Polybius, Histories, book 3, chapter 98

(폴리비오스, Histories, book 3, chapter 98)

γίνεταί τισ πραγμάτων περιπέτεια τοιάδε. καθ’ οὓσ καιροὺσ Ἀννίβασ ἐποιεῖτο τὴν πορείαν εἰσ Ἰταλίαν, ὅσαισ πόλεσιν ἠπίστησε τῶν κατὰ τὴν Ἰβηρίαν, ἔλαβε παρὰ τούτων ὅμηρα τοὺσ υἱεῖσ τῶν ἐπιφανεστάτων ἀνδρῶν· οὓσ πάντασ εἰσ τὴν Ζακανθαίων ἀπέθετο πόλιν διά τε τὴν ὀχυρότητα καὶ διὰ τὴν τῶν ἀπολειπομένων ἐπ’ αὐτῆσ ἀνδρῶν πίστιν. Ἀβίλυξ ὄνομα, κατὰ μὲν τὴν δόξαν καὶ τὴν τοῦ βίου περίστασιν οὐδενὸσ δεύτεροσ Ἰβήρων, κατὰ δὲ τὴν πρὸσ Καρχηδονίουσ εὔνοιαν καὶ πίστιν πολύ τι διαφέρειν δοκῶν τῶν ἄλλων.

οὗτοσ θεωρῶν τὰ πράγματα καὶ νομίσασ ἐπικυδεστέρασ εἶναι τὰσ τῶν Ῥωμαίων ἐλπίδασ, συνελογίσατο παρ’ ἑαυτῷ περὶ τῆσ τῶν ὁμήρων προδοσίασ συλλογισμὸν Ἰβηρικὸν καὶ βαρβαρικόν.

πεισθεὶσ γὰρ διότι δύναται μέγασ γενέσθαι παρὰ Ῥωμαίοισ προσενεγκάμενοσ ἐν καιρῷ πίστιν ἅμα καὶ χρείαν, ἐγίνετο πρὸσ τῷ παρασπονδήσασ τοὺσ Καρχηδονίουσ ἐγχειρίσαι τοὺσ ὁμήρουσ τοῖσ Ῥωμαίοισ.

πιστῶσ δὲ τὰ πρὸσ αὐτὸν διακείμενον, ποιεῖται λόγουσ ὑπὲρ τῶν ὁμήρων πρὸσ τὸν Βώστορα φάσκων, ἐπειδὴ διαβεβήκασι Ῥωμαῖοι τὸν ποταμόν, οὐκέτι δύνασθαι Καρχηδονίουσ φόβῳ συνέχειν τὰ κατὰ τὴν Ἰβηρίαν, προσδεῖσθαι δὲ τοὺσ καιροὺσ τῆσ τῶν ὑποταττομένων εὐνοίασ·

νῦν οὖν ἠγγικότων Ῥωμαίων καὶ προσκαθεζομένων τῇ Ζακάνθῃ, καὶ κινδυνευούσησ τῆσ πόλεωσ, ἐὰν ἐξαγαγὼν τοὺσ ὁμήρουσ ἀποκαταστήσῃ τοῖσ γονεῦσι καὶ ταῖσ πόλεσιν, ἐκλύσειν μὲν αὐτὸν τῶν Ῥωμαίων τὴν φιλοτιμίαν·

τοῦτο γὰρ αὐτὸ καὶ μάλιστα σπουδάζειν ἐκείνουσ πρᾶξαι, κυριεύοντασ τῶν ὁμήρων· ἐκκαλέσεσθαι δὲ τὴν τῶν Ἰβήρων πάντων πρὸσ Καρχηδονίουσ εὔνοιαν, προϊδόμενον τὸ μέλλον καὶ προνοηθέντα τῆσ τῶν ὁμήρων ἀσφαλείασ.

τὴν δὲ χάριν αὐξήσειν ἔφη πολλαπλασίαν, αὐτὸσ γενόμενοσ χειριστὴσ τοῦ πράγματοσ. ἀποκαθιστάνων γὰρ εἰσ τὰσ πόλεισ τοὺσ παῖδασ οὐ μόνον τὴν παρ’ αὐτῶν εὔνοιαν ἐπισπάσεσθαι τῶν γεννησάντων ἀλλὰ καὶ παρὰ τῶν πολλῶν, ὑπὸ τὴν ὄψιν τιθεὶσ διὰ τοῦ συμβαίνοντοσ τὴν Καρχηδονίων πρὸσ τοὺσ συμμάχουσ αἱρ́εσιν καὶ μεγαλοψυχίαν.

προσδοκᾶν δ’ αὐτὸν ἐκέλευσε καὶ δώρων πλῆθοσ ἰδίᾳ παρὰ τῶν τὰ τέκνα κομιζομένων·

παραδόξωσ γὰρ ἑκάστουσ ἐγκρατεῖσ γινομένουσ τῶν ἀναγκαιοτάτων ἅμιλλαν ποιήσεσθαι τῆσ εἰσ τὸν κύριον τῶν πραγμάτων εὐεργεσίασ.

일치하는 문장이 없습니다.

SEARCH

MENU NAVIGATION