Ancient Greek Text

Polybius, Histories, book 3, chapter 35

(폴리비오스, Histories, book 3, chapter 35)

Ἐπιτελέσασ δὲ τὰ προειρημένα κατὰ τὴν παραχειμασίαν καὶ παρασκευάσασ ἱκανὴν ἀσφάλειαν τοῖσ τε κατὰ τὴν Λιβύην καὶ τοῖσ ἐν Ἰβηρίᾳ πράγμασι, παραγενομένησ τῆσ ταχθείσησ ἡμέρασ, προῆγε, πεζῶν μὲν ἔχων εἰσ ἐννέα μυριάδασ, ἱππεῖσ δὲ περὶ μυρίουσ καὶ δισχιλίουσ. καὶ διαβὰσ τὸν Ἴβηρα ποταμὸν κατεστρέφετο τό τε τῶν Ἰλουργητῶν ἔθνοσ καὶ Βαργουσίων ἔτι δὲ τοὺσ Αἰρηνοσίουσ καὶ τοὺσ Ἀνδοσίνουσ μέχρι τῆσ προσαγορευομένησ Πυρήνησ.

ποιησάμενοσ δὲ πάντασ ὑφ’ ἑαυτὸν καί τινασ πόλεισ κατὰ κράτοσ ἑλών, ταχέωσ μὲν καὶ παρ’ ἐλπίδα, μετὰ πολλῶν δὲ καὶ μεγάλων ἀγώνων ἔτι δὲ πολλῆσ καταφθορᾶσ ἀνδρῶν, ἡγεμόνα μὲν ἐπὶ πάσησ κατέλιπε τῆσ ἐπὶ τάδε τοῦ ποταμοῦ χώρασ Ἄννωνα, τῶν δὲ Βαργουσίων καὶ δεσπότην·

μάλιστα γὰρ τούτοισ ἠπίστει διὰ τὴν πρὸσ Ῥωμαίουσ εὔνοιαν.

ἀπεμέρισε δὲ καὶ τῆσ δυνάμεωσ ἧσ εἶχε τῷ μὲν Ἄννωνι πεζοὺσ μυρίουσ ἱππεῖσ δὲ χιλίουσ καὶ τὰσ ἀποσκευὰσ ἀπέλιπε τούτῳ τῶν αὐτῷ συνεξορμώντων.

εἰσ δὲ τὴν οἰκείαν ἀπέλυσε τοὺσ ἴσουσ τοῖσ προειρημένοισ, βουλόμενοσ αὐτούσ τε τούτουσ εὔνουσ ἀπολιπεῖν, τοῖσ τε λοιποῖσ ὑποδεικνύων ἐλπίδα τῆσ εἰσ οἶκον ἐπανόδου καὶ τοῖσ μεθ’ ἑαυτοῦ μὲν στρατευομένοισ, οὐχ ἧττον δὲ καὶ τοῖσ ἐν οἴκῳ μένουσι τῶν Ἰβήρων, ἵνα προθύμωσ ἐξορμῶσι πάντεσ, ἄν ποτέ τισ ἐπικουρίασ χρεία γένηται παρ’ αὐτῶν.

ἔχων οὐχ οὕτωσ πολλὴν δύναμιν ὡσ χρησίμην καὶ γεγυμνασμένην διαφερόντωσ ἐκ τῆσ συνεχείασ τῶν κατὰ τὴν Ἰβηρίαν ἀγώνων.