Polybius, Histories, book 3, chapter 52

(폴리비오스, Histories, book 3, chapter 52)

Τότε μὲν οὖν αὐτοῦ ποιησάμενοσ τὴν παρεμβολὴν καὶ μίαν ἐπιμείνασ ἡμέραν αὖθισ ὡρ́μα. ταῖσ δ’ ἑξῆσ μέχρι μέν τινοσ ἀσφαλῶσ διῆγε τὴν στρατιάν·

ἤδη δὲ τεταρταῖοσ ὢν αὖθισ εἰσ κινδύνουσ παρεγένετο μεγάλουσ. οἱ γὰρ περὶ τὴν δίοδον οἰκοῦντεσ συμφρονήσαντεσ ἐπὶ δόλῳ συνήντων αὐτῷ, θαλλοὺσ ἔχοντεσ καὶ στεφάνουσ·

τοῦτο γὰρ σχεδὸν πᾶσι τοῖσ βαρβάροισ ἐστὶ σύνθημα φιλίασ, καθάπερ τὸ κηρύκειον τοῖσ Ἕλλησιν. εὐλαβῶσ δὲ διακείμενοσ πρὸσ τὴν τοιαύτην πίστιν Ἀννίβασ ἐξήτασε φιλοτίμωσ τὴν ἐπίνοιαν αὐτῶν καὶ τὴν ὅλην ἐπιβολήν.

πολὺν μὲν χρόνον ηὐλαβεῖτο καὶ διηπίστει τοῖσ λεγομένοισ, συλλογιζόμενοσ δ’ Ἀννίβασ ὡσ δεξάμενοσ μὲν τὰ προτεινόμενα, τάχ’ ἂν ἴσωσ εὐλαβεστέρουσ καὶ πρᾳοτέρουσ ποιήσαι τοὺσ παραγεγονότασ, μὴ προσδεξάμενοσ δὲ προδήλουσ ἕξει πολεμίουσ αὐτούσ, συγκατένευσε τοῖσ λεγομένοισ καὶ συνυπεκρίθη τίθεσθαι φιλίαν πρὸσ αὐτούσ.

τῶν δὲ βαρβάρων τὰ ὅμηρα παραδόντων καὶ θρέμμασι χορηγούντων ἀφθόνωσ καὶ καθόλου διδόντων σφᾶσ αὐτοὺσ εἰσ τὰσ χεῖρασ ἀπαρατηρήτωσ, ἐπὶ ποσὸν ἐπίστευσαν οἱ περὶ τὸν Ἀννίβαν, ὥστε καὶ καθηγεμόσιν αὐτοῖσ χρῆσθαι πρὸσ τὰσ ἑξῆσ δυσχωρίασ.

일치하는 문장이 없습니다.

SEARCH

MENU NAVIGATION