호흡부호 보기
강세부호 보기
장단부호 보기
작은 Iota 보기
모든 부호 보기
Διότι μὲν οὖν, εἰ καί τι τῶν τῆσ ἱστορίασ μερῶν ἄλλο, καὶ τοῦτο προσδεῖ λόγου καὶ διορθώσεωσ ἀληθινωτέρασ, προφανὲσ ἐκ πολλῶν μάλιστα δ’ ἐκ τούτων. ἐπαινοῦντασ δὲ μᾶλλον καὶ διορθουμένουσ τὴν ἄγνοιαν αὐτῶν, γινώσκοντασ ὅτι κἀκεῖνοι τῶν νῦν καιρῶν ἐπιλαβόμενοι πολλὰ τῶν αὐτοῖσ εἰρημένων εἰσ διόρθωσιν ἂν καὶ μετάθεσιν ἤγαγον.
ἐν μὲν γὰρ τῷ προγεγονότι χρόνῳ σπανίουσ ἂν εὑρ́οι τισ τῶν Ἑλλήνων τοὺσ ἐπιβεβλημένουσ πολυπραγμονεῖν τὰ κατὰ τὰσ ἐσχατιὰσ διὰ τὸ τῆσ ἐπιβολῆσ ἀδύνατον.
πολλοὶ μὲν γὰρ ἦσαν οἱ κατὰ θάλατταν τότε κίνδυνοι καὶ δυσεξαρίθμητοι, πολλαπλάσιοι δὲ τούτων οἱ κατὰ γῆν.
ἀλλ’ εἰ καί τισ ἢ κατ’ ἀνάγκην ἢ κατὰ προαίρεσιν ἐξίκοιτο πρὸσ τὰ πέρατα τῆσ οἰκουμένησ, οὐδ’ οὕτωσ ἤνυεν τὸ προκείμενον.
δυσχερὲσ μὲν γὰρ ἐπὶ πλέον τινῶν αὐτόπτην γενέσθαι διὰ τὸ τοὺσ μὲν ἐκβεβαρβαρῶσθαι τοὺσ δ’ ἐρήμουσ εἶναι τόπουσ, ἔτι δὲ χαλεπώτερον τὸ περὶ τῶν ὁραθέντων διὰ λόγου τι γνῶναι καὶ μαθεῖν διὰ τὸ τῆσ φωνῆσ ἐξηλλαγμένον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기