Plutarch, Titus Flamininus, chapter 21

(플루타르코스, Titus Flamininus, chapter 21)

οὕτω μὲν τὸν Ἀννίβαν ἀποθανεῖν λέγουσιν. καί τὴν Ἀφρικανοῦ Σκηπίωνοσ ἐκτιθέντεσ πρᾳότητα καί μεγαλοψυχίαν ἔτι μᾶλλον ἐθαύμαζον, ὡσ ἀήττητον ὄντα καί φοβερὸν ἐν Λιβύῃ καταπολεμήσασ Ἀννίβαν οὔτε ἐξήλασεν οὔτε ἐξῃτήσατο παρὰ τῶν πολιτῶν, ἀλλὰ καί πρὸ τῆσ μάχησ εἰσ λόγουσ ἐλθὼν ἐδεξιώσατο καί μετὰ τὴν μάχην σπενδόμενοσ οὐδὲν ἐπετόλμησεν οὐδ’ ἐπενέβη τῇ τύχῃ τοῦ ἀνδρόσ.

λέγεται δὲ αὖθισ ἐν Ἐφέσῳ συμβαλεῖν αὐτούσ·

"τί δ’, εἰ μή σε ἐγὼ νενικήκειν; "τρίτον ἐμαυτόν, ἀλλὰ πρῶτον ἐποιούμην τῶν στρατηγῶν.

ταῦτα δὴ τοῦ Σκηπίωνοσ οἱ πολλοὶ θαυμάζοντεσ ἐκάκιζον τὸν Τίτον ὡσ ἀλλοτρίῳ νεκρῷ προσενεγκόντα τὰσ χεῖρασ. ἔνιοι δὲ ἦσαν οἱ τὸ πεπραγμένον ἐπαινοῦντεσ καί τὸν Ἀννίβαν, ἑώσ ἔζη, πῦρ ἡγούμενοι δεόμενον τοῦ ῥιπίζοντοσ· μηδὲ γὰρ ἀκμάζοντοσ αὐτοῦ τὸ σῶμα Ῥωμαίοισ καί τὴν χεῖρα φοβεράν, ἀλλὰ τὴν δεινότητα καί τὴν ἐμπειρίαν γεγονέναι μετὰ τῆσ ἐμφύτου πικρίασ καί δυσμενείασ, ὧν οὐδὲν ἀφαιρεῖν τὸ γῆρασ,’ ἀλλ’ ὑπομένειν τὴν φύσιν ἐν τῷ ἤθει, τὴν δὲ τύχην οὐ διαμένειν ὁμοίαν, ἀλλὰ μεταπίπτουσαν ἐκκαλεῖσθαι ταῖσ ἐλπίσι πρὸσ τὰσ ἐπιθέσεισ τοὺσ ἀεὶ τῷ μισεῖν πολεμοῦντασ.

καί τὰ ὕστερά πωσ ἔτι μᾶλλον ἐμαρτύρησε τῷ Τίτῳ, τοῦτο μὲν Ἀριστόνικοσ ὁ τοῦ κιθαρῳδοῦ διὰ τὴν Εὐμενοῦσ δόξαν ἐμπλήσασ ἅπασαν ἀποστάσεων καί πολέμων τὴν Ἀσίαν, τοῦτο δὲ Μιθριδάτησ μετὰ Σύλλαν καί Φιμβρίαν καί τοσοῦτον ὄλεθρον στρατευμάτων καὶ στρατηγῶν αὖθισ ἐπὶ Λεύκολλον ἐκ γῆσ ὁμοῦ καί θαλάττησ ἀναστὰσ τηλικοῦτοσ.

οὐ μὴν οὐδὲ Γαϊού Μαρίου ταπεινότεροσ Ἀννίβασ ἔκειτο, τῷ μὲν γὰρ βασιλεὺσ φίλοσ ὑπῆρχε καί βίοσ ἦν συνήθησ καί διατριβαὶ περὶ ναῦσ καί ἵππουσ καί στρατιωτῶν ἐπιμέλειαν τὰσ δὲ Μαρίου τύχασ Ῥωμαῖοι γελῶντεσ ἀλωμένου καί πτωχεύοντοσ ἐν Λιβύῃ μετὰ μικρὸν ἐν Ῥώμῃ σφαττόμενοι καὶ μαστιγούμενοι προσεκύνουν.

οὕτωσ οὐδὲν οὔτε μικρὸν οὔτε μέγα τῶν παρόντων πρὸσ τὸ μέλλον ἐστίν, ἀλλὰ μία τοῦ μεταβάλλειν τελευτὴ καί τοῦ εἶναι, διὸ καί φασιν ἔνιοι Τίτον οὐκ ἀφ’ ἑαυτοῦ ταῦτα πρᾶξαι, πεμφθῆναι δὲ πρεσβευτὴν μετὰ Λευκίου Σκηπίωνοσ, οὐδὲν ἄλλο τῆσ πρεσβείασ ἐχούσησ ἔργον ἢ τὸν Ἀννίβου θάνατον. ἐπεὶ δὲ οὐδεμίαν ἔτι τούτων κατόπιν οὔτε πολιτικὴν τοῦ Τίτου πρᾶξιν οὔτε πολεμικὴν ἱστορήκαμεν, ἀλλὰ καί τελευτῆσ ἔτυχεν εἰρηνικῆσ, ὡρ́α τὴν σύγκρισιν ἐπισκοπεῖν.

일치하는 문장이 없습니다.

SEARCH

MENU NAVIGATION