Ancient Greek Text

Polybius, Histories, book 3, chapter 89

(폴리비오스, Histories, book 3, chapter 89)

δίουσ. Ἀννίβασ δὲ συνεὶσ τὴν παρουσίαν τοῦ Φαβίου καὶ βουλόμενοσ ἐξ ἐφόδου καταπλήξασθαι τοὺσ ὑπεναντίουσ, ἐξαγαγὼν τὴν δύναμιν καὶ συνεγγίσασ τῷ τῶν Ῥωμαίων χάρακι παρετάξατο. χρόνον δέ τινα μείνασ, οὐδενὸσ ἐπεξιόντοσ αὖθισ ἀνεχώρησεν εἰσ τὴν ἑαυτοῦ παρεμβολήν. ὁ γὰρ Φάβιοσ διεγνωκὼσ μήτε παραβάλλεσθαι μήτε διακινδυνεύειν, στοχάζεσθαι δὲ πρῶτον καὶ μάλιστα τῆσ ἀσφαλείασ τῶν ὑποταττομένων, ἔμενε βεβαίωσ ἐπὶ τῆσ διαλήψεωσ ταύτησ.

τὰσ μὲν οὖν ἀρχὰσ κατεφρονεῖτο καὶ παρεῖχε λόγον ὡσ ἀποδεδειλιακὼσ καὶ καταπεπληγμένοσ τὸν κίνδυνον, τῷ δὲ χρόνῳ πάντασ ἠνάγκασε παρομολογῆσαι καὶ συγχωρεῖν ὡσ οὔτε νουνεχέστερον οὔτε φρονιμώτερον οὐδένα δυνατὸν ἦν χρῆσθαι τοῖσ τότε περιεστῶσι καιροῖσ.

ταχὺ δὲ καὶ τὰ πράγματα προσεμαρτύρησε τοῖσ λογισμοῖσ αὐτοῦ.

καὶ τοῦτ’ εἰκότωσ ἐγένετο. νενικηκέναι δὲ πολλὰσ μὲν ἐν Ἰβηρίᾳ μάχασ, δὶσ δὲ Ῥωμαίουσ ἑξῆσ καὶ τοὺσ συμμάχουσ αὐτῶν, τὸ δὲ μέγιστον, ἀπεγνωκότασ πάντα μίαν ἔχειν ἐλπίδα τῆσ σωτηρίασ τὴν ἐν τῷ νικᾶν·

περὶ δὲ τὴν τῶν Ῥωμαίων στρατιὰν τἀναντία τούτοισ ὑπῆρχε.

διόπερ εἰσ μὲν τὸν ὑπὲρ τῶν ὅλων κίνδυνον οὐχ οἱο͂́σ τ’ ἦν συγκαταβαίνειν, προδήλου τῆσ ἐλαττώσεωσ ὑπαρχούσησ·

εἰσ δὲ τὰ σφέτερα προτερήματα τοῖσ λογισμοῖσ ἀναχωρήσασ ἐν τούτοισ διέτριβε καὶ διὰ τούτων ἐχείριζε τὸν πόλεμον.