호흡부호 보기
강세부호 보기
장단부호 보기
작은 Iota 보기
모든 부호 보기
Ἡ μὲν οὖν περὶ Κάνναν γενομένη μάχη Ῥωμαίων καὶ Καρχηδονίων ἐπετελέσθη τὸν τρόπον τοῦτον, μάχη γενναιοτάτουσ ἄνδρασ ἔχουσα καὶ τοὺσ νικήσαντασ καὶ τοὺσ ἡττηθέντασ. δῆλον δὲ τοῦτ’ ἐγένετ’ ἐξ αὐτῶν τῶν πραγμάτων.
τῶν μὲν γὰρ ἑξακισχιλίων ἱππέων ἑβδομήκοντα μὲν εἰσ Οὐενουσίαν μετὰ Γαί̈ου διέφυγον, περὶ τριακοσίουσ δὲ τῶν συμμάχων σποράδεσ εἰσ τὰσ πόλεισ ἐσώθησαν· ἐκ δὲ τῶν πεζῶν μαχόμενοι μὲν ἑάλωσαν εἰσ μυρίουσ ‐ οἱ δ’ ἐκτὸσ ὄντεσ τῆσ μάχησ ‐ ἐξ αὐτοῦ δὲ τοῦ κινδύνου τρισχίλιοι μόνον ἴσωσ εἰσ τὰσ παρακειμένασ πόλεισ διέφυγον.
οἱ δὲ λοιποὶ πάντεσ, ὄντεσ εἰσ ἑπτὰ μυριάδασ, ἀπέθανον εὐγενῶσ, τὴν μεγίστην χρείαν παρεσχημένου τοῖσ Καρχηδονίοισ εἰσ τὸ νικᾶν καὶ τότε καὶ πρὸ τοῦ τοῦ τῶν ἱππέων ὄχλου.
καὶ δῆλον ἐγένετο τοῖσ ἐπιγενομένοισ ὅτι κρεῖττόν ἐστι πρὸσ τοὺσ τῶν πολέμων καιροὺσ ἡμίσεισ ἔχειν πεζούσ, ἱπποκρατεῖν δὲ τοῖσ ὅλοισ, μᾶλλον ἢ πάντα πάρισα τοῖσ πολεμίοισ ἔχοντα διακινδυνεύειν.
τῶν δὲ μετ’ Ἀννίβου Κελτοὶ μὲν ἔπεσον εἰσ τετρακισχιλίουσ, Ἴβηρεσ δὲ καὶ Λίβυεσ εἰσ χιλίουσ καὶ πεντακοσίουσ, ἱππεῖσ δὲ περὶ διακοσίουσ.
οἱ δὲ ζωγρηθέντεσ τῶν Ῥωμαίων ἐκτὸσ ἐγένοντο τοῦ κινδύνου, καὶ διὰ τοιαύτην αἰτίαν.
ἐὰν δὲ προϊδόμενοσ τὸ μέλλον ἀπολίπῃ φυλακὴν ἀξιόχρεων, πρὸσ ἐλάττουσ αὐτοῖσ ὁ περὶ τῶν ὅλων γένηται κίνδυνοσ.
ἑάλωσαν δὲ τοιούτῳ τινὶ τρόπῳ.
καταλιπόντοσ Ἀννίβου φυλακὴν ἀρκοῦσαν ἐπὶ τοῦ χάρακοσ, ἅμα τῷ κατάρξασθαι τὴν μάχην κατὰ τὸ συνταχθὲν ἐπολιόρκουν οἱ Ῥωμαῖοι, προσβάλλοντεσ τοὺσ ἀπολελειμμένουσ ἐν τῷ τῶν Καρχηδονίων χάρακι. τὸ μὲν οὖν πρῶτον ἀντεῖχον· ἤδη δ’ αὐτῶν πιεζομένων, ἐπειδὴ κατὰ πάντα τὰ μέρη τὴν μάχην Ἀννίβασ ἔκρινε, καὶ τότε παραβοηθήσασ καὶ τρεψάμενοσ συνέκλεισε τοὺσ Ῥωμαίουσ εἰσ τὴν ἰδίαν παρεμβολὴν καὶ δισχιλίουσ μὲν αὐτῶν ἀπέκτεινε, τῶν δὲ λοιπῶν ἐγκρατὴσ ἐγένετο ζωγρίᾳ πάντων.
ὁμοίωσ δὲ καὶ τοὺσ ἐπὶ τὰ κατὰ τὴν χώραν ἐρύματα συμπεφευγότασ ἐκπολιορκήσαντεσ οἱ Νομάδεσ ἐπανῆγον, ὄντασ εἰσ δισχιλίουσ τῶν εἰσ φυγὴν τραπέντων ἱππέων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기