Ancient Greek Text

Polybius, Histories, book 3, chapter 18

(폴리비오스, Histories, book 3, chapter 18)

αὐτὸσ δ’ ἐκ τῶν ὑποτεταγμένων ἐπιλέξασ τοὺσ ἀνδρωδεστάτουσ ἑξακισχιλίουσ συνέστησε τούτουσ εἰσ τὴν Φάρον. ὁ δὲ στρατηγὸσ τῶν Ῥωμαίων ἀφικόμενοσ εἰσ τὴν Ἰλλυρίδα μετὰ τῶν δυνάμεων καὶ θεωρῶν τοὺσ ὑπεναντίουσ θαρροῦντασ ἐπὶ τῇ τῆσ Διμάλησ ὀχυρότητι καὶ ταῖσ παρασκευαῖσ, ἔτι δὲ τῷ δοκεῖν αὐτὴν ἀνάλωτον ὑπάρχειν, ταύτῃ πρῶτον ἐγχειρεῖν ἔκρινε, βουλόμενοσ καταπλήξασθαι τοὺσ πολεμίουσ.

παρακαλέσασ δὲ τοὺσ κατὰ μέροσ ἡγεμόνασ καὶ προσαγαγὼν ἔργα κατὰ πλείουσ τόπουσ ἤρξατο πολιορκεῖν.

λαβὼν δὲ κατὰ κράτοσ ἐν ἡμέραισ ἑπτὰ παραχρῆμα πάντασ ἥττησε ταῖσ ψυχαῖσ τοὺσ ὑπεναντίουσ.

διόπερ εὐθέωσ παρῆσαν ἐκ πασῶν τῶν πόλεων ἐπιτρέποντεσ καὶ διδόντεσ αὑτοὺσ εἰσ τὴν τῶν Ῥωμαίων πίστιν.

ὁ δὲ προσδεξάμενοσ ἑκάστουσ ἐπὶ ταῖσ ἁρμοζούσαισ ὁμολογίαισ ἐποιεῖτο τὸν πλοῦν εἰσ τὴν Φάρον ἐπ’ αὐτὸν τὸν Δημήτριον.

πυνθανόμενοσ δὲ τήν τε πόλιν ὀχυρὰν εἶναι καὶ πλῆθοσ ἀνθρώπων διαφερόντων εἰσ αὐτὴν ἡθροῖσθαι, πρὸσ δὲ καὶ ταῖσ χορηγίαισ ἐξηρτῦσθαι καὶ ταῖσ ἄλλαισ παρασκευαῖσ, ὑφεωρᾶτο μὴ δυσχερῆ καὶ πολυχρόνιον συμβῇ γενέσθαι τὴν πολιορκίαν.

διὸ προορώμενοσ ἕκαστα τούτων ἐχρήσατο παρ’ αὐτὸν τὸν καιρὸν τοιῷδέ τινι γένει στρατηγήματοσ.

εἴκοσι δὲ ναυσὶν ἐπιγενομένησ ἡμέρασ ἔπλει προδήλωσ ἐπὶ τὸν ἔγγιστα τῆσ πόλεωσ λιμένα.