ἐπικαταρωμένου, καὶ εἰσελεύσεται εἰσ αὐτὴν τὸ ὕδωρ τὸ ἐπικαταρώμενον τοῦ ἐλεγμοῦ. καὶ λήψεται ὁ ἱερεὺσ ἐκ χειρὸσ τῆσ γυναικὸσ τὴν θυσίαν τῆσ ζηλοτυπίασ καὶ ἐπιθήσει τὴν θυσίαν ἔναντι Κυρίου καὶ προσοίσει αὐτὴν πρὸσ τὸ θυσιαστήριον, καὶ δράξεται ὁ ἱερεὺσ ἀπὸ τῆσ θυσίασ τὸ μνημόσυνον αὐτῆσ καὶ ἀνοίσει αὐτὸ ἐπὶ τὸ θυσιαστήριον καὶ μετὰ ταῦτα ποτιεῖ τὴν γυναῖκα τὸ ὕδωρ. καὶ ἔσται, ἐὰν ᾖ μεμιασμένη καὶ λήθῃ λάθη τὸν ἄνδρα αὐτῆσ, καὶ εἰσελεύσεται εἰσ αὐτὴν τὸ ὕδωρ τοῦ ἐλεγμοῦ τὸ ἐπικαταρώμενον, καὶ πρησθήσεται τὴν κοιλίαν, καὶ διαπεσεῖται ὁ μηρὸσ αὐτῆσ, καὶ ἔσται ἡ γυνὴ εἰσ ἀρὰν τῷ λαῷ αὐτῆσ. ἐὰν δὲ μὴ μιανθῇ ἡ γυνὴ καὶ καθαρὰ ᾖ, καὶ ἀθῴα ἔσται καὶ ἐκσπερματιεῖ σπέρμα. οὗτοσ ὁ νόμοσ τῆσ ζηλοτυπίασ, ᾧ ἂν παραβῇ ἡ γυνὴ ὕπανδροσ οὖσα καὶ μιανθῇ. ἢ ἄνθρωποσ, ᾧ ἐὰν ἐπέλθῃ ἐπ’ αὐτὸν πνεῦμα ζηλώσεωσ καὶ ζηλώσῃ τὴν γυναῖκα αὐτοῦ, καὶ στήσῃ τὴν γυναῖκα αὐτοῦ ἔναντι Κυρίου, καὶ ποιήσῃ αὐτῇ ὁ ἱερεὺσ πάντα τὸν νόμον τοῦτον. καὶ ἀθῷοσ ἔσται ὁ ἄνθρωποσ ἀπὸ ἁμαρτίασ, καὶ ἡ γυνὴ ἐκείνη λήψεται τὴν ἁμαρτίαν αὐτῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Septuagint, Liber Numeri 5:

(70인역 성경, 민수기 5:)

목록

SEARCH

MENU NAVIGATION