호흡부호 보기
강세부호 보기
장단부호 보기
작은 Iota 보기
모든 부호 보기
Λυθείσησ δὲ τῆσ ἐκκλησίασ ἧκον τῶν Νομάδων οἱ προαποσταλέντεσ ἐπὶ τὴν κατασκοπήν, τοὺσ μὲν πλείστουσ αὑτῶν ἀπολωλεκότεσ, οἱ δὲ λοιποὶ προτροπάδην πεφευγότεσ. συμπεσόντεσ γὰρ οὐ μακρὰν ἀπὸ τῆσ ἰδίασ στρατοπεδείασ τοῖσ τῶν Ῥωμαίων ἱππεῦσι τοῖσ ἐπὶ τὴν αὐτὴν χρείαν ἐξαπεσταλμένοισ ὑπὸ τοῦ Ποπλίου τοιαύτην ἐποιήσαντο φιλοτιμίαν ἀμφότεροι κατὰ τὴν συμπλοκὴν ὥστε τῶν Ῥωμαίων καὶ Κελτῶν εἰσ ἑκατὸν ἱππεῖσ καὶ τετταράκοντα διαφθαρῆναι, τῶν δὲ Νομάδων ὑπὲρ τοὺσ διακοσίουσ.
γενομένων δὲ τούτων οἱ Ῥωμαῖοι συνεγγίσαντεσ κατὰ τὸ δίωγμα τῷ τῶν Καρχηδονίων χάρακι καὶ κατοπτεύσαντεσ αὖθισ ἐξ ὑποστροφῆσ ἠπείγοντο, διασαφήσοντεσ τῷ στρατηγῷ τὴν παρουσίαν τῶν πολεμίων·
ἀφικόμενοι δ’ εἰσ τὴν παρεμβολὴν ἀνήγγειλαν. Πόπλιοσ δὲ παραυτίκα τὴν ἀποσκευὴν ἀναθέμενοσ ἐπὶ τὰσ ναῦσ ἀνέζευξε παντὶ τῷ στρατεύματι καὶ προῆγε παρὰ τὸν ποταμόν, σπεύδων συμμῖξαι τοῖσ ὑπεναντίοισ.
Ἀννίβασ δὲ τῇ κατὰ πόδασ ἡμέρᾳ τῆσ ἐκκλησίασ ἅμα τῷ φωτὶ τοὺσ μὲν ἱππεῖσ προέθετο πάντασ ὡσ πρὸσ θάλατταν, ἐφεδρείασ ἔχοντασ τάξιν, τὴν δὲ τῶν πεζῶν ἐκίνει δύναμιν ἐκ τοῦ χάρακοσ εἰσ πορείαν.
αὐτὸσ δὲ τοὺσ ἐλέφαντασ ἐξεδέχετο καὶ τοὺσ ἅμα τούτοισ ἀπολελειμμένουσ ἄνδρασ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기