Polybius, Histories, book 3, chapter 15

(폴리비오스, Histories, book 3, chapter 15)

Οἱ δὲ Ζακανθαῖοι συνεχῶσ ἔπεμπον εἰσ τὴν Ῥώμην, ἅμα μὲν ἀγωνιῶντεσ περὶ σφῶν καὶ προορώμενοι τὸ μέλλον, ἅμα δὲ βουλόμενοι μὴ λανθάνειν Ῥωμαίουσ τὴν γινομένην εὔροιαν Καρχηδονίοισ τῶν κατ’ Ἰβηρίαν πραγμάτων. Ῥωμαῖοι δὲ πλεονάκισ αὐτῶν παρακηκοότεσ τότε πρεσβευτὰσ ἐξαπέστειλαν τοὺσ ἐπισκεψομένουσ ὑπὲρ τῶν προσπιπτόντων.

Ἀννίβασ δὲ κατὰ τοὺσ αὐτοὺσ καιροὺσ πεποιημένοσ ὑφ’ αὑτὸν οὓσ προέθετο παρῆν αὖθισ μετὰ τῶν δυνάμεων παραχειμάσων εἰσ Καινὴν πόλιν, ἥτισ ὡσανεὶ πρόσχημα καὶ βασίλειον ἦν Καρχηδονίων ἐν τοῖσ κατὰ τὴν Ἰβηρίαν τόποισ.

καταλαβὼν δὲ τὴν παρὰ τῶν Ῥωμαίων πρεσβείαν καὶ δοὺσ αὑτὸν εἰσ ἔντευξιν διήκουε περὶ τῶν ἐνεστώτων.

Ῥωμαῖοι μὲν οὖν διεμαρτύροντο Ζακανθαίων ἀπέχεσθαι ‐ κεῖσθαι γὰρ αὐτοὺσ ἐν τῇ σφετέρᾳ πίστει ‐ καὶ τὸν Ἴβηρα ποταμὸν μὴ διαβαίνειν κατὰ τὰσ ἐπ’ Ἀσδρούβου γενομένασ ὁμολογίασ.

ὁ δ’ Ἀννίβασ, ἅτε νέοσ μὲν ὤν, πλήρησ δὲ πολεμικῆσ ὁρμῆσ, ἐπιτυχὴσ δ’ ἐν ταῖσ ἐπιβολαῖσ, πάλαι δὲ παρωρμημένοσ πρὸσ τὴν κατὰ Ῥωμαίων ἔχθραν, πρὸσ μὲν ἐκείνουσ, ὡσ κηδόμενοσ Ζακανθαίων, ἐνεκάλει Ῥωμαίοισ διότι μικροῖσ ἔμπροσθεν χρόνοισ, στασιαζόντων αὐτῶν, λαβόντεσ τὴν ἐπιτροπὴν [εἰσ τὸ διαλῦσαι] ἀδίκωσ ἐπανέλοιντό τινασ τῶν προεστώτων·

οὓσ οὐ περιόψεσθαι παρεσπονδημένουσ·

πάτριον γὰρ εἶναι Καρχηδονίοισ τὸ μηδένα τῶν ἀδικουμένων περιορᾶν· πρὸσ δὲ Καρχηδονίουσ διεπέμπετο, πυνθανόμενοσ τί δεῖ ποιεῖν, ὅτι Ζακανθαῖοι πιστεύοντεσ τῇ Ῥωμαίων συμμαχίᾳ τινὰσ τῶν ὑφ’ αὑτοὺσ ταττομένων ἀδικοῦσι.

καθόλου δ’ ἦν πλήρησ ἀλογίασ καὶ θυμοῦ βιαίου·

διὸ καὶ ταῖσ μὲν ἀληθιναῖσ αἰτίαισ οὐκ ἐχρῆτο, κατέφευγε δ’ εἰσ προφάσεισ ἀλόγουσ· ἅπερ εἰώθασι ποιεῖν οἱ διὰ τὰσ προεγκαθημένασ αὐτοῖσ ὁρμὰσ ὀλιγωροῦντεσ τοῦ καθήκοντοσ. πόσῳ γὰρ ἦν ἄμεινον οἰέσθαι δεῖν Ῥωμαίουσ ἀποδοῦναι σφίσι Σαρδόνα καὶ τοὺσ ἐπιταχθέντασ ἅμα ταύτῃ φόρουσ, οὓσ τοῖσ καιροῖσ συνεπιθέμενοι πρότερον ἀδίκωσ παρ’ αὐτῶν ἔλαβον·

εἰ δὲ μή, φάναι πολεμήσειν; νῦν δὲ τὴν μὲν οὖσαν αἰτίαν ἀληθινὴν παρασιωπῶν, τὴν δ’ οὐχ ὑπάρχουσαν περὶ Ζακανθαίων πλάττων, οὐ μόνον ἀλόγωσ, ἔτι δὲ μᾶλλον ἀδίκωσ κατάρχειν ἐδόκει τοῦ πολέμου.

οἱ δὲ τῶν Ῥωμαίων πρέσβεισ, ὅτι μὲν εἰή πολεμητέον σαφῶσ εἰδότεσ, ἀπέπλευσαν εἰσ Καρχηδόνα, τὰ παραπλήσια θέλοντεσ ἐπιμαρτύρασθαι κἀκείνουσ·

οὐ μὴν ἐν Ἰταλίᾳ γε πολεμήσειν ἤλπισαν, ἀλλ’ ἐν Ἰβηρίᾳ, χρήσεσθαι δὲ πρὸσ τὸν πόλεμον ὁρμητηρίῳ τῇ Ζακανθαίων πόλει.

일치하는 문장이 없습니다.

SEARCH

MENU NAVIGATION