Polybius, Histories, book 3, chapter 49

(폴리비오스, Histories, book 3, chapter 49)

πεπεισμένοσ οὐδέποτ’ ἂν αὐτοὺσ τολμῆσαι τῇδε ποιήσασθαι τὴν εἰσ Ἰταλίαν πορείαν διὰ τὸ πλῆθοσ καὶ τὴν ἀθεσίαν τῶν κατοικούντων τοὺσ τόπουσ βαρβάρων. θεωρῶν δὲ τετολμηκότασ αὖθισ ἐπὶ τὰσ ναῦσ ἠπείγετο καὶ παραγενόμενοσ ἐνεβίβαζε τὰσ δυνάμεισ.

καὶ τὸν μὲν ἀδελφὸν ἐξέπεμπεν ἐπὶ τὰσ ἐν Ἰβηρίᾳ πράξεισ, αὐτὸσ δὲ πάλιν ὑποστρέψασ εἰσ Ἰταλίαν ἐποιεῖτο τὸν πλοῦν, σπεύδων καταταχῆσαι τοὺσ ὑπεναντίουσ διὰ Τυρρηνίασ πρὸσ τὴν τῶν Ἄλπεων ὑπερβολήν.

Ἀννίβασ δὲ ποιησάμενοσ ἑξῆσ ἐπὶ τέτταρασ ἡμέρασ τὴν πορείαν ἀπὸ τῆσ διαβάσεωσ ἧκε πρὸσ τὴν καλουμένην Νῆσον, χώραν πολύοχλον καὶ σιτοφόρον, ἔχουσαν δὲ τὴν προσηγορίαν ἀπ’ αὐτοῦ τοῦ συμπτώματοσ.

ᾗ μὲν γὰρ ὁ Ῥοδανόσ, ᾗ δ’ Ἰσάρασ προσαγορευόμενοσ, ῥέοντεσ παρ’ ἑκατέραν τὴν πλευράν, ἀποκορυφοῦσιν αὐτῆσ τὸ σχῆμα κατὰ τὴν πρὸσ ἀλλήλουσ σύμπτωσιν.

ἔστι δὲ παραπλησία τῷ μεγέθει καὶ τῷ σχήματι τῷ κατ’ Αἴγυπτον καλουμένῳ Δέλτα, πλὴν ἐκείνου μὲν θάλαττα τὴν μίαν πλευρὰν καὶ τὰσ τῶν ποταμῶν ῥύσεισ ἐπιζεύγνυσι, ταύτησ δ’ ὄρη δυσπρόσοδα καὶ δυσέμβολα καὶ σχεδὸν ὡσ εἰπεῖν ἀπρόσιτα.

ἐπισπωμένου τοῦ πρεσβυτέρου καὶ παρακαλοῦντοσ εἰσ τὸ συμπρᾶξαι καὶ συμπεριποιῆσαι τὴν ἀρχὴν αὐτῷ, ὑπήκουσε, προδήλου σχεδὸν ὑπαρχούσησ τῆσ πρὸσ τὸ παρὸν ἐσομένησ αὐτῷ χρείασ.

διὸ καὶ συνεπιθέμενοσ καὶ συνεκβαλὼν τὸν ἕτερον πολλῆσ ἐπικουρίασ ἔτυχε παρὰ τοῦ κρατήσαντοσ·

ἔτι δὲ τοὺσ πλείστουσ ἐσθῆτι καὶ πρὸσ τούτοισ ὑποδέσει κοσμήσασ μεγάλην εὐχρηστίαν παρέσχετο πρὸσ τὰσ τῶν ὀρῶν ὑπερβολάσ.

τὸ δὲ μέγιστον, εὐλαβῶσ διακειμένοισ πρὸσ τὴν διὰ τῶν Ἀλλοβρίγων καλουμένων Γαλατῶν πορείαν ἀπουραγήσασ μετὰ τῆσ σφετέρασ δυνάμεωσ ἀσφαλῆ παρεσκεύασε τὴν δίοδον αὐτοῖσ, ἑώσ ἤγγισαν τῇ τῶν Ἄλπεων ὑπερβολῇ.

일치하는 문장이 없습니다.

SEARCH

MENU NAVIGATION