Polybius, Histories, book 3, chapter 3

(폴리비오스, Histories, book 3, chapter 3)

μετὰ δὲ ταῦτα συγκεφαλαιωσάμενοι τὰσ ἐν Ἰβηρίᾳ καὶ Λιβύῃ καὶ Σικελίᾳ πράξεισ Ῥωμαίων καὶ Καρχηδονίων μεταβιβάσομεν τὴν διήγησιν ὁλοσχερῶσ εἰσ τοὺσ κατὰ τὴν Ἑλλάδα τόπουσ ἅμα ταῖσ τῶν πραγμάτων μεταβολαῖσ. τούτῳ συνάπτοντεσ τὸ συνεχὲσ μνησθησόμεθα τῆσ Αἰτωλῶν ὀργῆσ, καθ’ ἣν Ἀντίοχον ἐπισπασάμενοι τὸν ἀπὸ τῆσ Ἀσίασ Ἀχαιοῖσ καὶ Ῥωμαίοισ ἐξέκαυσαν πόλεμον.

τὸ δὲ τρίτον τίνα τρόπον Ῥωμαῖοι καταλύσαντεσ τὴν Γαλατῶν ὕβριν ἀδήριτον μὲν σφίσι παρεσκεύασαν τὴν τῆσ Ἀσίασ ἀρχήν, ἀπέλυσαν δὲ τοὺσ ἐπὶ τάδε τοῦ Ταύρου κατοικοῦντασ βαρβαρικῶν φόβων καὶ τῆσ Γαλατῶν παρανομίασ.

μετὰ δὲ ταῦτα θέντεσ ὑπὸ τὴν ὄψιν τὰσ Αἰτωλῶν καὶ Κεφαλλήνων ἀτυχίασ ἐπιβαλοῦμεν τοὺσ Εὐμένει συστάντασ πρόσ τε Προυσίαν καὶ Γαλάτασ πολέμουσ, ὁμοίωσ δὲ καὶ τὸν μετ’ Ἀριαράθου πρὸσ Φαρνάκην.

ἐπὶ πᾶσιν ἐξηγησάμενοι τὴν Ἀντιόχου στρατείαν εἰσ Αἴγυπτον τοῦ κληθέντοσ Ἐπιφανοῦσ καὶ τὸν Περσικὸν πόλεμον καὶ τὴν κατάλυσιν τῆσ ἐν Μακεδονίᾳ βασιλείασ.

δι’ ὧν ἅμα θεωρηθήσεται πῶσ ἕκαστα χειρίσαντεσ Ῥωμαῖοι πᾶσαν ἐποιήσαντο τὴν οἰκουμένην ὑπήκοον αὑτοῖσ.

일치하는 문장이 없습니다.

SEARCH

MENU NAVIGATION