Ancient Greek Text

Polybius, Histories, book 3, chapter 66

(폴리비오스, Histories, book 3, chapter 66)

Πόπλιοσ μὲν οὖν ἀναζεύξασ προσῆγε διὰ τῶν πεδίων ἐπὶ τὴν τοῦ Πάδου γέφυραν, σπεύδων φθάσαι διαβιβάσασ τὰ στρατόπεδα. θεωρῶν γὰρ τοὺσ μὲν τόπουσ ἐπιπέδουσ ὄντασ, τοὺσ δ’ ὑπεναντίουσ ἱπποκρατοῦντασ, αὑτὸν δὲ βαρυνόμενον ὑπὸ τοῦ τραύματοσ, εἰσ ἀσφαλὲσ ἔκρινε δεῖν ἀποκαταστῆσαι τὰσ δυνάμεισ.

Ἀννίβασ δὲ μέχρι μέν τινοσ ὑπέλαβε τοῖσ πεζικοῖσ στρατοπέδοισ αὐτοὺσ διακινδυνεύειν·

καταλαβὼν δὲ τὰσ μὲν πλείστασ τῶν σανίδων ἀνεσπασμένασ, τοὺσ δὲ φυλάττοντασ τὴν γέφυραν ἔτι περὶ τὸν ποταμὸν ὑπολειπομένουσ, τούτων μὲν ἐγκρατὴσ ἐγένετο, σχεδὸν ἑξακοσίων ὄντων τὸν ἀριθμόν·

τοὺσ δὲ λοιποὺσ ἀκούων ἤδη πολὺ προειληφέναι, μεταβαλόμενοσ αὖθισ εἰσ τἀναντία παρὰ τὸν ποταμὸν ἐποιεῖτο τὴν πορείαν, σπεύδων ἐπὶ τόπον εὐγεφύρωτον ἀφικέσθαι τοῦ Πάδου.

καταλύσασ δὲ δευτεραῖοσ καὶ γεφυρώσασ τοῖσ ποταμίοισ πλοίοισ τὴν διάβασιν Ἀσδρούβᾳ μὲν ἐπέταξεν διακομίζειν τὸ πλῆθοσ, αὐτὸσ δὲ διαβὰσ εὐθέωσ ἐχρημάτιζε τοῖσ παραγεγονόσι πρεσβευταῖσ ἀπὸ τῶν σύνεγγυσ τόπων.

ἅμα γὰρ τῷ γενέσθαι τὸ προτέρημα πάντεσ ἔσπευδον οἱ παρακείμενοι Κελτοὶ κατὰ τὴν ἐξ ἀρχῆσ πρόθεσιν καὶ φίλοι γίνεσθαι καὶ χορηγεῖν καὶ συστρατεύειν τοῖσ Καρχηδονίοισ.

ἀποδεξάμενοσ δὲ τοὺσ παρόντασ φιλανθρώπωσ καὶ κομισάμενοσ τὰσ δυνάμεισ ἐκ τοῦ πέραν προῆγεν παρὰ τὸν ποταμόν, τὴν ἐναντίαν ποιούμενοσ τῇ πρόσθεν παρόδῳ·

κατὰ ῥοῦν γὰρ ἐποιεῖτο τὴν πορείαν, σπεύδων συνάψαι τοῖσ ὑπεναντίοισ. ὁ δὲ Πόπλιοσ περαιωθεὶσ τὸν Πάδον καὶ στρατοπεδεύσασ περὶ πόλιν Πλακεντίαν, ἥτισ ἦν ἀποικία Ῥωμαίων, ἅμα μὲν αὑτὸν ἐθεράπευε καὶ τοὺσ ἄλλουσ τραυματίασ, ἅμα δὲ τὰσ δυνάμεισ εἰσ ἀσφαλὲσ ἀπηρεῖσθαι νομίζων ἦγε τὴν ἡσυχίαν.

Ἀννίβασ δὲ παραγενόμενοσ δευτεραῖοσ ἀπὸ τῆσ διαβάσεωσ ἐγγὺσ τῶν πολεμίων τῇ τρίτῃ παρέταξε τὴν δύναμιν ἐν συνόψει τοῖσ ὑπεναντίοισ.

οὐδενὸσ δὲ σφίσιν ἀντεξάγοντοσ, κατεστρατοπέδευσε, λαβὼν περὶ πεντήκοντα στάδια τὸ μεταξὺ διάστημα τῶν στρατοπέδων.