호흡부호 보기
강세부호 보기
장단부호 보기
작은 Iota 보기
모든 부호 보기
Ἐχρήσατο δέ τινι καὶ Φοινικικῷ στρατηγήματι τοιούτῳ κατὰ τὴν παραχειμασίαν. ἀγωνιῶν γὰρ τὴν ἀθεσίαν τῶν Κελτῶν καὶ τὰσ ἐπιβουλὰσ τὰσ περὶ τὸ σῶμα διὰ τὸ πρόσφατον τῆσ πρὸσ αὐτοὺσ συστάσεωσ κατεσκευάσατο περιθετὰσ τρίχασ, ἁρμοζούσασ ταῖσ κατὰ τὰσ ὁλοσχερεῖσ διαφορὰσ τῶν ἡλικιῶν ἐπιπρεπείαισ, καὶ ταύταισ ἐχρῆτο συνεχῶσ μετατιθέμενοσ·
ὁμοίωσ δὲ καὶ τὰσ ἐσθῆτασ μετελάμβανε τὰσ καθηκούσασ ἀεὶ ταῖσ περιθεταῖσ.
δι’ ὧν οὐ μόνον τοῖσ αἰφνιδίωσ ἰδοῦσι δύσγνωστοσ ἦν, ἀλλὰ καὶ τοῖσ ἐν συνηθείᾳ γεγονόσιν.
Θεωρῶν δὲ τοὺσ Κελτοὺσ δυσχεραίνοντασ ἐπὶ τῷ τὸν πόλεμον ἐν τῇ παρ’ αὑτῶν χώρᾳ λαμβάνειν τὴν τριβήν, σπεύδοντασ δὲ καὶ μετεώρουσ ὄντασ εἰσ τὴν πολεμίαν, προφάσει μὲν διὰ τὴν πρὸσ Ῥωμαίουσ ὀργήν, τὸ δὲ πλεῖον διὰ τὰσ ὠφελείασ, ἔκρινε τὴν ταχίστην ἀναζευγνύειν καὶ συνεκπληροῦν τὰσ τῶν δυνάμεων ὁρμάσ.
διόπερ ἅμα τῷ τὴν ὡρ́αν μεταβάλλειν πυνθανόμενοσ τῶν μάλιστα τῆσ χώρασ δοκούντων ἐμπειρεῖν τὰσ μὲν ἄλλασ ἐμβολὰσ τὰσ εἰσ τὴν πολεμίαν μακρὰσ εὑρ́ισκε καὶ προδήλουσ τοῖσ ὑπεναντίοισ, τὴν δὲ διὰ τῶν ἑλῶν εἰσ Τυρρηνίαν φέρουσαν δυσχερῆ μὲν σύντομον δὲ καὶ παράδοξον φανησομένην τοῖσ περὶ τὸν Φλαμίνιον.
ἀεὶ δέ πωσ οἰκεῖοσ ὢν τῇ φύσει τούτου τοῦ μέρουσ ταύτῃ προέθετο ποιεῖσθαι τὴν πορείαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기