Polybius, Histories, book 3, chapter 63

(폴리비오스, Histories, book 3, chapter 63)

τεσ ἐμακάριζον. μετὰ ταῦτα προελθὼν αὐτὸσ τούτου χάριν ἔφη παρεισάγειν τοὺσ αἰχμαλώτουσ, ἵν’ ἐπὶ τῶν ἀλλοτρίων συμπτωμάτων ἐναργῶσ θεασάμενοι τὸ συμβαῖνον βέλτιον ὑπὲρ τῶν σφίσι παρόντων βουλεύωνται πραγμάτων.

εἰσ παραπλήσιον γὰρ αὐτοὺσ ἀγῶνα καὶ καιρὸν τὴν τύχην συγκεκλεικέναι καὶ παραπλήσια τοῖσ νῦν ἆθλα προτεθεικέναι.

δεῖν γὰρ ἢ νικᾶν ἢ θνήσκειν ἢ τοῖσ ἐχθροῖσ ὑποχειρίουσ γενέσθαι ζῶντασ.

τοῖσ δ’ ἡττωμένοισ καὶ διὰ τὴν πρὸσ τὸ ζῆν ἐπιθυμίαν ὑπομένουσι φεύγειν ἢ κατ’ ἄλλον τινὰ τρόπον ἑλομένοισ τὸ ζῆν παντὸσ κακοῦ καὶ πάσησ ἀτυχίασ μετασχεῖν.

οὐδένα γὰρ οὕτωσ ἀλόγιστον οὐδὲ νωθρὸν αὐτῶν ὑπάρχειν, ὃσ μνημονεύων μὲν τοῦ μήκουσ τῆσ ὁδοῦ τῆσ διηνυσμένησ ἐκ τῶν πατρίδων, μνημονεύων δὲ τοῦ πλήθουσ τῶν μεταξὺ πολεμίων, εἰδὼσ δὲ τὰ μεγέθη τῶν ποταμῶν ὧν διεπέρασεν, ἐλπίσαι ποτ’ ἂν ὅτι φεύγων εἰσ τὴν οἰκείαν ἀφίξεται.

διόπερ ᾤετο δεῖν αὐτούσ, ἀποκεκομμένησ καθόλου τῆσ τοιαύτησ ἐλπίδοσ, τὴν αὐτὴν διάληψιν ποιεῖσθαι περὶ τῶν καθ’ αὑτοὺσ πραγμάτων ἥνπερ ἀρτίωσ ἐποιοῦντο περὶ τῶν ἀλλοτρίων συμπτωμάτων.

καθάπερ γὰρ ἐπ’ ἐκείνων τὸν μὲν νικήσαντα καὶ τεθνεῶτα πάντεσ ἐμακάριζον τοὺσ δὲ ζῶντασ ἠλέουν, οὕτωσ ᾤετο δεῖν καὶ περὶ τῶν καθ’ αὑτοὺσ διαλαμβάνειν καὶ πάντασ ἰέναι πρὸσ τοὺσ ἀγῶνασ, μάλιστα μὲν νικήσοντασ, ἂν δὲ μὴ τοῦτ’ ᾖ δυνατόν, ἀποθανουμένουσ.

τὴν δὲ τοῦ ζῆν ἡττημένουσ ἐλπίδα κατὰ μηδένα τρόπον ἠξίου λαμβάνειν ἐν νῷ.

τούτῳ γὰρ χρησαμένων αὐτῶν τῷ λογισμῷ καὶ τῇ προθέσει ταύτῃ, καὶ τὸ νικᾶν ἅμα καὶ τὸ σῴζεσθαι προδήλωσ σφίσι συνεξακολουθήσειν.

πάντασ γὰρ τοὺσ ἢ κατὰ προαίρεσιν ἢ κατ’ ἀνάγκην τοιαύτῃ προθέσει κεχρημένουσ οὐδέποτε διεψεῦσθαι τοῦ κρατεῖν τῶν ἀντιταξαμένων.

ὅταν δὲ δὴ καὶ τοῖσ πολεμίοισ συμβαίνῃ τὴν ἐναντίαν ἐλπίδα ταύτησ ὑπάρχειν, ὃ νῦν ἐστι περὶ Ῥωμαίουσ, ὥστε φεύγουσι πρόδηλον εἶναι τοῖσ πλείστοισ τὴν σωτηρίαν, παρακειμένησ αὐτοῖσ τῆσ οἰκείασ, δῆλον ὡσ ἀνυπόστατοσ γίνοιτ’ ἂν ἡ τῶν ἀπηλπικότων τόλμα.

τῶν δὲ πολλῶν ἀποδεχομένων τό τε παράδειγμα καὶ τοὺσ λόγουσ καὶ λαμβανόντων ὁρμὴν καὶ παράστασιν οἱάν ὁ παρακαλῶν ἐσπούδασε, τότε μὲν ἐπαινέσασ αὐτοὺσ διαφῆκε, τῇ δ’ ἐπαύριον ἀναζυγὴν ἅμα τῷ φωτὶ παρήγγειλε.

일치하는 문장이 없습니다.

SEARCH

MENU NAVIGATION