Pseudo-Plutarch, Placita Philosophorum, book 2, Περὶ φωτισμῶν σελήνησ.

Ἀναξίμανδροσ ἴδιον αὐτὴν ἔχειν φῶσ, ἀραιότερον δέ πωσ. Ἀντιφῶν ἰδίῳ φέγγει λάμπειν τὴν σελήνην, τὸ δ’ ἀποκρυπτόμενον περὶ αὐτὴν ὑπὸ τῆσ προσβολῆσ τοῦ ἡλίου ἀμαυροῦσθαι, πεφυκότοσ τοῦ ἰσχυροτέρου πυρὸσ τὸ ἀσθενέστερον ἀμαυροῦν· ὁ δὴ συμβαίνειν καὶ περὶ τὰ ἄλλα ἄστρα.

Θαλῆσ καὶ οἱ ἀπ’ αὐτοῦ ὑπὸ τοῦ ἡλίου φωτίζεσθαι τὴν σελήνην. λαμπρότερον μὲν τὸν ἥλιον, ἐν καθαρωτέρῳ γὰρ ἀέρι φέρεσθαι, τὴν δὲ σελήνην ἐν θολωτέρῳ, διὰ τοῦτο καὶ ἀμαυροτέραν φαίνεσθαι.