호흡부호 보기
강세부호 보기
장단부호 보기
작은 Iota 보기
모든 부호 보기
οὗ συμβάντοσ καὶ τῆσ ἡμέρασ ἐπιγενομένησ, οἱ βάρβαροι συνθεασάμενοι τὸ γεγονὸσ τὰσ μὲν ἀρχὰσ ἀπέστησαν τῆσ ἐπιβολῆσ· μετὰ δὲ ταῦτα θεωροῦντεσ τὸ τῶν ὑποζυγίων πλῆθοσ καὶ τοὺσ ἱππεῖσ δυσχερῶσ ἐκμηρυομένουσ καὶ μακρῶσ τὰσ δυσχωρίασ, ἐξεκλήθησαν ὑπὸ τοῦ συμβαίνοντοσ ἐξάπτεσθαι τῆσ πορείασ.
τούτου δὲ γενομένου, καὶ κατὰ πλείω μέρη προσπεσόντων τῶν βαρβάρων, οὐχ οὕτωσ ὑπὸ τῶν ἀνδρῶν ὡσ ὑπὸ τῶν τόπων πολὺσ ἐγίνετο φθόροσ τῶν Καρχηδονίων, καὶ μάλιστα τῶν ἵππων καὶ τῶν ὑποζυγίων.
οὔσησ γὰρ οὐ μόνον στενῆσ καὶ τραχείασ τῆσ προσβολῆσ ἀλλὰ καὶ κρημνώδουσ, ἀπὸ παντὸσ κινήματοσ καὶ πάσησ ταραχῆσ ἐφέρετο κατὰ τῶν κρημνῶν ὁμόσε τοῖσ φορτίοισ πολλὰ τῶν ὑποζυγίων.
καὶ μάλιστα τὴν τοιαύτην ταραχὴν ἐποίουν οἱ τραυματιζόμενοι τῶν ἵππων·
τούτων γὰρ οἱ μὲν ἀντίοι συμπίπτοντεσ τοῖσ ὑποζυγίοισ, ὁπότε διαπτοηθεῖεν ἐκ τῆσ πληγῆσ, οἱ δὲ κατὰ τὴν εἰσ τοὔμπροσθεν ὁρμὴν ἐξωθοῦντεσ πᾶν τὸ παραπῖπτον ἐν ταῖσ δυσχωρίαισ, μεγάλην ἀπειργάζοντο ταραχήν. εἰσ ἃ βλέπων Ἀννίβασ καὶ συλλογιζόμενοσ ὡσ οὐδὲ τοῖσ διαφυγοῦσι τὸν κίνδυνον ἔστι σωτηρία τοῦ σκευοφόρου διαφθαρέντοσ, ἀναλαβὼν τοὺσ προκατασχόντασ τὴν νύκτα τὰσ ὑπερβολὰσ ὡρ́μησε παραβοηθήσων τοῖσ τῇ πορείᾳ προλαβοῦσιν.
οὗ γενομένου πολλοὶ μὲν τῶν πολεμίων ἀπώλλυντο διὰ τὸ ποιεῖσθαι τὴν ἔφοδον ἐξ ὑπερδεξίων τὸν Ἀννίβαν, οὐκ ἐλάττουσ δὲ καὶ τῶν ἰδίων·
ὁ γὰρ κατὰ τὴν πορείαν θόρυβοσ ἐξ ἀμφοῖν ηὔξετο διὰ τὴν τῶν προειρημένων κραυγὴν καὶ συμπλοκήν.
αὐτὸσ δὲ συναθροίσασ ὅσουσ ἠδύνατο πλείστουσ ἐκ τοῦ κινδύνου προσέβαλε πρὸσ τὴν πόλιν, ἐξ ἧσ ἐποιήσαντο τὴν ὁρμὴν οἱ πολέμιοι.
καταλαβὼν δὲ σχεδὸν ἔρημον διὰ τὸ πάντασ ἐκκληθῆναι πρὸσ τὰσ ὠφελείασ ἐγκρατὴσ ἐγένετο τῆσ πόλεωσ.
ἐκ δὲ τούτου πολλὰ συνέβη τῶν χρησίμων αὐτῷ πρόσ τε τὸ παρὸν καὶ πρὸσ τὸ μέλλον. τὸ δὲ συνέχον, φόβον ἐνειργάσατο τοῖσ ἑξῆσ πρὸσ τὸ μὴ τολμᾶν αὐτῷ ῥᾳδίωσ ἐγχειρεῖν μηδένα τῶν παρακειμένων ταῖσ ἀναβολαῖσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기